وسىنىڭ الدىنداعى جاريالانىمداردىڭ بىرىندە الماتى وبلىسىنىڭ اكىمى اڭسار مۇساحانوۆتىڭ ەلىمىزدىڭ وڭتۇستىگىنەن كوتەرىلگەن «تاۋەلسىزدىك تويى وتپەيىنشە وبلىس ورتالىعىندا شىرشانىڭ ورناتىلمايتىنى، جاڭاجىلدىق ءجوندى-ءجونسىز بەزەندىرۋلەر مەن اشەكەيلەۋلەرگە جول بەرىلمەيتىنى جونىندەگى» ورىندى باستامانى قولداماعانى، ورتالىق الاڭعا الىپ شىرشانى ورناتىپ تاستاعانى تۋرالى ايتىلىپ ەدى. تالدىقورعان قالاسىنىڭ اكىمدىگى وبلىستىق دەڭگەيدەگى كوكەلەرىنىڭ كوڭىلىن ودان ارى تابۋ ءۇشىن تالپىنىپ-اق جاتىر. ولار وبلىستى شالباي اعامىز باسقارعان جىلداردان قالعان جاعىمسىز ءۇردىس - تالدىقورعان قالاسىنداعى عيماراتتاردىڭ قاس بەتتەرىن جاڭاجىلدىق بەزەندىرۋ كونكۋرسىنىڭ وتكىزىلەتىندىگىن، وعان وبلىس اكىمىنىڭ ءوزى قامقورلىق جاسايتىندىعىن حالىققا «سۇيىنشىلەپ» جەتكىزىپ،  قالاداعى مەكەمەلەردى وزدەرى وتىرعان  عيماراتتاردى  ارلەۋگە ماجبۇرلەپ، مازالارىن ماي ىشكەندەي الۋدا.

وسىنىڭ الدىنداعى جاريالانىمداردىڭ بىرىندە الماتى وبلىسىنىڭ اكىمى اڭسار مۇساحانوۆتىڭ ەلىمىزدىڭ وڭتۇستىگىنەن كوتەرىلگەن «تاۋەلسىزدىك تويى وتپەيىنشە وبلىس ورتالىعىندا شىرشانىڭ ورناتىلمايتىنى، جاڭاجىلدىق ءجوندى-ءجونسىز بەزەندىرۋلەر مەن اشەكەيلەۋلەرگە جول بەرىلمەيتىنى جونىندەگى» ورىندى باستامانى قولداماعانى، ورتالىق الاڭعا الىپ شىرشانى ورناتىپ تاستاعانى تۋرالى ايتىلىپ ەدى. تالدىقورعان قالاسىنىڭ اكىمدىگى وبلىستىق دەڭگەيدەگى كوكەلەرىنىڭ كوڭىلىن ودان ارى تابۋ ءۇشىن تالپىنىپ-اق جاتىر. ولار وبلىستى شالباي اعامىز باسقارعان جىلداردان قالعان جاعىمسىز ءۇردىس - تالدىقورعان قالاسىنداعى عيماراتتاردىڭ قاس بەتتەرىن جاڭاجىلدىق بەزەندىرۋ كونكۋرسىنىڭ وتكىزىلەتىندىگىن، وعان وبلىس اكىمىنىڭ ءوزى قامقورلىق جاسايتىندىعىن حالىققا «سۇيىنشىلەپ» جەتكىزىپ،  قالاداعى مەكەمەلەردى وزدەرى وتىرعان  عيماراتتاردى  ارلەۋگە ماجبۇرلەپ، مازالارىن ماي ىشكەندەي الۋدا.

وسىلايشا، جەلتوقسان كوتەرىلىسىن ايتپاعاندا، تاۋەلسىزدىك كۇنىن اتاپ ءوتۋ تۋرالى دا ءالى جاق اشپاعان وبلىستىق جانە قالالىق اكىمدىك مۇسىلمان قاۋىمىنا، ونىڭ ىشىندە قازاق جۇرتىنا جات مەرەكەنىڭ مەرەيىن تاسىتىپ، مارتەبەسىن اسىرۋعا جانتالاسىپ كىرىسىپ كەتتى. ءتىپتى عيماراتتاردىڭ قاسبەتتەرىن بەزەندىرۋ كونكۋرسىندا جەتىستىككە جەتكەندەردىڭ قالاي ماراپاتتالاتىندىعىن دا وزدەرىنە قاراستى باق ارقىلى جۇرتقا جالاۋلاتا جەتكىزۋدە. وعان تالدىقورعان قالالىق اكىمدىگىنىڭ سايتى مەن گازەتتەردە جاريالانىپ، تەلارنا ارقىلى تاراتالىپ جاتقان تومەندەگى كونكۋرس شارتتارى دالەل بولا الادى. ال ناۋرىزدا مۇنداي بايقاۋدىڭ وتكىزىلگەنىن بۇرىندارى كورمەپپىز جانە الداعى كەزدە دە ۇمىتتەنبەيمىز.

الماس قىلىش.

«Abai.kz»

تالدىقورعان قالاسىندا جاڭا جىل قارساڭىندا عيماراتتاردىڭ قاسبەتتەرىن ۇزدىك بەزەندىرۋ
كونكۋرسى

1. جالپى ەرەجە

1.تالدىقورگان قالاسىنداعى عيماراتتاردىڭ قاسبەتتەرىن ۇزدىك بەزەندىرۋ كونكۋرسى الماتى وبلىسى اكىمىنىڭ قامقورلىعىمەن وتكىزىلەدى.
2.وسى كونكۋرستى وتكىزۋدىڭ ماقساتى جاڭا جىل قارساڭىندا عيماراتتاردىڭ قاسبەتتەرى قالانىڭ ديزاينى مەن ەستەتيكالىق دەنگەيى ساۋلەتتىك-قالاقۇرلىسىنىڭ زامان تالاپتارىنا سايكەس ۇزدىك بەزەندىرىلۋىن انىقتاۋ.
3.كونكۋرسقا زاڭدى جانە جەكە تۇلعالار، شاعىن جانە ورتا بيزنەس وكىلدەرى، وبلىستىق جانە قالالىق مەكەمەلەردىڭ، جوعارعى وقۋ ورىندارىنىڭ، پيك-تەردىڭ (كسك) باسشىلارى قاتىسا الادى.
4.جاڭا جىل قارساڭىندا عيماراتتاردىڭ قاسبەتتەرىن بەزەندىرۋ جونىندەگى شارالاردىڭ ورىندالۋىن تەكسەرۋ ءۇشىن كونكۋرستىق كوميسسيانىڭ مۇشەلەرى بەزەندىرىلگەن عيماراتتاردى ارالاپ كورەدى.

2.كونكۋرسقا قاتىساتىن وبەكتىلەرگە قويىلاتىن تالاپتار

1. كونكۋرسقا قاتىسۋشىلاردا عيماراتتاردىڭ قاسبەتىن جاڭاجىلدىق بەزەندىرۋ ءۇشىن جاسالعان جانە بەكىتىلگەن ەسكيزدەرى بولۋى ءتيىس.
2. عيماراتتار قاسبەتتەرىنىڭ كوركەمدىك بەزەندىرىلۋىن باعالاۋ بەلگىلەرىنىڭ نەگىزگى ولشەمدەرى:
- بەزەندىرۋدىڭ جاڭا جىلدى مەرەكەلەۋگە بايلانىستى يدەيالىق جانە تاقىرىپتىق باعىتتىلىعى;
-بەزەندىرۋ تەحنولوگياسى ارقىلى عيمارات ساۋلەتىنىڭ كومپوزيتسيالىق شەشىمىن تابۋ;
- عيماراتتاردىڭ قاسبەتتەرى مەن ەلەمەنتتەرىنىڭ ساۋلەتتىك جارىقتاندىرىلۋى اۋماعىمەن ۇيلەسىمدى بولۋ كەرەك.
3. جاڭا جىل قارساڭىندا عيماراتتار قاسبەتەرىنىڭ تاڭداۋلى بەزەندىرىلۋى جونىندەگى شارالاردى ورىنداۋ ءۇشىن زامان تالابىنا سايكەس ماتەريالدار قولدانىلىپ، ساپالى ورىندالۋى قاجەت.

3. كونكۋرستى وتكىزۋ ءتارتىبى

1. كونكۋرستىق كوميسسيا 2012 جىلدىڭ 20 جەلتوقسانىنان باستاپ 25 جەلتوقسانعا دەيىن كومپوزيتسيالىق ۇيعارىمنىڭ جانە عيماراتتاردىڭ قاسبەتتەرىن بەزەندىرىلۋىنىڭ قابىلدانعان نۇسقالارىنىڭ ورىندالۋ ساپاسىن باعالاۋ ءۇشىن تۇنگى ۋاقىتتا، تۇراقتى تۇردە تەكسەرۋ جۇرگىزەدى.
2. كونكۋرستىق كوميسسيانىڭ كونكۋرستىڭ قورىتىندىسى تۋرالى شەشىمى حاتتاما تۇرىندە راسىمدەلىپ، كوميسسيا مۇشەلەرىنىڭ ءبارى قول قويادى.
3. كونكۋرستىق كوميسسيا جاڭا جىل قارساڭىندا عيماراتتاردىڭ قاسبەتتەرىن ۇزدىك بەزەندىرۋ كونكۋرسىنىڭ قورىتىندىسى بويىنشا اقپاراتتىق حابارلاما دايىنداپ، بۇقارالىق اقپارات قۇرالدارىندا جاريالايدى.
4. كونكۋرستىڭ قورىتىندىسى بويىنشا كونكۋرستىق كوميسسيانىڭ سوڭعى شەشىمى 2012 جىلعى 27 جەلتوقساندا قابىلدانادى.

4. كونكۋرستىڭ جەڭىمپازدارىن ماراپاتتاۋ

1. كونكۋرستىق كوميسيانىڭ ۇسىنىسى بويىنشا جاڭا جىل قارسانىندا عيماراتتاردىڭ قاسبەتتەرىن ۇزدىك بەزەندىرۋ جونىندەگى تاڭداۋلى كومپوزيتسيالىق كورىنىستەردى بەلگىلەنگەن تارتىپپەن وبلىس اكىمى بەكىتەدى.
2.جاڭا جىل قارساڭىندا عيماراتتاردىڭ قاسبەتتەرىن ۇزدىك بەزەندىرۋ جونىندەگى كونكۋرستىڭ جەڭىمپازدارىنا تومەندەگى سىيلىقتار مەن جۇلدەلەردىڭ تۇرلەرى بەلگىلەندى.
- 1- ءشى ورىنعا - كومپيۋتەر;
- 2 -ءشى ورىنعا - ءتۇرلى-ءتۇستى تەلەديدار;
- 3 -ءشى ورىنعا - ءتۇرلى - ءتۇستى تەلەديدار;
- 15 مىڭ تەڭگەدەن جەتى ىنتالاندىرۋ سىيلىعى.
3. كونكۋرستىڭ قورىتىندىسى بۇقارالىق اقپارات قۇرالدارىندا جاريالاناتىن بولادى.

جاڭا جىل قارساڭىندا عيماراتتاردىڭ ۇزدىك بەزەندىرۋ كونكۋرسىنا جاۋاپتى «تالدىقورعان قالاسىنىڭ ساۋلەت جانە قالا قۇرىلىسى ءبولىمى» مەملەكەتتىك مەكەمەسى. بايلانىس تەل: 27-02-29