ادىلەت ءمينيسترى قانات مۋسين «بۇرىنعى پرەزيدەنت نۇرسۇلتان نازارباەۆ پەن ونىڭ قىزى داريعا نازارباەۆاعا قاتىستى تەرگەۋ ورگاندارىندا سۇراقتار تۋىنداسا دا ولاردى ۇستاپ، قاماۋعا بولمايتىن» ايتادى.

«بۇل ادامداردى ۇستاۋعا جانە قاماۋعا الۋعا زاڭدا تىيىم سالىنعان، بىراق ولارعا سۇراق قويىپ، جاۋاپ الۋعا بولادى»، - دەيدى مينيستر.

بىراق تاياۋدا قاماۋعا الىنعان ەكس پرەزيدەنتتىڭ نەمەرە ءىنىسى قايرات ساتىبالدىعا بۇل زاڭنىڭ كۇشى جۇرمەيدى ەكەن.

«بىرىنشىدەن، زاڭ وتباسى مۇشەلەرىن ايقىندايدى. نەمەرە تۋىستارى كىرمەيدى. ەكىنشىدەن، قاتەلەسپەسەم، تۇڭعىش پرەزيدەنت تۋرالى زاڭدا پرەزيدەنتتى (تۇڭعىش), ونىمەن بىرگە تۇراتىن وتباسى مۇشەلەرىن قىلمىستىق جاۋاپكەرشىلىككە تارتۋعا بولمايتىندىعى ايتىلعان. ياعني، ايىپ تاعۋعا بولمايدى. ال ايىپ تاعۋ ءۇشىن تەرگەۋگە تىيىم جوق»، - دەيدى قانات مۋسين.

قايرات ساتىبالدى 13 ناۋرىز كۇنى لاۋازىمىن اسىرا پايدالاندى جانە «قازاقتەلەكوم» اق-نىڭ قاراجاتىن ءىرى كولەمدە ۇرلادى دەگەن كۇدىكپەن قاماۋعا الىنعان بولاتىن. 15 ناۋرىزدا ول سوت سانكتسياسىمەن 2 ايعا قامالدى.  قازىر قايرات ساتىبالدىۇلىنىڭ مەملەكەت قاۋىپسىزدىگىنە نۇقسان كەلتىرەتىن وزگە دە قىلمىستارعا قاتىسى بار – جوعى تەكسەرىلىپ جاتىر.

Abai.kz