25 ناۋرىزدا قىرعىزستاندا حالىق ساناعى باستالدى. العاش رەت ەلەكتروندى فورماتتا ۇيىمداستىرىلاتىن ناۋقان 3 ساۋىردە اياقتالادى. رەسپۋبليكانىڭ شالعاي اۋداندارىندا ساناق 23 ساۋىردە باستالىپ، 2 مامىردا بىتەدى.

پرەزيدەنت سادىر جاپاروۆ قىرعىزستاندىقتاردى حالىق ساناعىنا بەلسەندى تۇردە قاتىسۋعا ۇندەدى.

"وسى مالىمەتتىڭ نەگىزىندە ەل دامۋى، ياعني ونىڭ بولاشاعىنا قاتىستى باعىت انىقتالادى. بۇل اقپارات قىرعىز رەسپۋبليكاسىنىڭ ادامي الەۋەتىنىڭ قانشالىقتى ەكەنىن باعامداۋعا مۇمكىندىك بەرەدى", - دەدى پرەزيدەنت.

جاپاروۆتىڭ ءوزى دە حالىق ساناعىنا قاتىسىپ، ساۋالناماداعى سۇراقتارعا جاۋاپ بەردى. بۇعان دەيىن حابارلانعانداي، حالىق ساناعىن وتكىزۋگە 28 مىڭ ادام ۋاقىتشا كومەكتەسەدى.

قىرعىزستاندا حالىق ساناعى 2020 جىلى كوكتەمدە ءوتۋى ءتيىس بولعان، بىراق كوروناۆيرۋس ىندەتىنە بايلانىستى ەكى مارتە كەيىنگە قالعان. رەسپۋبليكادا سوڭعى رەت حالىق ساناعى 2009 جىلى ۇيىمداستىرىلدى. سول كەزدە قىرعىزستاندا حالىق سانى 5,3 ملن بولعان.

Abai.kz