سەنبى, 20 تامىز 2022
اسقانعا - توسقان 1700 1 پىكىر 15 ماۋسىم, 2022 ساعات 15:00

«ۇلكەن كۇيەۋبالا» دا زاۋىتتى ۇكىمەتكە قايتارماق

قاشاعاندا سالىنىپ جاتقان «GPC Investement» جشس گاز وڭدەۋ زاۋىتى ۇكىمەتتىڭ مەنشىگىنە ءوتىپ، قۇرىلىس جۇمىسى مەملەكەتتىڭ قارجىسىنا جۇرگىزىلەتىن بولدى. بۇعان دەيىن زاۋىت «QazaqGaz-دى» (بۇرىنعى قازترانسگاز) باسقارعان ەكس-پرەزيەدەنتتىڭ تۇڭعىش قىزى داريعا نازارباەۆانىڭ «كۇيەۋى» قايرات شارىپباەۆتىڭ يەلىگىندە بولعان.

14 ماۋسىمداعى ەنەرگەتيكا مينيسترلىگى ۇسىنعان ۇكىمەت قاۋلىسىنىڭ جوباسىندا «TAUBEREKEGROUP» جشس-ءنىڭ سىيعا تارتۋ شارتى بويىنشا «GPC Investement» جشس-ءنىڭ (بۇدان ءارى سەرىكتەستىك) جارعىلىق كاپيتالىنداعى 100% قاتىسۋ ۇلەسىن رەسپۋبليكالىق مەنشىككە بەرۋ تۋرالى ۇسىنىسى قابىلدانسىن. «سامۇرىق-قازىنا» ۇلتتىق ءال-اۋقات قورى اق ورنالاستىرىلعان اكتسيالارىن تولەۋگە سەرىكتەستىكتىڭ جارعىلىق كاپيتالىنداعى قاتىسۋ ۇلەستەرىن بەرۋ»، - دەلىنگەن.

Petrocouncil باسىلىمىنىڭ مالىمەتىندە، «شارىپباەۆ NCOC كومپانياسىنان ىلەسپە گاز جەتكىزۋگە، سونىمەن بىرگە قازاقستاننىڭ دامۋ بانكىنەن (قدب) گوز قۇرىلىسىنا كرەديت الۋعا قول جەتكىزگەن»، - دەپ جازىلعان.

قازاقستاننىڭ دامۋ بانكى بولسا، ءبىراز ۋاقىت بۇرىن گوز قۇرىلىسىن سينديكاتتالعان قارجىلاندىرۋعا قاتىسۋ مۇمكىندىگىن قاراستىرىپ جاتقانىن مالىمدەگەن ەدى. ال، NCOC قازىردىڭ وزىندە «بولاشاق» اتتى مۇناي مەن گازدى دايىنداۋ قوندىرعىسىنان باستاپ گوز-گە دەيىن گاز قۇبىرىن سالۋعا 50 ميلليون دوللاردان استام قاراجات بولگەنىن ايتتى.

ساراپشىلاردىڭ ويىنشا، شارىپباەۆتى «QazaqGaz» باسشىلىعىنان كەتكەن سوڭ، سالىنىپ جاتقان گاز وڭدەۋ زاۋىتىندا ءبىر شيكىلىك بارى بەلگىلى بولدى.

ەنەرگەتيكا مينيسترلىگى ءوزىنىڭ بەرگەن تۇسىندىرمەسىندە شارىپباەۆتىڭ اتىن اتاماعان. تەك پرەزيدەنت قاسىم-جومارت توقاەۆتىڭ  ەكونوميكانى مونوپولياسىزداندىرۋ جونىندەگى تاپسىرماسىنا سايكەس، قۋاتى جىلىنا 1,15 ملرد تەكشە مەترگە جەتەتىن زاۋىتتى مەملەكەت مەملەكەت مەنشىگىنە بەرىلىپ جاتىر دەگەندى ايتقان.

«TauBerekeGroup" جشس «GPCInvestement» جشس (بۇدان ءارى – سەرىكتەستىك) جارعىلىق كاپيتالىنا قاتىسۋدىڭ 100% ۇلەسىن ەرىكتى جانە وتەۋسىز بەرۋ نيەتىن 2022 جىلعى 16 مامىرداعى №14-45 حاتىندا ءبىلدىردى. سەرىكتەستىكتىڭ جارعىلىق كاپيتالىنداعى قاتىسۋ ۇلەسىن «سامۇرىق-قازىنا» ۇلتتىق ءال-اۋقات قورى اق ورنالاستىراتىن اكتسيالاردى تولەۋگە بەرۋ جوبانى ىسكە اسىرۋعا، تيىسىنشە دەر كەزىندە زاۋىت قۇرىلىسىن اياقتاپ، پايدالانۋعا بەرۋگە مۇمكىندىك بەرەدى»، - دەپ ءتۇسىندىردى مينيسترلىك.

اتىراۋدىڭ قاشاعان كەن ورنىندا سالىنا باستاعان زاۋىتتىڭ قۇرىلىسى بىلتىر جازدا باستالعان. قۇنى 860 ميلليون دوللور تۇراتىن گاز وڭدەۋ زاۋىتىنىڭ قۇرىلىسىن العاشىندا ۇكىمەت Eni, Total, Shell, Exxon Mobil, CNPC, Inpex سياقتى ءىرى كومپانيالارعا تاپسىرماقشى بولادى. بىراق كەيىنىرەك سول كەزدەگى ۇكىمەت باسشىسى اسقار مامين زاۋىتتى جەرگىلىكتى GPC Investment كومپانياسى سالاتىنىن ايتقان ەدى.

قازاقستاندىق بيلىك جەكە كومپانيا ءۇشىن قولايلى جاعداي جاساپ بەردى. «QazaqGaz» بەن (بۇرىنعى «قازترانسگاز»)  «قازمۇنايگاز» ۇلتتىق كومپانياسى جانە بىرنەشە شەتەلدىك ەنەرگەتيكالىق الپاۋىتتار كىرەتىن NCOC كونسورتسيۋمى كەلىسىمگە قول قويدى. ونىڭ شارتتارى بويىنشا كونسورتسيۋم «QazaqGaz-عا» ىلەسپە گازدى 2042 جىلعا دەيىن تەگىن بەرەدى جانە ونىڭ ۋتيلالىمىنا قوسىمشا اقى تولەيدى. ال، «QazaqGaz» ءوز كەزەگىندە شيكىزاتتى GPC Investment زاۋىتىنا جىبەرەدى. زاۋىت شيكىزاتتى وڭدەپ، كۇكىرتتى، سۇيىتىلعان تابيعي گازدى جانە گاز كوندەنساتىن شەتەلگە ەكسپورتتايتىن بولادى.

ەستەرىڭىزگە سال كەتەيىك، قايرات شارىپباەۆ «QazaqGaz» باسشىلىعىنان بيىلعى قاڭتار وقيعاسىنان كەيىن كەتكەن. 2 ماۋسىمدا «QazaqGaz» باسقارما توراعاسىنىڭ بۇرىنعى مىندەتىن اتقارۋشى يبۋللا سەرديگە ىزدەۋ جاريالاندى. سەردي شارىپباەۆ كومپانيا باسشىسى قىزمەتىنەن كەتكەننەن كەيىن 14 قاڭتاردا «قازترانسگاز» باسشىسى لاۋازىمىنا تاعايىندالعان بولاتىن.

الايدا سەردي بۇل قىزمەتتە ۇزاق وتىرعان جوق، 22 اقپاننان «QazaqGaz-دىڭ» باسشىلىعىنا سانجار جاركەشوۆ كەلدى.

Abai.kz

1 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2954
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2160
ادەبيەت

ءتۇس

ەرعالي باقاش 1819
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2920