جۇما, 29 ناۋرىز 2024
دەي سالدىم-اۋ 3939 10 پىكىر 19 مامىر, 2022 ساعات 14:07

سوعىستىڭ سوزىلۋى - ءپۋتيننىڭ ستراتەگيالىق جەڭىلىسى!

رەسەيلىك ساتيريك جازۋشى، پۋبليتسيست ۆيكتور شەندەروۆيچ ۋكراينالىق جۋرناليست دميتري گوردونعا بەرگەن سۇحباتىندا: «رەسەيدىڭ كۇنى ءبىتتى، پۋتين ءبىزدىڭ بولاشاعىمىزدىڭ تۇبىنە جەتتى»، - دەيدى.

گوردوننىڭ «سوعىس قاشان بىتەدى؟» دەگەن سۇراعىنا، جازۋشى بىلاي دەپ جاۋاپ بەردى:

«سوعىستىڭ تەز اياقتالعاننىن سىزدەردەن گورى پۋتين مەن ءبىز (رەسەيلىكتەر) قالايمىز. سوعىستىڭ بۇلاي ۇزاققا سوزىلۋى ءپۋتيننىڭ ستراتەگيالىق جەڭىلىسىنىڭ كورىنىسى. ماسەلە تەك رەسەي يمپەرياسىنىڭ تەز ىدىراۋى ۋكراينانىڭ قۇنىمەن كەلەتىنىندە. يمپەريا بالتىق ەلدەرىنسىز، ءتىپتى كاۆكازسىز، ورتالىق ازياسىز ءومىر سۇرسە دە، ورىس قالالارىنىڭ اناسى - كيەۆسىز ءومىر سۇرە المايدى. پۋتين ءۇشىن ۋكراينانىڭ تاۋەلسىز بولۋى رەسەي يمپەرياسىنىڭ ولگەنىمەن تەڭ. سوندىقتان پۋتينگە «ۋكراينا سوعىسى»، «مايدان» قاتتى ءتيىپ وتىر».

شەندەروۆيچتىڭ ايتۋىنشا، بۇكىل الەمدى وزىنە قارسى قويعان ەل ەشقاشان جەڭىسكە جەتكەن ەمەس. سوندىقتان، رەسەي بۇل سوعىستا ستراتەگيالىق تۇرعىدا جەڭىلدى. الەمنىڭ قازىرگى رەسەيگە قارسىلىعى ءتىپتى، فاشيستىك گەرمانياعا قارسىلىقتان دا ارتىپ كەتتى.

«ءپۋتيننىڭ امالى قۇرىعانىن بايدەن كورىپ وتىر. پۋتين ءوزى باستاعان سوعىستان شىعار جولدى بىلمەي قالدى. قازىر بولىپ جاتقان اسكەري سوعىس قانا ەمەس، بۇل - كەلىسسوز سوعىسى. پۋتين ءجون-جوسىقسىز ۋكراينا قالالارىن قيراتىپ جاتىر. وعان، مىسالى، ودەسسا كەرەك ەمەس. پۋتين قالانى الا المايتىنىن بىلەدى. ونىڭ قىرىپ-جويىپ، بۇزىپ جاتقانىنىڭ سەبەبى، بايدەنمەن كەلىسىمگە كەلۋدىڭ جولى عانا. بۇل جەردە ۋكراينانىڭ قاتىسى دا بولماۋى مۇمكىن، پۋتين وسىلايشا بايدەنمەن كەلىسىمگە كەلۋگە تىرىسىپ جاتىر. پۋتين:  «قاراڭدار، ءبىز زالىمبىز، ءبىز قالالاردى قانعا بوكتىرە الامىز، ءبىز يادرولىق قارۋدى جارىپ جىبەرە الامىز. سوندىقتان بىزبەن سويلەسىڭدەر. ءبىزدىڭ قولىمىزدان نە كەلەتىنىن كوردىڭدەر عوي!»، - دەيدى. ال، بايدەن، ءپۋتيننىڭ ويىنشا «بولدى، توقتاتىڭدار، كەلىڭدەر كەلىسەيىك»، دەۋى كەرەك. كەلىسسوز جۇرگىزە قالعان جاعدايدا رەسەي جەڭدى دەگەن ءسوز. سوسىن 15 جىل بويى كەلىسىپ كەلگەندەي، مىناۋ ساعان، مىناۋ ماعان دەگەن كەلىسىمدەر جۇرە باستايدى. پۋتين ۋكراينانى بومبالاعان سايىن، بايدەن كەرىسىنشە لەند-ليزگە قول قويىپ وتىر. ءبىز وسىنداي ديالوگتىڭ كۋاسى بولىپ وتىرمىز، ال، ۋكراينا وسى ديالوگتىڭ تۇتقىنى»، - دەدى جازۋشى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563