«ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆ مەن مادەنيەت جانە سپورت ەكس-ۆيتسە-ءمينيسترى عابيدوللا ءابدىراحيموۆتىڭ ۇستىنەن «رەيدەرلىك» بابى بويىنشا قىلمىستىق ءىس قوزعالدى»، - دەپ جازدى كوزاچكوۆ تەلەگرام ارناسى.

عابيدوللا ءابدىراحيموۆ شىمكەنت قالاسىنىڭ اكىمى قىزمەتىن اتقارعان كەزدە ءبىراز قىزىقتارىمەن ەستە قالعان.

عابيدوللا ءابدىراحيموۆ 1975 جىلى 23 قاڭتاردا قازاقستاننىڭ وڭتۇستىگىندە دۇنيەگە كەلگەن. 1996 جىلى قازاق مەملەكەتتىك اگرارلىق ۋنيۆەرسيتەتىنەن ەكونوميست-بۋحگالتەر ماماندىعىن الىپ شىعادى. 1997-1999 جىلدارى «بولاشاق» باعدارلاماسى بويىنشا نەمىس جوعارى مەملەكەتتىك باسقارۋ مەكتەبىندە وقيدى.

ءتورت ءتىلدى مەڭگەرگەن ءابدىراحيموۆ ءار جىلدارى قازاقستاننىڭ لاۋازىمدى قىزمەتتەرىن اتقاردى. اتاپ ايتساق، قر مەملەكەتتىك قىزمەت ىستەرى اگەنتتىگىن، قر باسەكەلەستىكتى قورعاۋ اگەنتتىگىن باسقاردى، پرەمەر-مينيستر كەڭسەسىنىڭ باسشىسى، قازاقستان پرەزيدەنتى اكىمشىلىگى باسشىسىنىڭ ورىنباسارى بولدى.

شىمكەنت قالاسىنىڭ اكىمى قىزمەتىن اتقاردى. «نۇر وتان» پارتياسىنىڭ حاتشىسى، قر پرەمەر-ءمينيسترىنىڭ كەڭەسشىسى، قر مادەنيەت جانە سپورت ۆيتسە-ءمينيسترى بولىپ تا قىزمەت اتقاردى.

ءابدىراحيموۆ شىمكەنت قالاسىن باسقارىپ تۇرعان كەزىندە ءوزى اۆتوبۋسپەن، كەيدە ۆەلوسيپەدپەن جۇرە باستادى. مەملەكەتتىك قىزمەتكەرلەردى دە ماجبۇرلەپ اۆتوبۋسپەن جۇرگىزە باستادى. ەل ىشىندە ونىڭ «كاجدىي حوچەت ۆ جيزني ۆاۋ»، «شىمكەنتپەن جىلاپ قوشتاساسىز» دەگەن «قاناتتى» سوزدەرى ازىلگە اينالدى. جيىنداردىڭ بىرىندە شىمكەنت قالاسىن ءبىر سوزبەن «زىڭ» دەپ سيپاتتاعان بولاتىن.

جۋرناليستەردىڭ «شىمكەنتتە قىزداردى الىپ قاشىپ كەتەدى دەپ كوپ ايتىلادى. قىزدارعا شىمكەنتكە كەلۋ قاۋىپتى مە؟» دەگەن سۇراعىنا: «شىمكەنتتە ەشكىم قىزداردى الىپ قاشپايدى، كەيدە قىزداردىڭ وزدەرى الىپ قاشىپ كەتسە ەكەن دەپ تۇرادى»، - دەپ قويىپ قالعان. ەكس-اكىمنىڭ بۇل سوزدەرى دە قوعامدا ءبىراز سىنعا ۇشىرادى.

ال، ارىس قالاسىندا جارىلىس بولعان كەزدە ءابدىراحيموۆ حالىقتى سابىرعا شاقىرىپ، جارىلىس توقتاۋ ءۇشىن دۇعا ەتۋدى سۇراعان.

ءابدىراحيموۆتىڭ اكىمدىك قىزمەتىنە لوندوننان سالەم جولداعان ۆيدەوسى نۇكتە قويدى. ول قىزمەت بابىمەن لوندون قالاسىنا بارعان بولاتىن. ءوزىنىڭ Instagram  پاراقشاسىندا وتانداستارىنا سالەم جولداعان ەكس-اكىم بىلاي دەيدى:

«لوندونننان سالەم. تاڭعى استان كەيىن گايد-پارككە قىدىرۋدى ءجون دەپ شەشتىم. لوندون - الەمنىڭ استاناسى. ونى دالەلدەۋدىڭ كەرەگى جوق، بىراق مەن ءبارىبىر قازاقستاندى جاقسى كورەم. قازاقستاندا جۇمىس ىستەپ، ءومىر ءسۇرۋ كەرەك. الەم ەلدەرىنە دەمالۋ ءۇشىن كەلۋ كەرەك. باقىت دەگەن سوندا سەكىلدى. بالالارىمىزعا، پاتريوت ۇرپاعىمىزعا قازاقستاندا تابىستى جۇمىس ىستەپ، بارىنە قول جەتكىزىپ، الەم ەلدەرىندە دەمالۋدى تىلەيمىن. مۇنىڭ نەگىزى 1993 جىلى پرەزيدەنت «بولاشاق» تۋرالى جارلىققا قول قويعان كەزدە باستالدى. مەن بىزگە ءتۇرلى سالالاردى، لاۋازىمداردى تاپسىرعان، كەڭەسىن بەرگەن اعا بۋىنعا، ەلباسىنا، ەلىمىزگە ريزاشىلىعىمدى بىلدىرەمىن. مەنىڭ ويىمشا، قازاقستاننىڭ بولاشاعى زور، مەن سوعان سەنەمىن»، - دەدى ول.

ۆيدەوۇندەۋ الەۋمەتتىك جەلىدە بەلسەندى تارالىپ، قىزۋ تالقىعا ءتۇستى.

2019 جىلى 30 شىلدەدە ول شىمكەنت قالاسىنىڭ اكىمى قىزمەتىنەن الىندى. سول كەزدەگى پرەزيدەنت اكىمشىلىگىن باسقارعان قىرىمبەك كوشەرباەۆ عابيدوللا ءابدىراحيموۆ تۋرالى: «ونى ەلىمىزدەگى ەڭ لاۋازىمدى ءارى جاۋاپتى قىزمەتتەرگە تاعايىندادى. وكىنىشكە قاراي، مۇنى ءوزى جەتكىلىكتى تۇردە ۇعىنعان جوق»، - دەپ پىكىر بىلدىرگەن.

PS: وسى ماتەريال دايىندالىپ جاتقاندا الەۋمەتتىك جەلىلەردە: «عابيدوللا ءابدىراحيموۆ وزىنە قاتىستى قىلمىستىق ءىس قوزعالعانىن جوققا شىعاردى»، - دەگەن مالىمەت شىقتى.

«رەيدەرلىك» ارەكەت بويىنشا وزىنە قاتىستى قىلمىستىق ءىس تىركەلدى دەگەن اقپارات شىققاندىقتان، شىمكەنتتىڭ ەكس-اكىمى عابيدوللا ءابدىراحىموۆ Facebook ارقىلى جاريالاناتىن مالىمدەمە ءماتىنىن دايىنداي باستاعان ەكەن. وندا ءىستىڭ انىق-قانىعى ايتىلىپ، عابيدوللانىڭ ىستەگى ستاتۋسى بويىنشا تولىق مالىمەت بەرىلمەك.

عابيدوللا رەسمي تۇردە جۇمىسسىز. بىراق جاقىندا ول مەملەكەتتىك قىزمەت رەفورماسى تۋرالى ءوز ويلارىن بىلدىرگەن بولاتىن.

Abai.kz