باس پروكۋراتۋرا زامانبەك نۇرقادىلوۆتىڭ ولىمىنە قاتىستى تەرگەۋ باستالماعانىن ايتتى. بۇل تۋرالى Usbanov ARNASY جازادى. 

زامانبەك نۇرقادىلوۆتىڭ ۇلى قايرات نۇرقادىلوۆ 3 ناۋرىز كۇنى اكەسىنىڭ قاستاندىقپەن ولتىرىلگەنى جايلى قىلمىستىق ءىس قوزعاۋىن سۇراپ، باس پروكۋراتۋراعا ءوتىنىش جازعان بولاتىن.

«باس پروكۋراتۋرا زامانبەك نۇرقادىلوۆتىڭ ولىمىنە قاتىستى قىلمىستىق ءىستى تەرگەپ جاتىر دەگەن اقپارات تاراپ كەتتى. باس پروكۋراتۋرا بۇل اقپاراتتىڭ جالعان ەكەنىن مالىمدەيدى. قايرات نۇرقادىلوۆتىڭ ارىزى ۆەدومستۆادا ءارى قاراۋدا جاتىر»، - دەپ حابارلادى ءباسپاسوز قىزمەتى.

الماتى وبلىسىنىڭ بۇرىنعى اكىمى، مەملەكەت جانە قوعام قايراتكەرى زامانبەك نۇرقادىلوۆ ساياسي رەجيمگە قارسى باتىل مالىمدەمەلەر جاساعان كەيىن 2004 جىلى قىزمەتىنەن الىنادى.

كوپ ۇزاماي نۇرقادىلوۆ قازاقستانداعى كوررۋپتسياعا قارسى قوعامدىق كوميتەت قۇراتىنىن جاريالاپ، «ادىلەتتى قازاقستان ءۇشىن» وپپوزيتسيالىق قوزعالىسىنىڭ قۇرىلتاي كوميتەتى قۇرامىنا كىرەدى.

2005 جىلى 12 قاراشادا ونىڭ ءولى دەنەسى ءوز ۇيىنەن تابىلدى. باسىنان ءبىر، كەۋدەسىنەن ەكى رەت اتىپ، «ءوزىن-ءوزى ءولتىردى» دەگەن رەسمي مالىمدەمەگە كوپشىلىك سەنبەيدى. زامانبەك نۇرقادىلوۆتىڭ ءولىمى ءالى كۇنگە جۇمباق كۇيدە قالىپ وتىر.

Abai.kz