بايقوڭىردى 2050 جىلعا دەيىن جالعا العان رەسەي قازاق عارىش ايلاعىنان بىرتىندەپ جىلىستاماق نيەتتە.

بۇل - رەسمي تۇردە 7-تەلەارنا تاراتقان  قازاق عارىشكەرلەرىنىڭ پىكىرى. رەسەي الەمدەگى تۇڭعىش عارىش ايلاعىنان باس تارتا قويماسى بەلگىلى. وعان جاڭادان جاسالاتىن زىمىراندى يگەرۋگە قازاقستان دا ىنتالى. بىراق...

تالعات مۇساباەۆ، «قازعارىش» ۇلتتىق عارىش اگەنتتىگىنىڭ توراعاسى:

- «... ءبىز قازاقستان تاراپىنىڭ وسى جوباعا اتسالىسۋىنا بار كۇشىمىزدى سالىپ وتىرمىز. ەگەر ءبارى ويداعىداي بولسا، «زەنيت» ىسكە قوسۋ قىزمەتىن اتقاراتىن بولادى»...

بۇل ۋاجگە قاراعاندا بۇرىنعى جىر بولىپ كەلگەن «بايتەرەك» زىمىرانى جونىندەگى دامەمىز دە قاراڭ قالعان سىقىلدى. 20 جىل بويى وسى اتتاس عارىش تۇعىر جاساۋعا ءتيىس رەسەي ىسىرتپالاتىپ، ۋاقىت ۇتتى. «انگارا» دەگەن زىمىران تاسىعىشتى اسپانعا اتۋعا ارنالعان قازاق عارىشتۇعىرىنىڭ جوباسى بەلىنەن ءبىر سىزىلدى. بايقوڭىرعا وڭدى-سولدى قوجايىن بولۋعا امالسىز كەلىسكەن قازاق جاعىنىڭ ءۇمىتى بۇل جاعىنان سەمدى.

بايقوڭىردى 2050 جىلعا دەيىن جالعا العان رەسەي قازاق عارىش ايلاعىنان بىرتىندەپ جىلىستاماق نيەتتە.

بۇل - رەسمي تۇردە 7-تەلەارنا تاراتقان  قازاق عارىشكەرلەرىنىڭ پىكىرى. رەسەي الەمدەگى تۇڭعىش عارىش ايلاعىنان باس تارتا قويماسى بەلگىلى. وعان جاڭادان جاسالاتىن زىمىراندى يگەرۋگە قازاقستان دا ىنتالى. بىراق...

تالعات مۇساباەۆ، «قازعارىش» ۇلتتىق عارىش اگەنتتىگىنىڭ توراعاسى:

- «... ءبىز قازاقستان تاراپىنىڭ وسى جوباعا اتسالىسۋىنا بار كۇشىمىزدى سالىپ وتىرمىز. ەگەر ءبارى ويداعىداي بولسا، «زەنيت» ىسكە قوسۋ قىزمەتىن اتقاراتىن بولادى»...

بۇل ۋاجگە قاراعاندا بۇرىنعى جىر بولىپ كەلگەن «بايتەرەك» زىمىرانى جونىندەگى دامەمىز دە قاراڭ قالعان سىقىلدى. 20 جىل بويى وسى اتتاس عارىش تۇعىر جاساۋعا ءتيىس رەسەي ىسىرتپالاتىپ، ۋاقىت ۇتتى. «انگارا» دەگەن زىمىران تاسىعىشتى اسپانعا اتۋعا ارنالعان قازاق عارىشتۇعىرىنىڭ جوباسى بەلىنەن ءبىر سىزىلدى. بايقوڭىرعا وڭدى-سولدى قوجايىن بولۋعا امالسىز كەلىسكەن قازاق جاعىنىڭ ءۇمىتى بۇل جاعىنان سەمدى.

سوندىقتان، ءبىزدىڭ عارىش اگەنتتىگىمىز  بۇل باعىتتان باس تارتپاق. ونىڭ ورنىنا بۇرىننان بەلگىلى «زەنيت» زىمىرانىنىڭ جوباسىن قولدانۋ ءسوز بولعان سەكىلدى. بىراق تاعى دا انىق بەكىتىلگەن جوبا ەمەس، ءسوزبۇيدا جۇزىندە عانا.ال، قازسات-3 جەرسەرىكتىڭ اقۋالى  جونىندە عارىشكەرلەرىمىز ءتىپتى دە ءلامميم دەمەي وتىر. وسىدان كەلىپ، بۇرىنعى كسرو-نىڭ اۋقىمدى جوبالارىن ۇستاۋعا قۇمار بۇگىنگى رەسەي بايقوڭىردان نەگە تارتىنشاقتاپ وتىر دەگەن ساۋال كوكەيىمىزدى تەسكىلەيدى. شاماسى، كۇننەن كۇنگە امبيتسياسى اۋقىمدانا باستاعان قازاقتاردى بۇرىنعىشا ەكى تىزگىن  ءبىر شىلبىرمەن ۇستاۋ وڭاي ەمەس سەكىلدى. ونىڭ ۇستىنە نەووتارلىق قارىمتاعا ەسەپتەلگەن ۋاقىت تاۋسىلىپ، دىتتەگەن يمپەريالىق ناتيجە بۇلدىرىپ بارا ما، قالاي؟! بايقوڭىردىڭ كرەمىلگە قىزىقسىز بولا ءتۇسۋى دە سودان بولار. ونىڭ ۇستىنە   ماسكەۋ ءۇشىن عارىشقا ينۆەستيتسيا تارتۋ قوسامجارلانىپ وتىرعان استانا باردا ءتيىمسىز بولىپ باستاۋى دا مۇمكىن. ەندەشە،  رەسەي ءۇشىن  قانداي ماسەلەدە دە  قازاقستانمەن  ەسەپتەسۋدىڭ كۇنى ەسەلەنىپ كەلەدى دەپ بولجام جاساي بەرۋگە بولادى.

"Abai.kz"