بۇرناعى كۇنى ءبىردى-ەكىلى ينتەرنەت پورتالىنان، تەلەارنادان «نامازعا جىعىلماعانى ءۇشىن بالاسىن قۇرباندىققا شالدى» دەگەن مازمۇندا نەگىزسىز اقپار تاراپ، ەل ىشىنە جەلدەي ەستى. الىپ-قاشپا اڭگىمە ۇزىنقۇلاقتان جەتكەن ەكەن. قاڭقۋ سوزگە سەنگەندەردىڭ ءبىرى جاعا ۇستاسا، ەندى ءبىرى «ناعىز مۇسىلماننىڭ بۇعان قولى بارمايدى» دەپ سەندى.

شىعىس قازاقستان وبلىسى اياگوز قالاسىندا بولماعان وقيعانى www.altaynews.kz سايتىنا جاريالاپ جىبەردى. ەلدى دۇرلىكتىرگەن وقيعا اقيقاتىندا بولماعان.

قازاقستان مۇسىلماندارى ءدىني باسقارماسىنىڭ شىعىس قازاقستان وبلىسىنداعى وكىلدىگى ماسەلەنىڭ ءمان-جايىنا قانىقتى. اياگوز قالاسىندا ونداي قىلمىستىق وقيعا ورىن الماعانىن مالىمدەدى. سونداي-اق ايماقتاعى وكىلدىگىمىزگە اياگوز اۋداندىق ىشكى ىستەر باسقارماسىنىڭ باستىعى، پوليتسيا پولكوۆنيگى ەرلان تۇرلىبەكوۆتىڭ قولى قويىلعان انىقتاما كەلىپ ءتۇستى. وندا: «اياگوز قالاسى مەن اۋدانىندا 2012 جىلدىڭ باسىنان بۇگىنگى كۇنگە دەيىن «التاي نيۋس» سايتىندا كورسەتىلگەن وقيعا بولماعانىن حابارلايمىز»، - دەلىنگەن.

بۇرناعى كۇنى ءبىردى-ەكىلى ينتەرنەت پورتالىنان، تەلەارنادان «نامازعا جىعىلماعانى ءۇشىن بالاسىن قۇرباندىققا شالدى» دەگەن مازمۇندا نەگىزسىز اقپار تاراپ، ەل ىشىنە جەلدەي ەستى. الىپ-قاشپا اڭگىمە ۇزىنقۇلاقتان جەتكەن ەكەن. قاڭقۋ سوزگە سەنگەندەردىڭ ءبىرى جاعا ۇستاسا، ەندى ءبىرى «ناعىز مۇسىلماننىڭ بۇعان قولى بارمايدى» دەپ سەندى.

شىعىس قازاقستان وبلىسى اياگوز قالاسىندا بولماعان وقيعانى www.altaynews.kz سايتىنا جاريالاپ جىبەردى. ەلدى دۇرلىكتىرگەن وقيعا اقيقاتىندا بولماعان.

قازاقستان مۇسىلماندارى ءدىني باسقارماسىنىڭ شىعىس قازاقستان وبلىسىنداعى وكىلدىگى ماسەلەنىڭ ءمان-جايىنا قانىقتى. اياگوز قالاسىندا ونداي قىلمىستىق وقيعا ورىن الماعانىن مالىمدەدى. سونداي-اق ايماقتاعى وكىلدىگىمىزگە اياگوز اۋداندىق ىشكى ىستەر باسقارماسىنىڭ باستىعى، پوليتسيا پولكوۆنيگى ەرلان تۇرلىبەكوۆتىڭ قولى قويىلعان انىقتاما كەلىپ ءتۇستى. وندا: «اياگوز قالاسى مەن اۋدانىندا 2012 جىلدىڭ باسىنان بۇگىنگى كۇنگە دەيىن «التاي نيۋس» سايتىندا كورسەتىلگەن وقيعا بولماعانىن حابارلايمىز»، - دەلىنگەن.

قازاقستان مۇسىلماندارى ءدىني باسقارماسى حالىقتى ءدىنىمىزدىڭ بەدەلىن ءتۇسىرۋ، مۇسىلماندار جايلى جاعىمسىز پىكىر قالىپتاستىرۋ ماقساتىندا قاساقانا تاراتىلعان قاۋەسەت ءسوزدى نەگىزسىز جاڭالىق رەتىندە جاريالاعان اقپارات قۇرالدارىن ايىپتايدى جانە مۇنداي ورەسكەل ارەكەتكە جول بەرگەندەردى ولاردىڭ ار-نامىسىنا قالدىرادى.

يسلام عۇلامالارى وتىرىك ايتۋدى ۇلكەن كۇنالاردىڭ قاتارىنا جاتقىزعان. قاسيەتتى قۇراننىڭ 167 جەرىندە جالعان سويلەۋدىڭ زيانى مەن زاردابى قاتاڭ ەسكەرتىلگەن. اللا تاعالا مۇباراك كىتاپتىڭ «ناھل» سۇرەسىنىڭ 105-اياتىندا: «اللانىڭ اياتتارىنا يمان كەلتىرمەيتىندەر عانا وتىرىك ايتادى. انە، سولار وتىرىكشىلەر», - دەپ ەسكەرتكەن...

قمدب-نىڭ ءباسپاسوز قىزمەتى

«اbai.kz»

رەداكتسيادان: «اbai.kz» اقپاراتتىق پورتالى مۇباراك ءدىنىمىز - ءىسىلامنىڭ بەدەلىن ءتۇسىرۋ مەن مۇسىلماندار تۋرالى جاعىمسىز پىكىر قالىپتاستىرۋ جاعىندا ەمەس. كەرىسىنشە، حاق ءدىنىمىزدى بەتپەردە تۇتىپ ەلدى ازدىرىپ جۇرگەندەردەن ادا بولساق دەگەن ۇستانىمدا. «مۇسىلمان بۇلىكشىلەرى»، «يسلام ەكستەرميستەرى» دەگەن جالالى سوزدەرگە قابىرعامىز قايىسا وتىرىپ، بولىپ جاتقان وقيعالاردى (ماڭعىستاۋداعى، اتىراۋداعى، اقتوبەدەگى، ت.ب.) جاريالاپ كەلەمىز. بۇل - ءبىزدىڭ كاسىبي مىندەتىمىز. ءبىز ەلگە اقپارات بەرۋ دەگەن كاسىبي مىندەتىمىزدى اتقارۋ بارىسىندا تورتكۇل دۇنيەدەگى جاماندى-جاقسىلى  جايتتاردان جۇرتقا دەرەك بەرەمىز. قوعامعا وي سالامىز. وسى رەتتە پىكىرلەر قايشىلىعى مەن تاراپتار كوزقاراسىن دا مەيىلىنشە ەسكەرۋدى ءجون كورەمىز. «Abai.kz» پورتالىنىڭ اشىقتىعىن، الىس-جاقىنعا ورتاقتىعىن وقىرمان قاۋىم دا ەسكەرە جۇرسە دەيمىز. ال، www.altaynews.kz سايتىنىڭ اقپاراتىنا كەلسەك «جەل سوقپاسا ءشوپتىڭ باسى قيمىلدامايدىعا» ساياادى. ونىڭ اق-قاراسى الداعى كۇندەرى انىقتالا جاتار. ايتكەنمەندە، قمدب وقيعانى بولمادى دەپ جاتىر. بەتى اۋلاق، سونداي سۇمدىقتىڭ بولماعانى بىزگە دە كەرەك. سوندىقتان، ماسەلەنىڭ ءمان-جايىن انىقتاپ، دەر كەزىندە باسپاسوزگە دەر كەزىندە جاۋاپ بەرىپ ۇلگەرگەن ءدىني باسقاراماعا، ءدىني باسقارامانىڭ ءباسپاسوز قىزمەتىنە راحمەت ايتامىز.