ەلباسىنىڭ جارلىعىنا سايكەس، ادەبيەت پەن ونەر سالاسىنداعى 2012 جىلعى قازاقستان رەسپۋبليكاسىنىڭ مەملەكەتتىك سىيلىعىنا جازۋشى ءسابيت دوسانوۆ - «جيىرماسىنشى عاسىر» رومان-ەپوپەياسى ءۇشىن; اقىن نەسىپبەك ايتۇلى - «ارقاتىرەك» پوەمالار جيناعى ءۇشىن; ءانشى الىبەك دىنىشەۆ - ۇلى وتان سوعىسىنداعى جەڭىستىڭ 65 جىلدىعىنا ارنالعان كونتسەرتتىك باعدارلاماسى ءۇشىن; سكريپكاشى گاۋھار مىرزابەكوۆا - «ا.ۆيۆالدي-ا.پياتسوللا «8 سەزونوۆ»، «Intrabaroque» كونتسەرتتىك باع­دار­لامالارى ءۇشىن يە بولدى.

ەلباسىنىڭ جارلىعىنا سايكەس، ادەبيەت پەن ونەر سالاسىنداعى 2012 جىلعى قازاقستان رەسپۋبليكاسىنىڭ مەملەكەتتىك سىيلىعىنا جازۋشى ءسابيت دوسانوۆ - «جيىرماسىنشى عاسىر» رومان-ەپوپەياسى ءۇشىن; اقىن نەسىپبەك ايتۇلى - «ارقاتىرەك» پوەمالار جيناعى ءۇشىن; ءانشى الىبەك دىنىشەۆ - ۇلى وتان سوعىسىنداعى جەڭىستىڭ 65 جىلدىعىنا ارنالعان كونتسەرتتىك باعدارلاماسى ءۇشىن; سكريپكاشى گاۋھار مىرزابەكوۆا - «ا.ۆيۆالدي-ا.پياتسوللا «8 سەزونوۆ»، «Intrabaroque» كونتسەرتتىك باع­دار­لامالارى ءۇشىن يە بولدى.

ءبىز الامان بايگەدە توپ جارىپ شىق­قان تارلانبوزداردى جەڭىستەرىمەن قۇتتىقتاي وتىرىپ، ءبىر-ءبىر اۋىز پىكىرىن بىلگەن ەدىك.
ءسابيت دوسانوۆ، جازۋشى، مەم­لەكەتتىك سىيلىقتىڭ يەگەرى: ەل مەن ەلباسىعا قىزمەت ەتە بەرەمىن
- مەملەكەتتىك سىيلىق - مەملەكەتىمىزدىڭ ەڭ ۇلكەن سىيلىعى! جاسىراتىنى جوق، ونى الۋدى ءوزىمىز ارماندادىق. ەڭبەگىمىز اقتالدى. ەلباسىمىز ن.نازارباەۆتىڭ جۇرگىزىپ وتىرعان كەمەل ساياساتىنىڭ ارقاسىندا مەنىڭ وسىنداي دارەجەگە قولىم جەتتى دەپ ويلايمىن. سەبەبى ەلدە تىنىشتىق، ۇلتارالىق كەلىسىم بولماسا، كەيبىر ەلدەردى كورىپ وتىرمىز، ونداي رومان جازباق تۇرماق، باسىڭمەن قايعى بولىپ كەتەسىڭ. سوندىقتان شىعارماشىلىق ادامدارىنا قامقورلىق پەن شىعارما تۋدىرۋعا جاعداي جاساعانى ءۇشىن الدىمەن ەلباسىعا شىن جۇرەكتەن راقمەت ايتامىن.
قازىرگى قازاق ادەبيەتى - دامىعان ەلدەردىڭ ادەبيەتىمەن يىقتاسىپ تۇرعان مىقتى ادەبيەت. كوركەم ادەبيەتتىڭ دەڭگەيى قانداي بولسا، مەملەكەتتىڭ، حالىقتىڭ دا دەڭگەيى سونداي بولادى. ادەبيەت دامىعان جەردە مەملەكەت تە، قوعام دا داميدى. مەن ءوزىم مەملەكەتتىك كوميسسيانىڭ مەملەكەتتىك سىيلىق بەرۋ تۋرالى شەشىمى شىققاننان كەيىن جاڭا رومان جازۋعا كىرىسىپ كەتتىم. بۇل دۇنيەدەن وتكەنشە، جۇرەكتىڭ كۇشى جەتكەنشە، الداعى ۋاقىتتا دا ەل مەن ەلباسىعا قالامىممەن قىزمەت ەتە بەرەمىن.

نەسىپبەك ايتۇلى، اقىن، مەم­لەكەتتىك سىيلىقتىڭ يەگەرى: بايگەدە جەڭىپ شىعۋ وڭاي بولعان جوق
- ارينە، پەندە بولعاندىقتان، وسىنداي ۇلكەن سىيلىققا قول جەت­كىزگەنىمە وتە قۋانىشتىمىن. ۇلكەن بايگە - ولەڭنىڭ بايگەسىن بۇيىرتقان مەملەكەتتىك كوميسسياعا راقمەت! بۇل سىيلىقتا جەڭىپ شىعۋ وڭاي بولعان جوق. باسىندا ادەبيەت بويىنشا 21 ادام بايگەگە تۇستىك. كەيىننەن سولاردىڭ اراسىنان سەگىزىمىز قالدىق. وسى ازاماتتاردىڭ بارلىعىنىڭ دا ادەبيەتكە ەڭبەگى سىڭگەن، شىعار­ما­لارىنىڭ كوركەمدىگى جوعارى، جوعارى سىيلىققا لايىقتى ادامدار دەپ ويلايمىن. كەيبىرەۋىنىڭ كىتاپتارىنىڭ شىققان جىلى دەگەن سياقتى، كون­كۋرستىڭ شارتتارىنا سايكەس كەلمەي قالعاندىقتان، بايگەگە ىلىنبەگەن بولۋى كەرەك. ولارعا جۇعىستى بولسىن دەيمىن. جالپى، ءبىزدىڭ قازاق ادەبيەتى، مەنىڭ ويىمشا، بيىك دەڭگەيلى ادەبيەت! كەيدە «ادەبيەتىمىز بۇرىنعىدان گورى قۇل­دى­راپ كەتتى» دەگەن اڭگىمەلەر ايتىلادى، مەن وعان سەنبەيمىن، ارتىمىزدان وتە تالانتتى جاستار كەلە جاتىر. سولار باردا، تاۋەلسىز ەلدىڭ ادەبيەتى بۇدان دا زاۋ بيىككە كوتەرىلەدى دەپ سەنەمىن.
الىبەك دىنىشەۆ:
- قىرىق جىلعا جۋىق ۋاقىت قازاق ونەرى مەن مادەنيەتىنە ەڭبەك ءسىڭىرىپ كەلە جاتقان ازاماتپىن. وسى ۋاقىت ىشىندە قاي جەردە ءان ايتپايىن، قانداي ءان ورىندامايىن، بار ىنتا-ىقىلاسىممەن، شىن جۇرەگىممەن حالىققا ادال ەڭبەك ەتۋگە تىرىستىم. ەشقاشان ىزدەنۋدەن جالىققان ەمەسپىن. «بولدىم-تولدىم» دەگەن وي مەنىڭ باسىما كىرىپ-شىققان جوق. وسى ەڭبەگىم ەلەنىپ، ەلىمە دەگەن قۇرمەتىم باعالانىپ جاتقانى مەن ءۇشىن ۇلكەن قۋانىش. وسىعان دەيىن دە تالاي جوعارى دارە­جەلى ناگرادالارعا يە بولىپ كەلەمىن. مەملەكەتتىك سىيلىقتىڭ دا ءوز ورنى بار، اركىم مەندە بولسا دەپ ارمان­دايتىن، ادامعا ايرىقشا قۋانىش اكەلەتىن ماراپات ەكەنى انىق. سون­دىقتان مەنىڭ قىزمەتىمدى ەلەپ، ەسكەرىپ، مارتەبەمدى اسىرىپ جاتقان ەلباسى نۇرسۇلتان ءابىشۇلىنا، تىڭدار­مان­دارىما، جالپى، ونەرسۇيەر قاۋىمعا ۇلكەن ريزا­شىلىعىمدى بىلدىرەمىن. مەنىڭ شى­عارماشىلىعىمدى ناسي­حاتتاپ، مەن تۋرالى جۇرەكجاردى سۇحباتتار جاريالاپ جۇرگەن «ايقىن» گازەتىنە دە العىسىم شەكسىز!
دايىنداعاندار
اقتان قوڭىر،
ءا.ماۋلەن

"ايقىن" گازەتى