بەيبىت ەسەنباەۆ دەنساۋلىق ساقتاۋ ۆيتسە-ءمينيسترى بولىپ تاعايىندالدى. بۇل تۋرالى ۇكىمەتىڭ ءباسپاسوز قىزمەتى جاريالادى.

"قر ۇكىمەتىنىڭ قاۋلىسى بويىنشا، بەيبىت سالىمۇلى ەسەنباەۆ دەنساۋلىق ساقتاۋ ۆيتسە-ءمينيسترى بولىپ تاعايىندالدى", - دەلىنگەن حابارلامادا.

بەيبىت ەسەنباەۆ 1985 جىلى قاراعاندى قالاسىندا دۇنيەگە كەلدى. قاراعاندى مەملەكەتتىك تەحنيكالىق ۋنيۆەرسيتەتىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن، "قدسجم" قازاقستاندىق مەديتسينا ۋنيۆەرسيتەتىن بىتىرگەن. ەڭبەك جولىن 2006 جىلى جەكە مەنشىك ۇيىمدا ينجەنەر-باعدارلاماشى بولىپ باستاعان.

2009-2011 جىلدارى - قر دەنساۋلىق ساقتاۋ مينيسترلىگى ينۆەستيتسيالىق جوبالاردى مونيتورينگتەۋ جانە دامىتۋ باسقارماسىنىڭ ساراپشىسى.

20011-2013 جىلدارى - قر دەنساۋلىق ساقتاۋ مينيسترلىگى ستراتەگيالىق دامۋ دەپارتامەنتىنىڭ ساراپشىسى، باس ساراپشىسى، باسشىسى.

2013-2017 جىلدارى قر دەنساۋلىق ساقتاۋ مينيسترلىگىنىڭ قۇرىلىمىندا بولىمشەلەردى باسقارعان.

2017-2020 جىلدارى - قر دەنساۋلىق ساقتاۋ مينيسترلىگى دەنساۋلىق ساقتاۋدى تسيفرلاندىرۋ دەپارتامەنتىنىڭ ديرەكتورى.

2020 جىلعى قىركۇيەكتەن باستاپ - قر دەنساۋلىق ساقتاۋ مينيسترلىگى ەلەكتروندىق دەنساۋلىق ساقتاۋدى دامىتۋ دەپارتامەنتىنىڭ ديرەكتورى.

Abai.kz