جۋىردا «egov.press» پورتالىندا مارقۇم ارون اتابەكتى ساياسي قۋعىن-سۇرگىن قۇربانى دەپ تانىپ، قايتىس بولعاننان كەيىن تولىق اقتاۋدى جانە شاڭىراق وقيعاسىن قايتا قاراۋدى تالاپ ەتكەن پەتيتسيا جاريالاندى. پەتيتسياعا قازىردىڭ وزىندە 900-گە جۋىق ادام قول قويعان.

پەتيتسيا اۆتورى – نۋتۋشەۆا الما ارونقىزى. مارقۇم ارون اتابەكتىڭ قىزى. ول «Facebook» جەلىسىندەگى جەكە پاراقشاسىندا قر پرەزيدەنتى قاسىم-جومارت توقاەۆتىڭ اتىنا قاراتا ءۇشبۋ حات تا جازىپتى. ءبىز الما ارونقىزىنىڭ ءۇشبۋ-حاتىن قازاقشاعا اۋدارىپ، وقىرمان تالقىسىنا ۇسىندىق...

قۇرمەتتى قاسىم-جومارت كەمەلۇلى!

2006 جىلى مەنىڭ اكەم، اقىن، تۇركولوگ جانە ديسيدەنت ارون اتابەك نۋتۋشەۆ (ەدىگەەۆ) «شاڭىراق وقيعاسى» بويىنشا جازىقسىز سوتتالىپ، 18 جىل بوستاندىعىنان ايىرىلعان. ونىڭ كىناسىن دالەلدەيتىن ەشبىر ايعاق جوق. ايىپتاۋ تۋعان باۋىرلار – باۋىرجان جانە ايباتىر يبراگيموۆتاردىڭ كۋالىگىن نەگىزگە الىپ جاسالدى. كەيىن ولار باس پروكۋرور مەن جوعارعى سوتقا جاساعان مالىمدەمەسىندە ءتورت اي بويى قىسىم كورىپ، سونىڭ نەگىزىندە كۋاگەرلىك جاساعاندارىن ايتتى.

وعان قوسا قالالىق ادمينيستراتورلار توبىنىڭ سوت ورىنداۋشىسى باقىت شاياحمەتوۆتىڭ كۋاگەرلىك مالىمدەمەلەرىنە سايكەس، ارون اتابەك پوليتسەي ءولىمىن بولدىرماۋعا تىرىسقان. ول بيلىكتى ازاماتتاردىڭ تۇرعىن ۇيلەرىن ءسۇرىپ تاستاماۋعا شاقىرعان.

الايدا، سۋديالار - بەيىمبەتوۆا ا.ش.، مامىتوۆا ب.ن.، جانە مۋسينا گ.م.، اۋەل باستان ايىپتاۋ شەشىمىن شىعارۋعا بەيىمدەلىپ وتىرعان. سوتقا نارازىلىق رەتىندە، اكەم سوت پروتسەسسى كەزىندە ءوزىنىڭ ءىشىن ءتىلىپ جىبەرگەن. ونان سوڭ، تۇرمەدە دە ءوزىنىڭ قولىن كەسىپ، تۇرمە كيەمدەرىن ورتەپ جىبەرگەن. وسى نارازىلىقتاردىڭ بارلىعىن قۇزىرلى ورگاندار ەلەمەگەن.

ارون اتابەكتىڭ ارقاسىندا سول شاڭىراق حالقى ءوز تۇرعىن ۇيلەرىنىڭ قۇجاتتارىن راسىمدەدى. قازىرگى كۇنى وندا مىڭداعان وتباسى ءوز ۇيلەرىندە تۇرىپ جاتىر. ول (ارون) سول شاڭىراقتا جەر تەلىمى بولماسا دا، قازاقستاندىقتاردىڭ قۇقىعىن ەرلىكپەن قورعادى.

2021 جىلدىڭ قازانىندا ارون اتابەك دەنساۋلىق جاعدايىنا بايلانىستى تۇرمەدەن بوساتىلدى. ۇزاق 15 جىل ادام توزگىسىز جاعدايدا، جازالاۋ كامەراسىندا، ازاپتاۋدان كەيىن دەنساۋلىعىنان ايرىلىپ، تولىقتاي دەرلىك قوزعالماي قالدى، بويى  183 سم بولا تۇرا ، سالماعى 50 كگ-نان از بولدى! بۇل اشتىقتان بولعان ديستروفيا. تولىق دەرلىك بۇلشىقەت اتروفياسى. ازاپتاۋدان كەيىن كوپتەگەن سىنىقتار سالدارىنان قول-اياعى قوزعالمادى. ارون اتابەك تۇرمەدە العان جۇلىن اۋرۋلارى جانە باسقا دا كوپتەگەن قورقىنىشتى دياگنوزدار قويىلدى.

تۇرمەدە ونى اياۋىز ازاپتاعان. وزىنەن الدەقايدا جاستارمەن توبەلەستىرىپ، ولار اروننىڭ تىستەرىن تۇسىرگەن. ال تۇرمە قىزمەتكەرلەرى ادىلەتسىز سوتتالعان وعان كورسەتپەگەندى كورسەتكەن. 3 ايدان اسا ۋاقىت بويى اكەمدى كامەرادان باسىنا قاپ كيگىزىپ شىعارعان. ال باسپالداقتان قۇلاعاندا، ارتىنان تەۋىپ تۇرعىزعان. 3,5 جىل بويى قايناق سۋ مەن ءشاي بەرمەگەن. ونىڭ قولجازبالارىن دا تارتىپ الىپ، سۋىق، بەتون جەرگە ۇيىقتاۋعا ماجبۇرلەگەن. وعان ءبىزدىڭ حاتتارىمىز بەن سالەمدەمەلەرىمىز جەتپەگەن. ول ابدەن اشىققان جانە تۇرمە قابىرعاسىندا باياۋ ولۋگە اينالعان.

كۋيس قاراجال اۋداندىق سوتىنىڭ 2013 جىلعى ەدىگەەۆتى تۇرعىلىقتى جەرى بويىنشا جازاسىن وتەۋگە اۋىستىرۋ تۋرالى شەشىمىن دە ەسكەرمەگەن. مۇنىڭ بارلىعىن ارون اتابەك «شاڭىراق وقيعاسى» تۋرالى قولجازباسىندا ءوزى جازىپ قالدىرعان.

مەنىڭ اكەم ءتىپتى وزىنە زەينەتاقى دا راسىمدەي العان جوق. ول قازكسر كەزىندە گوسكينادا، «مەكتەپ» باسپاسىندا جانە وزگە دە جەرلەردە جۇمىس ىستەگەن. ونىڭ سەبەبى – تەررورلىق توپتاردىڭ دەمەۋشىسى دەگەن رەەسترگە زاڭسىز ەنگىزىلگەندىگى.

ءتىپتى، ارون اتابەك قايتىس بولعاننان كەيىن دە، ورگان وكىلدەرى ماعان، تۋعان قىزىنا، اكەمنىڭ ءولىمىنىڭ اق-قاراسىن انىقتاۋعا كەدەرگى كەلتىرۋدە. فورمالدى تۇردە ونىڭ ءولىمىنىڭ سەبەبى – «جەدەل وكپە جەتىسپەۋشىلىگى» دەپ كورسەتىلگەن. قايتىس بولعاننان كەيىن، ونىڭ دەنەسىنەن وزگە دەنە تابىلعان. ال اۋەزوۆ اۋداندىق پروكۋراتۋراسى مەن پوليتسيا باسقارماسى ول تابىلعان زاتتىڭ كوزىن جويعان. سول ارقىلى مەنى تاۋەلسىز ساراپتاما جاساۋ قۇقىمنان ايىردى.

ول قايتىس بولدى دەگەن سۋىق حابار ەستىلگەندە، بىزبەن بىرگە مىڭداعان ادام قايعىردى. حالىق ارون اتابەكتى ۇمىتقان جوق. حالىق اروندى جاقسى كورەدى.

ارون اتابەك ءۇزىلدى-كەسىلدى ۋاقىتىنان بۇرىن بوساتۋعا ءوتىنىش جازعان جوق. ويتسە، كىنانى مويىنداعانمەن تەڭ بولار ەدى.

ادىلەتسىز سوتتالىپ، ازاپتالىپ ولگەن ارون اتابەكتىڭ قايعى جۇتقان قىزى رەتىندە سىزدەن (قر پرەزيدەنتىنەن) كەلەسىلەردى سۇرايمىن:

1. «شاڭىراق ءىسىن» قايتا قاراۋعا جىبەرۋدى;

2. مەنىڭ اكەمدى، ارون اتابەك نۋتۋشەۆتى (ەدىگەەۆتى) «جاپاي ساياسي قۋعىن-سۇرگىن قۇرباندارىن اقتاۋ» تۋرالى زاڭعا سايكەس، ساياسي قۋعىن-سۇرگىن قۇربانى دەپ تانۋدى;

3. ونىڭ تازا ەسىمىن قايتىس بولعاننان كەيىن تولىق اقتاۋدى سۇرايمىن

نۋتۋشەۆا الما ارونقىزى

Abai.kz