الماتىدا وتباسى قۇندىلىقتارىن ناسيحاتتايتىن «مەرەيلى وتباسى-2022» ۇلتتىق بايقاۋىنىڭ كوميسسيا وتىرىسى ءوتتى.

«بۇگىن الماتىدا «مەرەيلى وتباسى» ۇلتتىق كونكۋرسىنىڭ قالالىق كوميسسياىنىڭ وتىرىسى ءوتتى. جالپى بۇل كونكۋرس 2014 جىلدان بەرى ءوتىپ كەلەدى. الماتى قالاسى  جىل سايىن كونكۋرسقا بەلسەندى قاتىسادى. وتە ماڭىزدى دەپ ويلايمىن. ويتكەنى ەلىمىزدە وتباسى قۇندىلىقتارىن ناسيحاتتاۋ، ۇلگىلى وتباسىن ەلدىڭ الدىنا شىعارىپ كورسەتۋ – وزەكتى ماسەلە»، – دەيدى قوعامدىق دامۋ باسقارماسى باسشىسىنىڭ مىندەتىن اتقارۋشى ايدار ەسەنبەكوۆ.

بيىل بايقاۋعا 8 اۋداننان 193 وتباسى قاتىسۋعا نيەت بىلدىرگەن. ءار اۋداننان وزىپ شىققان جانۇيا الماتى قالاسىنىڭ اتىنان رەسپۋبليكالىق بايقاۋعا جىبەرىلەدى. ۇيىمداستىرۋشىلاردىڭ ايتۋىنشا، «مەرەيلى وتباسى» كونكۋرسىنىڭ سالتاناتتى ماراپاتتاۋ ءراسىمى تامىز ايىنا جوسپارلانعان.

Abai.kz