ۋكراينا دەلەگاتسياسى العاشقى كەزدەسۋدى ۇلىبريتانيا، فرانتسيا، گەرمانيا، يتاليا، ناتو جانە ەۋروكوميسسيا وكىلدەرىمەن وتكىزدى. ولارعا اقش-تىڭ ارنايى وكىلدەرى ستيۆ ۋيتكوفف پەن دجارەد كۋشنەر دە قوسىلادى.

«كەلىسسوزدەردىڭ كەلەسى كەزەڭىنىڭ الدىندا ۇستانىمدارىمىزدى ايقىنداپ، قادامدارىمىزدى ۇيلەستىرەمىز»، — دەپ حابارلادى ۋكراينا دەلەگاتسياسىنىڭ باسشىسى رۋستەم ۋمەروۆ.

ەۋروپالىقتارمەن كەڭەسكەننەن كەيىن ۋكراينا، اقش جانە رەسەي اراسىندا ۇشجاقتى كەزدەسۋ باستالدى.

بۇعان دەيىن The New York Times باسىلىمى باستى تاقىرىپ ەۋروپاداعى بولاشاق قاۋىپسىزدىك كەپىلدىكتەرى بولاتىنىن حابارلاعان ەدى.

باسىلىمنىڭ مالىمەتىنشە، اۋماقتىق ماسەلەلەر مەن اتىستى توقتاتۋ تاقىرىبىن تالقىلاۋ جوسپارلانباعان. تاراپتار قازىرگى سوعىستى توقتاتۋ مۇمكىن بولعان جاعدايدا، جاڭا سوعىستىڭ الدىن الۋعا باعىتتالعان مەحانيزمدەرگە باسا نازار اۋدارادى.

Abai.kz