قازاقستانداعى اES كومپانيالار توبى سەمەي قالاسىنا 160 ورىندى بالاباقشاسىن سىيعا تارتتى.
جاڭا  «اجار» بالاباقشاسىن سالتاناتتى تاپسىرۋ شىعىس قازاقستان وبلسىنىڭ اكىمى  بەردىبەك ساپارباەۆ  مەن  AES كورپوراتسيا ۆيتسە-پرەزيدەنتى مايكل تسەنتەر قاتىسۋىمەن ءوتتى.

وسى قايىرىمدىلىق جوبا اياسىندا قازاقستانداعى  AES كومپانيالار توبى سەمەي قالاسىنداعى  ءۇشىنشى تۇلعالار جەكە مەنشىگىندە بولعان، كوپتەن بەرى جۇمىس ىستەمەي تۇرعان وسى مەكتەپكە دەيىنگى مەكەمەنى ساتىپ العان بولاتىن.  جوبانىڭ جالپى قۇنى شامامەن 200 ميلليون تەڭگە.
عيماراتتا تولىق كۇردەلى جوندەۋ جۇمىستارى جاسالدى: سىرت قابىرعالارى جىلىتىلىپ، بەتكى قاباتى زاماناۋي ماتەريالدارمەن قاپتالعان، ەكى كامەرالى پلاستيك تەرەزەلەر مەن ەسىكتەر ورناتىلدى،  كوپقاباتتى سەنىمدى جابىن سالىندى.   
جىلۋ جۇيەسى، اۋە باپتاۋ، سۋمەن قامتۋ مەن كارىز جۇيەلەرى تولىق اۋىستىرىلدى.  جاڭا ءورت دابىلى مەن جارىق جۇيەلەرى ورناتىلدى.  ەسكى ەدەن جابىندىعى جاڭا جىلىتقىش زاماناۋي تۇرىنە اۋىستىرىلدى.  قابىرعا مەن توبەنىڭ جوندەۋ جۇمىستارى جۇرگىزىلدى.  
سىرتقى ەنەرگوقامتۋ جۇيەسى ەكى كابەلدى ورناتۋمەن اۋىستىرىلدى، ياعني اپاتتىق ەلەكتر ەنەرگيا وشكەن جاعدايدا، جۇيە اۆتوماتتى تۇردە جۇمىس ىستەپ تۇرعان جەلىگە قوسىلاتىن بولادى، ءسويتىپ،  بالاباقشا ەلەكتر ەنەرگياسىنان اجىراتىلمايدى.  

قازاقستانداعى اES كومپانيالار توبى سەمەي قالاسىنا 160 ورىندى بالاباقشاسىن سىيعا تارتتى.
جاڭا  «اجار» بالاباقشاسىن سالتاناتتى تاپسىرۋ شىعىس قازاقستان وبلسىنىڭ اكىمى  بەردىبەك ساپارباەۆ  مەن  AES كورپوراتسيا ۆيتسە-پرەزيدەنتى مايكل تسەنتەر قاتىسۋىمەن ءوتتى.

وسى قايىرىمدىلىق جوبا اياسىندا قازاقستانداعى  AES كومپانيالار توبى سەمەي قالاسىنداعى  ءۇشىنشى تۇلعالار جەكە مەنشىگىندە بولعان، كوپتەن بەرى جۇمىس ىستەمەي تۇرعان وسى مەكتەپكە دەيىنگى مەكەمەنى ساتىپ العان بولاتىن.  جوبانىڭ جالپى قۇنى شامامەن 200 ميلليون تەڭگە.
عيماراتتا تولىق كۇردەلى جوندەۋ جۇمىستارى جاسالدى: سىرت قابىرعالارى جىلىتىلىپ، بەتكى قاباتى زاماناۋي ماتەريالدارمەن قاپتالعان، ەكى كامەرالى پلاستيك تەرەزەلەر مەن ەسىكتەر ورناتىلدى،  كوپقاباتتى سەنىمدى جابىن سالىندى.   
جىلۋ جۇيەسى، اۋە باپتاۋ، سۋمەن قامتۋ مەن كارىز جۇيەلەرى تولىق اۋىستىرىلدى.  جاڭا ءورت دابىلى مەن جارىق جۇيەلەرى ورناتىلدى.  ەسكى ەدەن جابىندىعى جاڭا جىلىتقىش زاماناۋي تۇرىنە اۋىستىرىلدى.  قابىرعا مەن توبەنىڭ جوندەۋ جۇمىستارى جۇرگىزىلدى.  
سىرتقى ەنەرگوقامتۋ جۇيەسى ەكى كابەلدى ورناتۋمەن اۋىستىرىلدى، ياعني اپاتتىق ەلەكتر ەنەرگيا وشكەن جاعدايدا، جۇيە اۆتوماتتى تۇردە جۇمىس ىستەپ تۇرعان جەلىگە قوسىلاتىن بولادى، ءسويتىپ،  بالاباقشا ەلەكتر ەنەرگياسىنان اجىراتىلمايدى.  
اۋلا دا كوركەيتىلدى: التى كولەڭكە شاتىرلارى ورناتىلىپ، ويىن الاڭدارى جابدىقتالدى، سپورتپەن شۇعىلدانۋ الاڭى دا بار. اسفالت جابىندىعى تولىعىمەن اۋىستىرىلىپ، توپىراق جەتكىزىلدى، جاسىل القاپتار جاسالدى.
قازاقستانداعى AES كومپانيالار توبى بالاباقشانى قوسىمشا قاجەتتى جيھازبەن، اسحانا، كىر جۋ بولمەسى مەن مەديتسينا كابينەتتەرىن دە لايىقتى جابدىقتارمەن قامتاماسىز ەتتى.     
AES كورپوراتسياسىنىڭ تمد بويىنشا ۆيتسە-پرەزيدەنتى مايكل تسەنتەردىڭ ايتۋىنشا، بالاباقشانى قالپىنا كەلتىرۋ الەۋمەتتىك باستاما رەتىندە تاڭدالعانى جايدان-جاي ەمەس، «ويتكەنى، ءدال وسى بالاباقشادان قازاقستان رەسپۋبليكاسىنىڭ كىشكەنە ازاماتتارىنا تاربيە مەن ءبىلىم بەرۋ باستالادى، ال ولار بولسا ەلدىڭ بولاشاعىن جاسايتىن ادامدار».
«اباي-اقپارات»