قازاقستاننىڭ ەڭبەك سىڭىرگەن شەبەرى داۋلەت تۇرلىحانوۆ جۋرناليست امان تاسىعاننىڭ TALK LIKE باعدارلاماسىندا زەينەتاقىسىنىڭ مولشەرىن ايتتى.

"مەنىڭ الاتىن زەينەتاقىم — 57 مىڭ تەڭگە. كاسىپكەرلىك جۇمىسپەن اينالىسپاسام، كۇن كورە المايتىن ەدىم، بالا-شاعامدى اسىراي المايتىن ەدىم. ارينە، ءىشىم جانىپ تۇرادى، كىلەمگە بارىپ جۇمىس ىستەسەم دەگەن. بىراق بالا-شاعانى كىم اسىرايدى، كىم كورىكتەندىرەدى؟! ايىنا، جىلىنا دەمالىسقا، كۋرورتقا بارۋ ءۇشىن دە اقشا كەرەك قوي.

ەندى مەن تۋعان-تۋىستان، بالا-شاعادان دەمالىپ كەلەيىن دەپ اقشا سۇراپ جۇرمەيمىن عوي. سوندىقتان كارىلىكتى جاقسى قارسى السام، ەشكىمگە تاۋەلدى بولماي، كەرەك كەزدە جۇبايىمدى الىپ دۋبايعا، سارىاعاشقا بارىپ كەلسەم، سوعان مۇمكىنشىلىك بولسا دەپ ويلايمىن. ال بالالار ءوز اياقتارىن وزدەرى الىپ كەتسە ءبىز ءۇشىن ودان ارتىق باقىت جوق", - دەدى داۋلەت تۇرلىحانوۆ.

بۇگىندە گرەك-ريم، ەركىن جانە ايەلدەر كۇرەسى فەدەراتسياسىنىڭ پرەزيدەنتى قىزمەتىن اتقاراتىن  داۋلەت تۇرلىحانوۆ زەينەتاقىعا تاۋەلدى ەمەسپىن دەيدى.

Abai.kz