جۇما, 29 ناۋرىز 2024
انە، كوردىڭ بە؟ 3684 3 پىكىر 23 قىركۇيەك, 2022 ساعات 14:25

تاجىكستاندى ورىستاندىرۋ ناتيجە بەرە مە؟

رەسەي بيلىگى ورتالىق ازيا ەلدەرىندەگى ىقپالىن ازايتپاۋ ماقساتىندا ورىس ءتىلىن ساقتاپ قالۋ ماڭىزدى دەپ سانايدى. سول ماقساتتا ءتۇرلى بىرلەسكەن شارالار وتكىزىپ، ءورىستىلدى ورتانى قولداۋ ءۇشىن وقىتۋ ورتالىقتارىن اشىپ، كۋرستار ۇيىمداستىرادى. 

سوڭعى جىلدارى رەسەيدىڭ تاجىكستاندى ورىستاندىرۋ ساياساتى ارتتى. ەكى ەل اراسىندا ورتاق شەكارا جوق، مىڭداعان شاقىرىم ءبولىپ تۇر. الايدا تاجىك ازاماتتارى ورىسشا بىلۋگە مۇددەلى، سەبەبى ورىس ءتىلىن ءبىلۋ ارقىلى رەسەي نارىعىندا جۇمىس ىستەي الادى. ەڭبەك ميگرانتتارىنىڭ باسىم بولىگى رەسەيگە بارىپ، نان تابۋدا. تاجىكستاننىڭ تورتتەن ءبىر بولىگى رەسەيدە جۇمىس ىستەيدى دەگەن اقپارات تا بار.

بيىل تاجىكستاننىڭ ءبىلىم جانە عىلىم مينيسترلىگى ءتىل ۇيرەتۋدى كۇشەيتۋ باعدارلاماسىن قابىلدادى. ناقتىلاپ ايتقاندا ستۋدەنتتەر، وقىتۋشىلار مەن وقۋشىلار كەمى 400 ورىس جانە اعىلشىن سوزدەرىن ءبىلۋى مىندەتتى. بۇل تۋرالى ەلدىڭ ءبىلىم جانە عىلىم ءمينيسترى راحيما سايدزودا مالىمدەدى.

تاجىكستان قوعامى بۇل ناتيجەنى 2023 جىلى ناقتى كورسەتۋى قاجەت. بۇل ماقساتتى جۇزەگە اسىرۋ ءۇشىن "تاجىك، ورىس جانە اعىلشىن تىلدەرىندە كوپ قولدانىلاتىن سوزدەر جيىنتىعى" جاسالۋدا. بيىل رەسەي باعدارلاماسىمەن وقىتاتىن تاجىكستاندا 5 مەكتەپ اشىلدى. اشىلۋ سالتاناتىنا پۋتين ونلاين رەجيمدە قاتىستى. ال جالپى تاجىكستاندا 70-كە جۋىق مەملەكەتتىك جانە جەكە نەگىزدەگى ورىس مەكتەپتەرى بار.

ورىس ءتىلىن تاجىكستاندا كەڭىنەن ناسيحاتتاۋ ماقساتىندا رەسەي بيلىگى 150 ملن دوللار كولەمىندە قارجى ءبولىپ، ارنايى باعدارلاما قابىلداۋ قاراستىرىلۋدا. رەسەي بيلىگى تاجىكستاندى ورتالىق ازياداعى ماسكەۋگە ەڭ جاقىن ەلدىڭ ءبىرى سانايدى. دۋشانبە ماسكەۋگە تاۋەلدى. ورتالىق ازياداعى ەڭ ءىرى رەسەيدىڭ اسكەري بازاسى دا وسى ەلدە.

ساراپشىلار رەسەيدىڭ ورىس ءتىلىن تاجىكستاندا وقىتۋ ورىستاندىرۋعا اكەلۋى ەكىتالاي دەيدى. سەبەبى بۇل ءتىلدى تاجىك حالقى جۇمىس ىستەۋدىڭ ءبىر مۇمكىندىگى دەپ قاراستىرادى، ال رەسەيگە سانكتسيا سالىنعان سوڭ، باسقا باعىتتا جۇمىس ىزدەۋ سانى ارتقان. مىنە، وسى سەبەپتى دە بۇل باعدارلامانىڭ بەرەتىن ناتيجەسى شامالى بولماق.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1572
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2267
عيبىرات

قايسار رۋحتى عازيز جان

مۇحتار قۇل-مۇحاممەد 3569