جۇما, 29 ناۋرىز 2024
بيلىك 3143 0 پىكىر 2 تامىز, 2022 ساعات 12:02

اباي وبلىسىنان كىمدەر سەناتور بولادى؟

سەناتتاعى ەكى دەپۋتاتتىق ورىنعا اباي وبلىسىنان ءوزىن-ءوزى ۇسىنعان 11 ادام ۇمىتكەر بولىپ وتىر. بۇل جايلى سەمەي قالالىق اقپارات ورتالىعىندا وتكەن ءباسپاسوز ءماسليحاتى بارىسىندا وبلىستىق اۋماقتىق سايلاۋ كوميسسياسىنىڭ توراعاسى ناتاليا فەسەنكو ءمالىم ەتتى.

«24 تامىزدا اباي وبلىسىنان قر پارلامەنتى سەناتىنىڭ دەپۋتاتتارىن سايلاۋ وتەدى. وڭىردەن ەكى دەپۋتات سايلانباق: بىرەۋى 2017 جىلعى 28 ماۋسىمدا سايلانعان دەپۋتاتتاردىڭ، ەكىنشىسى – 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە. سەنات دەپۋتاتتىعىنا كانديداتتاردى ۇسىنۋ ءماسليحات سەسسيالارىندا جانە ءوزىن-ءوزى ۇسىنۋ تارتىبىمەن جۇرگىزىلدى. زاڭ بويىنشا جەرگىلىكتى ءماسليحات دەپۋتاتى جانە وبلىستا تۇراتىن ازامات دەپۋتاتتىققا كانديدات بولا الادى»، - دەدى ول.

ۇمىتكەرلەردى ۇسىنۋ 13-30 شىلدە ارالىعىندا ءوتتى. بارلىعى 11 ادام دەپۋتاتتىققا ءوزىن-ءوزى ۇسىنعان.

«بۇگىنگى تاڭدا التى ۇمىتكەر تىركەلدى. ونىڭ ىشىندە سەمەي قالاسىنىڭ اكىمى باقىتجان باياحمەتوۆ بار. تىركەۋ 3 تامىزدا اياقتالادى. داۋىس بەرۋگە قاتىسقان تاڭداۋشىلاردىڭ 50 پايىزدان استام داۋىسىن العان كانديدات سايلانعان بولىپ ەسەپتەلەدى. وڭىرلىك كوميسسيا داۋىستاردى ساناۋ ناتيجەلەرىن ەكى كۇن ىشىندە ورتالىق سايلاۋ كوميسسياسىنا ۇسىنادى»، - دەدى ناتاليا فەسەنكو.

سەنات دەپۋتاتتارىن سايلاۋدىڭ قورىتىندىسىن قر ورتالىق سايلاۋ كوميسسياسى جەتى كۇن ىشىندە بەلگىلەيدى. دەپۋتاتتىققا كانديداتۋراسىن ۇسىنعان 11 ازامات: اينۇر ارعىنبەكوۆا، مامىربەك قاراشەۆ، مەيرامگۇل ابىلعازينوۆا، شالقار وماروۆ، لاۋرا ارىنعوجينا، ءۋاليحان مايجانوۆ، البينا احمەتوۆا، انجەلا ماسلوۆا، تالعات سارمانوۆ، باقىتجان باياحمەتوۆ، گۇلجانات راحاتقىزى. ولاردىڭ اراسىندا ەڭ ەگدە جاستاعى كانديدات 60-تا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607