قازاقستاندا ەسىرتكىنىڭ تارالۋىنا قاتىستى 1606 سايت، اككاۋنت جانە باسقا دا رەسۋرس انىقتالىپ، بۇعاتتالدى. بۇل تۋرالى بريفينگتە قر ءىىم ەسىرتكى قىلمىسىنا قارسى كۇرەس دەپارتامەنتىنىڭ وكىلى دانيار ورالوۆ ايتتى.

"ەسىرتكى زاتتاردى زاڭسىز جارنامالاۋ نەمەسە ناسيحاتتاۋ بويىنشا 76 سوتقا دەيىنگى ءىس، ينتەرنەت ارقىلى ساتۋ بويىنشا 153 قىلمىستىق ءىس تىركەلدى. الەۋمەتتىك جەلىلەرگە جۇرگىزىلگەن مونيتورينگ بارىسىندا ەسىرتكى جانە پسيحوتروپتىق زاتتاردى تاراتۋعا قاتىستى 1606 سايت، اككاۋنت جانە باسقا دا رەسۋرس انىقتالىپ، بۇعاتتالدى", - دەدى قر ىشكى ىستەر مينيسترلىگى ەسىرتكى قىلمىسىنا قارسى كۇرەس دەپارتامەنتىنىڭ وكىلى دانيار ورالوۆ.

ونىڭ ايتۋىنشا، تۇرعىندار مەن ۇكىمەتتىك ەمەس ۇيىمداردىڭ قاتىسۋىمەن ەسىرتكى ساتۋعا ارنالعان ينتەرنەت-رەسۋرستارعا سىلتەمەلەر بار 4160 گراففيتي جويىلدى.

Abai.kz