3 تامىزدا، ادىلەت مينيسترلىگى دوڭگەلەك ۇستەل فورماتىندا «باقىلاۋشىلار قىزمەتىن زاڭنامالىق رەتتەۋ» تاقىرىبىندا ونلاين تالقىلاۋ ءوتتى. وتىرىسقا مۇددەلى مەملەكەتتىك ورگانداردىڭ، ۇكىمەتتىك ەمەس ۇيىمداردىڭ وكىلدەرى مەن ساراپشىلار قاتىستى.

تالقىلاۋ بارىسىندا ۇلتتىق باقىلاۋشىلاردى اككرەديتتەۋگە قاتىستى ماسەلەلەر كوتەرىلدى. تالقىلاۋ بەلسەندى تۇردە ءوتتى، جانە قاتىسۋشىلار ءارتۇرلى پىكىرلەر مەن ۇسىنىستار ايتتى.

ۇسىنىلعان تۇزەتۋلەردىڭ نەگىزگى باعىتى باقىلاۋشىلاردىڭ قىزمەتىن كاسىبي نەگىزدە جۇزەگە اسىرۋعا باعىتتالعان.

اككرەديتتەۋدى ەنگىزۋ باقىلاۋشىلاردىڭ قىزمەتىن، ولاردىڭ قۇقىقتارى مەن وكىلەتتىكتەرىن رەگلامەنتتەۋگە مۇمكىندىك بەرەدى.

جاڭا ەرەجەلەر شەشىلمەيتىن سيپاتقا يە ەمەس ەكەنىنە باسا نازار اۋدارىلادى. ولار تەك باقىلاۋشىلاردىڭ جاۋاپكەرشىلىگىن ارتتىرۋعا، ولاردىڭ مارتەبەسىن ناقتىلاۋعا ارنالعان.

حالىقارالىق تاجىريبە سايلاۋدى ۇيىمداستىرۋ جۇيەسىنىڭ تۇراقتى وزگەرىستەر مەن رەفورمالار ارناسىندا ەكەنىن جانە اشىق سايلاۋ وتكىزۋ ءۇشىن وڭتايلى شەشىمدەر ىزدەستىرىلىپ جاتقانىن كورسەتەدى.

قازاقستاندىق زاڭناما سايلاۋ پراكتيكاسىنىڭ بارلىق زاماناۋي ۇردىستەرى مەن سەرپىنىن كورسەتۋگە ءتيىس.

ۇكىمەتتىك ەمەس ۇيىمدار جالپى العاندا سايلاۋ زاڭناماسىن جەتىلدىرۋ، اتاپ ايتقاندا سايلاۋ پروتسەسىنىڭ ماڭىزدى ينستيتۋتى رەتىندە باقىلاۋشىلار دەڭگەيىنىڭ قۇزىرەتىن جەتىلدىرۋ قاجەتتىگى تۋرالى كوتەرىلگەن باستامالاردى قولدادى.

مۇندا اككرەديتتەۋ ينستيتۋتىن ەنگىزۋ ماڭىزدى بولدى، بىراق سونىمەن بىرگە ونىڭ ەگجەي-تەگجەيلەرى تۋرالى ءارتۇرلى پىكىرلەر بولدى.

كەيبىر قاتىسۋشىلار جەرگىلىكتى باقىلاۋشىلاردى اككرەديتتەۋدى ەنگىزۋدى جاقتادى، ويتكەنى شەتەلدىك ارالاسۋ ماسەلەسى ۇلتتىق قاۋىپسىزدىكتىڭ نەگىزىندە جاتىر دەپ سانايدى:

«بۇل نوۆەللا جەرگىلىكتى باقىلاۋشىلار ينستيتۋتىن حالىقارالىق دەڭگەيگە شىعارادى. قازاقستان رەسپۋبليكاسى كونستيتۋتسياسىنىڭ 39-بابىنا سايكەس كەز كەلگەن كونستيتۋتسيالىق قۇقىقتار، ەگەر بۇل ۇلتتىق قاۋىپسىزدىك ماسەلەلەرىنە قاتىستى بولسا، زاڭمەن شەكتەلۋى مۇمكىن. الەمنىڭ كەز كەلگەن ەلىندە ۇلتتىق قاۋىپسىزدىك باسىمدىققا يە، اتاپ ايتقاندا شەتەلدىك ارالاسۋ مەن قارجىلاندىرۋ تاۋەكەلدەرىنە قاتىستى».

باسقا تۇلعالار اككرەديتاتسيا سايلاۋعا نيەت بىلدىرۋشىلەردىڭ بايقاۋشى رەتىندە قاتىسۋىنا كەدەرگى كەلتىرەتىنى تۋرالى ءوز پىكىرلەرىن ءبىلدىردى.
تالقىلاۋ قورىتىندىسى بويىنشا ايتىلعان پىكىرلەر جۇمىسقا قابىلداندى جانە ادىلەت مينيسترلىگىمەن پىسىقتالاتىن بولادى.

Abai.kz