رەسەيلىك ساراپشىلار مەن ساياساتكەرلەر قازاقستاننىڭ باتىس تاراپىنان سالىنعان سانكتسيالاردى ۇستانۋىنا قاتىستى كوزقاراسىنا ۇلكەن تۇسىنىسپەۋشىلىك بىلدىرۋدە. ءتىپتى سەس كورسەتۋ دەڭگەيىندەگى سۇحباتتار بەرىپ، باعدارلامالارىندا شولۋلار جاساۋدا. 

ون كۇن بۇرىن قازاقستاننىڭ قورعانىس ءمينيسترى مەن اقش-تىڭ ارنايى وكىلدەرىنىڭ ءبىرى دجۋدي كۋو كەزدەسىپ، ەكى ەل اراسىنداعى اسكەري ىنتىماقتاستىقتى دامىتۋعا قاتىستى كەلىسسوزدەر وتكىزدى .تاراپتار ارىپتەستىك، ءوزارا تاجىريبە الماسۋ، بىتىمگەرلىك ميسسياسى بويىنشا ءتىل ۇيرەتۋ جانە مامانداردى دايىنداۋعا قاتىستى تالقى وتكىزگەن. قازاقستان مەن ۇلىبريتانيا اراسىندا دا اتالمىش باعىتتاعى كەلىسسوزدەر ءوتۋى مۇمكىن. بۇل اقپاراتتاردىڭ بارلىعى دا رەسەي تاراپىنان قانداي دا ءبىر ساتقىندىق ىسپەتتەس قابىل الىنۋدا.

مىسالى رەسەيلىك رەسەي مەملەكەتتىك گۋمانيتارلىق ۋنيۆەرسيتەتىنىڭ حالىقارالىق قاتىناستار، ساياساتتانۋ جانە شەتەلدىك ايماقتانۋ فاكۋلتەتىنىڭ دوتسەنتى ۆاديم ترۋحاچەۆ بىلاي دەيدى: "پرەزيدەنت قاسىم-جومارت توقاەۆتىڭ نە ايتاتىنىن كۇتەيىك. الايدا ونىڭ ۇنسىزدىگى ۇلكەن سۇراقتاردى تۋىنداتۋدا. ءتىپتى قازاقستان رەسەيدىڭ وداقتاسى ما دەگەن سۇراق تا كوكەيدە تۇر.

ارينە، بۇنىڭ ەەو مەن ۇقشۇ-عا كەلەتىن زيانى بار. دەگەنمەن شىندىققا تۋرا قاراپ، قازاقستان ناقتى قانداي ەكەنىن كورە ءبىلۋىمىز كەرەك. قازاقستان بىزگە جاۋ ەمەس، بىراق ول وداقتاس تا ەمەس".

وسىلايشا تاعى ءبىر رەسەيلىك ساراپشى قازاقستاندى "وداقتاس ەمەس" دەپ اتادى.

Abai.kz