سارسەنبى, 10 تامىز 2022
انىق 1857 4 پىكىر 10 ماۋسىم, 2022 ساعات 14:04

«قۇزعىن» كەلە جاتىر...

قازاقستان مەن تۇركيا اراسىندا سوققى جاساۋشى درونداردى الۋ بويىنشا كەلىسىم جاسالدى دەگەن ناقتىلانباعان اقپارات وتكەن جىلى شىقتى. اراعا ۋاقىت سالىپ، تۇركيالىق باق بىرنەشە مارتە "قازاقستانعا Anka دروندارىن انە جەتكىزەمىز، مىنە جەتكىزەمىز" دەگەن مالىمەت تاراتتى. قازاقستان بۇل اقپاراتتاردى نە راستامادى، نە جوققا شىعارمادى. 

قازاقستان پرەزيدەنتى قاسىم-جومارت توقاەۆ تۇركياعا رەسمي ساپارمەن بارىپ، ەكى كۇندىك ءىس-ساپار بارىسىندا قازاقستاندا سوققى جاساۋشى درونداردى شىعاراتىن زاۋىت سالۋ بويىنشا كەلىسىم جاساستى. زاۋىتتىڭ قاشان جانە قاي جەردە سالىناتىنى ءالى ناقتى بەلگىلى ەمەس.

تۇرىك قورعانىس ونەركاسىبى ماماندارى درونداردا قولدانىلاتىن وتاندىق زىمىراندار قاتارىن كەڭەيتۋدە. Türk Havacılık ve Uzay Sanayii (TUSAŞ) UAV باس ديرەكتورىنىڭ ورىنباسارى ومەر يىلدىز انادولى اقپارات اگەنتتىگىنە وسى ۋاقىتقا دەيىن 36 دانا Anka درونىنىڭ جالپى ۇشۋ ۋاقىتى 120 000 ساعاتتان اسقانىن ايتادى.

ونىڭ ايتۋىنشا، تۇركيادا جاسالعان سوققى بەرەتىن دروندار شەتەلدە ۇلكەن سۇرانىسقا يە. "تۋنيسپەن جاسالعان قورعانىس كەلىسىمشارتى اياسىندا جاقىن ارادا بۇل ەلگە سوڭعى ەكى Anka ۇشۋ اپپاراتى جەتكىزىلەدى. قازاقستاننىڭ قاجەتتىلىكتەرىنە ارنالعان Anka ۇشقىشسىز ۇشاتىن اپپاراتتارى 20 ماۋسىمدا جونەلتىلەدى" دەيدى ول.

"مالايزيا قارۋلى كۇشتەرىنىڭ قاجەتتىلىكتەرى ءۇشىن ۇشقىشسىز ۇشۋ اپپاراتتارىن جەتكىزۋ بويىنشا تەندەرگە ءوتىنىم قاراستىرىلۋدا. ءوتىنىش 1,5 جىلدان استام قارالدى. باستاپقىدا تەندەرگە 12 كومپانيا قاتىسىپ، ەكەۋى قالدى. مەنىڭ ويىمشا، مۇمكىندىگىمىز زور. شەشىم تامىز ايىندا جاريالانادى، بۇل Anka دروندارىنىڭ الۋ بويىنشا بولادى دەپ ۇمىتتەنەمىز", - دەدى ول. وسى سوزدەرى ارقىلى تۇركيا دروندارىنا دەگەن سۇرانىستىڭ وراسان ەكەنىن بىلسەك بولادى.

يىلدىز اnka-نىڭ ماكسيمالدى ۇشۋ سالماعىنىڭ 1700 كەلى ەكەنىن ەسكە سالدى. دروندار ايازدان جانە نايزاعايدان قورعاۋ جۇيەلەرىمەن جابدىقتالعان. يىلدىزدىڭ ايتۋىنشا، TUSAŞ-تىڭ Anka جانە Aksungur دروندارى SAR رادارى ارقىلى تەڭىزدەگى مينالاردى انىقتاي الادى. ياعني تەك قانا اسكەري ماقساتتا ەمەس، ىزدەۋ جانە بارلاۋ ماقساتىندا دا قولدانۋعا بولادى.

يىلدىز بۇرىننان قولدانىلعان MAM-L جانە MAM-C شاعىن زىمىراندارىمەن بىرگە Anka UAV ءۇشىن ارنايى اۋىر "قۇزعىن" زىمىرانى جاسالعانىن اتاپ ءوتتى. "قۇزعىن" زىمىرانى باسقالارعا قاراعاندا اۋىر، ونىڭ سالماعى 100 كەلىگە دەيىن جەتەدى.

ورتالىق ازيا ەلدەرىنىڭ ىشىندە تۇركىمەنستان مەن قىرعىزستاندا "بايراقتار" سوققى جاساۋشى دروندارى بار. ال قازاقستان تۇركيا دروندارىن الاتىن ايماقتاعى ءۇشىنشى ەل بولماق.

Abai.kz

4 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  1795
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1753
ادەبيەت

ءتۇس

ەرعالي باقاش 1652
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2674