جەكسەنبى, 14 شىلدە 2024
كۇبىرتكە 4711 16 پىكىر 7 ءساۋىر, 2022 ساعات 11:50

الەم اۋقاتتىلارى: بۇرىنعى التاۋ - سول التاۋ...

Forbes الەمنىڭ اۋقاتتىلارىنىڭ ءتىزىمىن جاريالاپتى. ول تىزىمگە قازاقستان اتىنان التى ءداۋ قالتالى دوكەي كىرىپتى. ولار:

ۆلاديمير كيم ($5 ملرد) – 552 ورىن;

تيمۋر مەن دينارا قۇلىباەۆتار ($3,8 ملرد) – 778 ورىن;

بولات وتەمۇراتوۆ ($2,8 ملرد) – 1096 ورىن;

ۆياچەسلاۆ كيم ($2 ملرد) – 1513 ورىن.

ميحايل لومتادزە ($1,9 ملرد) - 1579 ورىن.

«سوعىس، پاندەميا مەن ەكونوميكالىق داعدارىس (نارىققا ىقپال) الەمنىڭ اۋقاتتىلارىنىڭ قالتاسىنا اجەپتاۋىر سوققى بولدى»، - دەپ جازادى باسىلىم.

Forbes جىل سايىن الەمنىڭ ەڭ اۋقاتتى ادامدارىنىڭ رەيتينگىن ءتۇزىپ وتىراتىنى بەلگىلى. بيىلعى رەيتينگكە بارلىعى – 2668 ادام ەنىپتى. رەيتينگتەگى ميللياردەرلەر سانى بىلتىرعىمەن سالىستىرعاندا 87 ادامعا ازايعان ەكەن. ال تىزىمدەگىلەردىڭ جالپى بايلىعى – 12,7 تريلليون دوللاردى قۇراپتى. بۇل دا بىلتىرعى جىلعىمەن سالىستىرعاندا 400 ميلليارد دوللارعا از كورسەتكىش.

ميللياردەرلەرىنىڭ سانى كۇرت كەمىگەن ەلدەر – رەسەي مەن قىتاي ەكەن. رەسەي پرەزيدەنتى ۆلاديمير پۋتين پارمەن بەرىپ، ۋكرايناعا قارسى سوعىس اشقالى رەسەيدە جيعان-تەرگەنى ميللياردپەن ەسەپتەلەتىن 34 وليگارح تىزىمنەن شىعىپ قالعان. قىتاي بيلىگىنىڭ ءىرى جانە ورتا كاسىپكەرلىككە جاساعان باقىلاۋىنان سوڭ، قىتايدا 87 ميللياردەر تىزىمنەن الەمدىك رەيتينگتەن شىققان.

ال الەمنىڭ ەڭ اۋقاتتى ادامدارىنىڭ كوشىن ايگىلى يلون ماسك باستاپ تۇر. ونىڭ داۋلەتى – 219 ملرد $ دەپ سەەپتەلگەن. العاشقى بەستىكتە:

جەف بەزوس (171 ملرد $) – 2 ورىن;

بەرنارد ارنولد جانە وتباسى (158 ملرد $) – 3 ورىن;

بيلل گەيتس (129 ملرد $) – 4 ورىن;

ۋوررەن باففوت (118 ملرد $) – 5 ورىن.

Abai.kz

16 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1193
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1862
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1910