بەيسەنبى, 28 ناۋرىز 2024
الاساپىران 3620 2 پىكىر 6 قىركۇيەك, 2022 ساعات 13:43

جاپونيا نارازى: رەسەي كەلىسىمدى بۇزدى

ەكىنشى جاھان سوعىسىنان كەيىن رەسەي مەن جاپونيا اراسىندا بەيبىت كەلىسىم جاسالمادى. كسرو جاپونياعا تيەسىلى كۋريل ارالدارىنىڭ ءبىر بولىگىن وزىنە قوسىپ الدى. بۇل جاپون-ورىس قاتىناسىن ۋشىقتىردى جانە ءالى كۇنگە دەيىن ەكى ەل اراسىندا بەيبىت كەلىسىم جاساۋعا كەدەرگى بولىپ كەلەدى. 

رەسەي 2020 جىلى ءوز كونستيتۋتسياسىن رەفەرەندۋم ارقىلى وزگەرتتى. سول ارقىلى "رەسەيدىڭ اۋماقتىق تۇتاستىعى تالقىلانبايدى" دەگەن پۋنكت ەنگىزدى. بۇل رەسەي-جاپونيا اراسىندا كۋريل ماسەلەسىن تالقىلاۋعا كەدەرگى جاسادى.

2022 جىلى رەسەي ۋكرايناعا اشىق سوعىس جاريالاپ، باسىپ كىردى. "ارنايى وپەراتسيا" دەپ اتاعان رەسەيدىڭ باسقىنشىلىعىن الەمنىڭ وركەنيەتتى ەلدەرى قاتاڭ ايىپتاپ، سانكتسيالار سالا باستادى. ونىڭ ىشىندە ازيا ەلدەرىنەن ەڭ كوپ سانكتسيا سالعان جاپونيا بولدى. بۇل ماسكەۋ مەن توكيو اراسىنداعى قاتىناستى ۋشىقتىرا ءتۇستى، ال توكيو وسى ارەكەتى ارقىلى رەسەيدى قىسىمعا الاتىنىن سەزدىردى.

2022 جىلدىڭ قىركۇيەگىندە رەسەي جاپونيا تۇرعىندارى كۋريلدىڭ وككۋپاتسيالانعان بولىگىنە جەڭىلدەتىلگەن جۇيەمەن كىرەدى دەگەن كەلىسىمنىڭ كۇشىن جويدى. ءتيىستى جارلىققا ميحايل ميشۋستين قول قويدى. بۇل كەلىسىم كۋريلدىڭ وككۋپاتسيالانعان بولىگىنە بارۋ ءۇشىن وككۋپاتسياعا دەيىن تۇرعان جاپوندارعا وتە قاجەت بولاتىن. ولار 1999 جىلدان باستاپ وسى كەلىسىم اياسىندا كۋريلگە ۆيزاسىز كەلىپ، اتا-بابالارىنىڭ قورىمىنا بارىپ، قۇرمەت كورسەتۋ مۇمكىندىگىنە يە ەدى. ەندى ول پروتسەسس قيىندايتىن بولدى.

1999 جىلى جاسالعان كەلىسىم كۇشى كۋناشير، يتۋرۋپ جانە بىرنەشە كىشى ارالدارعا ءجۇردى. بۇل ارالدار بۇگىندە رەسەيدىڭ ساحالين ايماعىنا قارايدى. ال كسرو-عا 1946 جىلى بەرىلدى، كەيىن رەسەي ققۇرامىندا قالدى.

رەسەي جاپونيانى 2022 جىلى "رەسەيگە قارسى ارەكەت ەتۋشى ەلدەردىڭ" تىزىمىنە قوسقان بولاتىن. ال جاپونيا قارسى ارەكەتتى كۇشەيتىپ، سانكتسيالاردى ەسەلەۋدە. رەسەيدىڭ كەلىسىمدى بۇزعانىنا بايلانىستى جاپونيا بيلىگى نارازىلىق تانىتسا، جاپون حالقى اسكەري قادامدارعا بارۋعا شاقىرۋدا.

اسحات قاسەنعالي

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504