سەنبى, 10 جەلتوقسان 2022
1179 0 پىكىر 21 ماۋسىم, 2022 ساعات 13:39

پروكۋراتۋرا: "ديكي ارمان" تاپانشا تاراتقان

قازاقستان باس پروكۋراتۋراسى ەلدىڭ ءار ايماعىنان 27 ادامدى قاڭتار وقيعاسىن ۇيىمداستىرۋشى دەپ سانايدى. بۇل تۋرالى 20 ماۋسىمداعى بريفينگتە باس پروكۋراتۋرانىڭ قىلمىستىق تەرگەۋ قىزمەتىنىڭ باسشىسى سەرىك شالاباەۆ مالىمدەدى.

باس پروكۋراتۋرا وكىلى "ۇيىمداستىرۋشىلاردىڭ" اتىن اتامادى، بىراق جۇرت اراسىندا "ديكي ارمان" دەگەن لاقاپ اتپەن بەلگىلى "كريميناليتەت" ارمان جۇماگەلديەۆكە كەڭىرەك توقتالدى.

باس پروكۋراتۋرانىڭ اقپاراتىنشا، جۇماگەلديەۆ پەن ونىڭ جانىنداعىلار 6 قاڭتاردا الماتىداعى "قازاقستان" قوناق ۇيىندە "قىلمىسكەرلەرگە" "گلوك" جانە ماكاروۆ تاپانشاسىن تاراتقان.

"قولدارىنا قارۋ تيگەن قىلمىسكەرلەر ۇيىمداستىرۋشى مەن ونىڭ جانىنداعىلاردان ناقتى تاپسىرما العان. قىلمىسكەرلەر ون-ون توپقا بولىنگەن. توپتا "باسشىلار" تاعايىندالىپ، ولارعا برونجيلەت، باستى قورعايتىن كاسكا، قارۋ جانە 200 مىڭ تەڭگە بەرىلگەن" دەدى پروكۋراتۋرا وكىلى.

شالاباەۆتىڭ ايتۋىنشا، جۇماعاليەۆتىڭ توبى ادامدارعا سۋىق قارۋلار مەن شوقپارلار بەرىپگەن. سونداي-اق "وزدەرىنىڭ ادامى" ەكەنىن بىلدىرەتىن بەلگى رەتىندە قولدارىنا اق ماتا بايلاپ الۋدى تاپسىرعان.

"قالانىڭ ءار بۇرىشىنان كەلگەن قارۋلى قىلمىسكەرلەر توبى 24 ادامدى ۇرلاپ اكەتىپ، Ritz Carlton جانە "قازاقستان" قوناق ءۇيىنىڭ پاركينگىندە ۇستاپ، سوققان. كەيىن ادامداردى قالانىڭ شەتىنە اپارىپ، مەتالل كونتەينەرگە كىرگىزگەن دە، قارۋلى كۇزەت قويعان. سوققىدان ءبىر ادام قازا بولعان" دەيدى سپيكەر.

باس پروكۋراتۋرا وكىلى ادام ۇرلاۋ فاكتىسى بويىنشا 40 كۇدىكتى ۇستالعانىن، باسقا ادامداردىڭ بۇل قىلمىسقا قاتىسى بار-جوعى تەكسەرىلىپ جاتقانىن مالىمدەدى. ۆەدومستۆونىڭ مالىمەتىنشە، قاڭتار وقيعاسى بويىنشا قازىر بەس مىڭنان اسا قىلمىستىق ءىس تەرگەلىپ جاتىر.

جۇماگەلديەۆ قاڭتار وقيعاسىنان سوڭ جاپپاي تارتىپسىزدىك ۇيىمداستىرۋ، قارۋدى زاڭسىز ساقتاۋ جانە ادامدى زاڭسىز تۇردە بوستاندىعىنان ايىرۋ كۇدىگىمەن قاماۋعا الىنعان. باس پروكۋراتۋرا اقپاندا "ديكي ارمان" قاسىنداعى سەرىكتەستەرىمەن بىرگە كوشەدە جۇرگەن 24 ادامدى ۇرلاپ اكەتىپ، پوليتسەيلەرگە شابۋىل جاسادى دەپ مالىمدەگەن.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2651
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1909
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1942