جەكسەنبى, 4 جەلتوقسان 2022
684 1 پىكىر 19 قىركۇيەك, 2022 ساعات 13:35

مەيىرجان تورەباەۆتى قاماۋ مەرزىمى ۇزارتىلدى

الماتىدا Mudaraban Capital قارجى پيراميداسىنا قاتىستى ءىس بويىنشا ۆاينەر مەيىرجان تورەباەۆتى قاماۋ مەرزىمى تاعى ءبىر ايعا ۇزارتىلدى، دەپ حابارلايدى Abai.kz سايتى قازاقپاراتقا سىلتەمە جاساپ.

«17 قىركۇيەك كۇنى تەرگەۋ سوتىنىڭ قاۋلىسىمەن، سوتقا دەيىنگى تەرگەۋ ورگاندارىنىڭ ءوتىشى قاناعاتتاندىرىلدى. م. تورەباەۆقا قاتىستى كۋزەتپەن ۇستاۋ تۇرىندەگى بۇلتارپاۋ شاراسى 30 تاۋلىككە، ياعني 17 قازانعا دەيىن ۇزارتىلدى»، - دەپ حابارلادى قالالىق سوتتىڭ ءباسپاسوز قىزمەتى.

ەسكە سالايىق، مەيىرجان تورەباەۆ پەن مەيىرحان شەرنيازوۆ قر قىلمىستىق كودەكسىنىڭ 217-بابى 3-بولىگى بويىنشا الماتى قالالىق پوليتسيا دەپارتامەنتى تەرگەۋ باسقارماسى تەرگەپ جاتقان قىلمىستىق ءىس بويىنشا كۇدىكتى رەتىندە تانىلعان ەدى.

ايتا كەتەيىك، اتالعان ىسكە قاتىسى بار دەگەن كۇدىكپەن تانىمال ۆاينەرلەر مەيىرجان تورەباەۆ پەن مەيىرحان شەرنيازوۆ كۇدىكتى رەتىندە ۇستالعان بولاتىن.

كەيىن تانىمال ۆاينەرلەر مەيىرجان تورەباەۆ پەن مەيىرحان شەرنيازوۆ 10 تاۋلىككە قاماۋعا الىندى. كەيىن تەرگەۋ سوتى ەكەۋىنە قاتىستى «كەپىلمەن بوساتۋ» تۇرىندەگى بۇلتارتپاۋ شاراسىن سانكتسيالادى.

ءۇشىنشى كۇدىكتى – تاعى ءبىر تانىمال ۆاينەر ازيمجان سايدباەۆقا ىزدەۋ جاريالاندى.

15 ءساۋىر كۇنى قر باس پروكۋرورىنىڭ ورىنباسارى اسەت شىنداليەۆ قارجى پيراميداسىن قۇرۋ ءىسى بويىنشا تەرگەۋ اياقتالعانىن مالىمدەدى.

 

Abai.kz

1 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2336
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1187
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1423