اياگوزدەگى ورتا مەكتەپتى بىتىرگەن كەزدە باۋىرجان تۇمارباەۆقا اكەسى جاقسى وسيەت ايتتى - ۇدايى ساق بول، ءوز ىسىڭە بەكەم بول، ءار قادامىڭدى ويلانىپ باس. اكە اماناتى جەردە قالمادى: باۋىرجان قىزىعى دا، شىجىعى دا كوپ كۇردەلى سالانى - ەلەكتر قۋاتىمەن بايلانىستى جۇمىستى تاڭدادى.
جاس جىگىتتىڭ بۇل تاڭداۋى ابدەن كەسىپ-پىشىلگەن، مىڭ ويلانىپ، ءجۇز تولعانعان ادامنىڭ شەشىمى ەدى: ول وتباسىلىق ەنەرگەتيكتەر ءداستۇرىن ودان ءارى جالعاستىرۋدى ويلادى، ونىڭ اكەسى ءومىر بويى اياگوز قۋات كوزدەرى جۇيەسىندە ينجەنەر-ەلەكتريك بولىپ قىزمەت ەتكەن، اتاسىنىڭ دا عۇمىرى ەلەكتر قۋاتىمەن تىعىز بايلانىستى بولعان ەدى. تۋعان-تۋىس باۋىرجاننىڭ تاڭداۋىن قۋانا قۇپ الدى. الماتى ەنەرگەتيكالىق كوللەدجىندە ءبىلىم العان باۋىرجان ەس بىلگەلى ەنەرگەتيك ماماندىعى تۋرالى ەستىپ-ءبىلىپ كەلە جاتقاندارىن تىڭ بىلىممەن تولىقتىرىپ، تەحنيكالىق تۇرعىدان جاڭا بىلىكتىلىكتى مەڭگەردى. ەنەرگەتيك سياقتى قيىن دا كۇردەلى، تارتىمدى دا قىزىقتى ماماندىقتى يگەرۋ جولىندا ءبىلىم الۋدىڭ ءبىرىنشى ساتىسىن باۋىرجان ويداعىداي يگەردى: ساباعىن ۇزدىك وقىدى.
بۇدان سوڭ جاس جىگىت جوعارعى ءبىلىم الۋ جايلى جوسپار قۇرا باستاعان.

اياگوزدەگى ورتا مەكتەپتى بىتىرگەن كەزدە باۋىرجان تۇمارباەۆقا اكەسى جاقسى وسيەت ايتتى - ۇدايى ساق بول، ءوز ىسىڭە بەكەم بول، ءار قادامىڭدى ويلانىپ باس. اكە اماناتى جەردە قالمادى: باۋىرجان قىزىعى دا، شىجىعى دا كوپ كۇردەلى سالانى - ەلەكتر قۋاتىمەن بايلانىستى جۇمىستى تاڭدادى.
جاس جىگىتتىڭ بۇل تاڭداۋى ابدەن كەسىپ-پىشىلگەن، مىڭ ويلانىپ، ءجۇز تولعانعان ادامنىڭ شەشىمى ەدى: ول وتباسىلىق ەنەرگەتيكتەر ءداستۇرىن ودان ءارى جالعاستىرۋدى ويلادى، ونىڭ اكەسى ءومىر بويى اياگوز قۋات كوزدەرى جۇيەسىندە ينجەنەر-ەلەكتريك بولىپ قىزمەت ەتكەن، اتاسىنىڭ دا عۇمىرى ەلەكتر قۋاتىمەن تىعىز بايلانىستى بولعان ەدى. تۋعان-تۋىس باۋىرجاننىڭ تاڭداۋىن قۋانا قۇپ الدى. الماتى ەنەرگەتيكالىق كوللەدجىندە ءبىلىم العان باۋىرجان ەس بىلگەلى ەنەرگەتيك ماماندىعى تۋرالى ەستىپ-ءبىلىپ كەلە جاتقاندارىن تىڭ بىلىممەن تولىقتىرىپ، تەحنيكالىق تۇرعىدان جاڭا بىلىكتىلىكتى مەڭگەردى. ەنەرگەتيك سياقتى قيىن دا كۇردەلى، تارتىمدى دا قىزىقتى ماماندىقتى يگەرۋ جولىندا ءبىلىم الۋدىڭ ءبىرىنشى ساتىسىن باۋىرجان ويداعىداي يگەردى: ساباعىن ۇزدىك وقىدى.
بۇدان سوڭ جاس جىگىت جوعارعى ءبىلىم الۋ جايلى جوسپار قۇرا باستاعان.
تاعدىردىڭ مىڭ بۇرالاڭ سوقپاعىن ايتساڭىزشى. ول باۋىرجانعا توسىننان سىي دايىنداپتى. بۇل كەزدە اياگوزدە ەكاتەرينبۋرگ تاۋ-كەن ۋنيۆەرسيتەتىنە وقۋعا تۇسۋگە بايقاۋ جاريالانعان ەدى. «قازاقمىس» كورپوراتسياسى جاڭادان سالىنىپ جاتقان اقتوعاي كەنىشىندەگى جۇمىستاردى ودان ءارى جۇرگىزۋگە قاجەتتى ماماندار دايىنداۋ ءۇشىن وسى وقۋ ورنىندا ءبىلىم الاتىن ستيپەندياتتاردى ىرىكتەپ جاتقان بولاتىن. جاس جىگىت تۋعان ايماقتا، اياگوزدەن 70 شاقىرىم جەردە ورنالاسقان كەنىشتە جۇمىس ىستەۋ مۇمكىندىگىنە قاتتى قىزىقتى. اقىرى ول رەسەيلىك جوعارعى وقۋ ورنى وتكىزگەن سىناقتاردى ويداعىداي تاپسىرىپ، ەكاتەرينبۋرگ قالاسىنا وقۋعا اتتاندى. تاريحى تامىرلاس، تاۋ-كەن ىسىندە تاجىريبەسى مول قالادا وتكەن ستۋدەنتتىك كۇندەردى باۋىرجان قازىر ۇلكەن قيماستىقپەن ەسكە الادى: ۋنيۆەرسيتەتتىڭ پروفەسسورلىق-پەداگوگتىق قۇرامى شاكىرتتەردەن وقۋعا ىنتى-شىنتىمەن دەن قويۋدى قاتاڭ تالاپ ەتەتىن، وسى تالاپتىڭ ارقاسىندا قازاقستاندىق ستۋدەنتتەر كۇننەن-كۇنگە ءبىلىم ارتىپ، رۋحاني تولىسىپ، تۇلەي بەردى.
ءاردايىم الدىنا جاڭا ماقسات قويىپ ۇيرەنگەن باۋىرجان وسى قالادا تاعى ءبىر ماماندىقتى يگەرىپ، ەكونوميكالىق سالا بويىنشا ءبىلىم الىپ شىقتى. ءوزىن ۇلكەن ۇمىتپەن وقۋعا اتتاندىرعان كومپانيانىڭ سەنىمىن اقتاۋ، ءوز وتانىنىڭ ءۇمىتىن اقتاۋ قاجەتتىگىن باۋىرجان ءبىر ساتكە دە ەستەن شىعارعان ەمەس. ول ءوزىن ازات ەلدىڭ پاتريوت ۇلانىنا لايىق بولمىستا تانىتۋعا تىرىستى. قازاق ءتىلىن دە، ورىس ءتىلىن دە ەركىن مەڭگەرگەن باۋىرجان كورشى ەلدە مادەني بىرلەستىكتىڭ بەلسەندى مۇشەسى بولىپ، ۇلتتىق مەرەكەلەردى ۇيىمداستىرۋعا اتسالىسىپ، ءتۇرلى شارالاردى جۇرگىزۋدە ايرىقشا كوزگە ءتۇستى.
قوعامدىق جۇمىس پەن وقۋدى قاتار الىپ ءجۇرىپ، باۋىرجان تاجىريبە الۋ، بىلىكتىلىك جيناۋ قاجەتتىگىن ۇمىتقان ەمەس. ول وقۋ كەزىندەگى وندىرىستىك تاجىريبەسىن بالقاشتاعى ساياق كەنىشىندە وتكىزۋدى ۇيعاردى. ونىڭ ديپلومدىق جۇمىسى دا وسى كەنىشتىڭ تاريحىمەن، وندىرىسىمەن تىكەلەي بايلانىستى ەدى. ايتسە دە، وندىرىستىك تاجىريبەدە ءوندىرىستىڭ بار قىر-سىرىن مەڭگەرىپ شىعۋ مۇمكىن ەمەس. باۋىرجان شىنايى مامان رەتىندە ەڭبەك جولىن شىعىس قازاقستان وبلىسىندا باستادى.
ديپلومىن العان جاس شەبەر كورپوراتسيانىڭ باسقا دا ستيپەندياتتارىمەن بىرگە قازاقمىس توبىنا جاتاتىن «شىعىستۇستىمەتاللل» ءوب قارايتىن نيكولاەۆ كەنىشىنە وتكەن جىلى قىركۇيەك ايىندا جۇمىسقا كەلگەن. جاس مامان ەڭبەك جولىن قاراپايىم سلەسار بولىپ باستاپ، قازىر ماستەر ساناتىندا جۇمىس ىستەپ ءجۇر.
ونىڭ ماماندىعى - وندىرىستىك قۇرىلىمداردىڭ ەلەكترپريۆودى مەن ەلەكترقۇرىلعىلارى، بۇل جۇمىس كەڭ اۋقىمدى بىلىكتىلىكتى تالاپ ەتەدى، تاۋ-كەن، بايىتۋ ءوندىرىسى دە وسىنداي بىلىكتىلىكتەگى ماماندارعا ءزارۋ. ال ەنەرگەتيكالىق بىلىمىنە قوسا ەكونوميكالىق ءبىلىمى بار جاس ماماننىڭ كەلەشەگى زور ەكەنى ايدان انىق. ادامدارمەن قارىم-قاتىناستى ۇنەمى سابىرلى، ۇستامدى قالپىن ساقتاي بىلەتىن باۋىرجاننىڭ باسشىلىق قىزمەتكە دە بەيىمى جوعارى ەكەنى بايقالادى. ءوزى الدىنان جارقىن كەلەشەك كۇتىپ تۇرعانىن ءىشى سەزسە دە، ازىرگە ناقتى ءوندىرىس سالاسىندا مول تاجىريبە جيناقتاعاندى ءجون كورەدى. ءوندىرىس سالاسىندا قاۋىپسىزدىكتىڭ جاڭا ستاندارتتارى ەنگىزىلگەننەن سوڭ ەلەكتر قۋاتى سالاسىندا تىڭ جوبالار قولعا الىندى. سوندىقتان جاس مامان اتقارار قىرۋار مىندەت بار. وندىرىستىك بىرلەستىكتىڭ باس ديرەكتورى امانگەلدى مينيگۋلوۆ تە جاس ماماندارعا ۇدايى قولداۋ كورسەتىپ كەلەدى، ونىڭ باۋىرجان تۇمارباەۆتى ينجەنەرلىك قىزمەتكە رەزەرۆكە قويعانى دا وسىنى اڭعارتسا كەرەك.
بارلىق تالانتتى ادامدار سەكىلدى باۋىرجان جاڭاشىلدىققا جانى قۇمار. جاقىندا وتكەن اتتەستاتسيالاۋ كەزىندە ول ءوزىنىڭ ءبىلىمدى مامان ەكەنىن كورسەتتى، ال كوميسسيا ونىڭ شەبەرلىكتى شىڭدالۋعا ۇمتىلىسىن ايرىقشا اتاپ ءوتتى. جاقسى ناتيجەنىڭ ارقاسىندا ونىڭ قىزمەت ساتىسى بويىنشا ورلەۋگە جولى اشىلدى.
باۋىرجاندى بىلەتىن تانىس-تامىرلارىنىڭ ءبارى دە ونىڭ ۇجىمنىڭ قوعامدىق ومىرىنە بەلسەندى تۇردە اتسالىساتىنىن ايتادى. كەلەشەككە ۇلكەن ۇمىتپەن قارايتىن جاس مامان وتباسىنىڭ يگىلىگى ءۇشىن، وتانىنىڭ مۇددەسى ءۇشىن ايانباي تەر توكسەم دەيدى. شىن مانىندە باۋىرجان تۇمارباەۆ - ءوز ەلىنىڭ پاتريوتى. ونىڭ پىكىرىنشە، پاتريوتيزم قىزىل سوزبەن ەمەس، ناقتى ءىس پەن ادال قىزمەت ارقىلى كورىنۋى ءتيىس.

"اباي-اقپارات"