«تاربيە تال بەسىكتەن» دەگەنمەن وسكەلەڭ ۇرپاق تاربيەلەۋدە مەكتەپتىڭ رولى ەرەكشە. بولاشاق يەلەرىنە جان-جاقتى ءبىلىم بەرۋ ءۇشىن شارت-جاعدايى كەمەلدى، وزىق وقۋ جابدىقتارىمەن قامتاماسىز ەتىلگەن وقۋ عيماراتى كەرەك. پرەزيدەنت توقاەۆ بۇل ماسەلەگە دە ەرەكشە كوڭىل ءبولىپ، ءاردايىم نازاردا ۇستاپ كەلەدى.

پرەزيدەنت قاسىم-جومارت توقاەۆ رەفورمالار جونىندەگى جوعارى كەڭەستىڭ كەزەكتى وتىرىسىندا: «ءبىلىم الۋ ءۇشىن دۇرىس جاعداي جاساۋ – مەملەكەتتىڭ اسا ماڭىزدى مىندەتى. وكىنىشكە قاراي، بۇگىنگە دەيىن كوپ تالقىلانعانىنا قاراماستان، ءۇش اۋىسىمدى، اپاتتى، ەسكى مەكتەپتەر ماسەلەسى شەشىلگەن جوق. سوندىقتان «جايلى مەكتەپ» ۇلتتىق جوباسىنىڭ جۇزەگە اسىرىلۋى ۇكىمەتتىڭ دە، جەرگىلىكتى اتقارۋشى ورگانداردىڭ دا ەرەكشە باقىلاۋىندا بولۋعا ءتيىس. ۇكىمەت پەن ەسەپ كوميتەتى ءاربىر تەڭگەنىڭ كوزدەلگەن ماقساتقا جۇمسالۋىن قامتاماسىز ەتۋگە ءتيىس»، - دەپ تاعى دا قايتالاپ ايتتى. حالىق بولاشاعىنا جاۋاپكەرشىلىكپەن قارايتىن ەل باسشىسىنىڭ تاپسىرماسىنا، باعدارىنا رەسپۋبليكاداعى ەڭ ءىرى مەگاپوليس سانالاتىن الماتى قالاسىنىڭ اكىمدىگى دە نەمقۇرايدى قاراماي، كوش باستاپ كەلەدى. الماتى قالاسىنىڭ اكىمى ەربولات دوساەۆ مىرزانىڭ بىرقاتار اۋدانداردا وتكەن حالىقپەن كەزدەسۋىنەن پرەزيدەنت تاپسىرماسىنىڭ اكىمدىكتىڭ كۇن تارتىبىنە ەنىپ، تياناقتى شەشىمىن تاۋىپ كەلە جاتقانىنا كوز جەتكىزەمىز.

اتاپ ايتقاندا الاتاۋ اۋدانىندا Art sport باعدارلاماسى بويىنشا 15 500 بالا قامتىلدى

اكىمنىڭ تاپسىرماسى بويىنشا قىزمەت كورسەتۋشىلەردىڭ قارىزىن وتەۋ جانە باعدارلامانى جىل سوڭىنا دەيىن جالعاستىرۋ ءۇشىن اكىمدىك قوسىمشا 7,3 ملرد. تەڭگە ءبولدى.

مەكتەپكە دەيىنگى ءبىلىم بەرۋ ورىندارى مەن ورتا مەكتەپتەردەگى ورىن جەتىسپەۋشىلىگى ماسەلەسىن شەشۋ ءۇشىن قالادا جىل سايىن جاڭادان وقۋ وشاقتارى باس كوتەرۋدە.

بۇگىنگى قوعام الدىندا تۇرعان ەڭ جاۋاپتى مىندەت – تاۋەلسىز مەملەكەتىمىزدىڭ ۋىعى بوپ قادالاتىن قوعام مۇشەلەرىن، ياعني جاس ۇرپاقتى ادامگەرشىلىك قاسيەتكە تاربيەلەۋ، تياناقتى  بىلىم بەرۋ. وسى ماقساتتا ەلىمىزدە، سونىڭ الماتى قالاسىندا ءبىلىم باسقارماسىنىڭ "الماتى دارىنى"  دارىندى بالالار مەن تالانتتى جاستاردى انىقتاۋ جانە قولداۋ جونىندەگى ورتالىعى" كوممۋنالدىق مەملەكەتتىك مەكەمەسى ۇنەمى مەكتەپ وقۋشىلارىنا ارنالعان بايقاۋلار مەن وليمپيادا جارىستارىن وتكىزىپ كەلەدى. اتاپ ايتساق، 2-7-سىنىپ وقۋشىلارىنا ارنالعان  زەرتتەۋ جۇمىستارى مەن شىعارماشىلىق جوبالارىنىڭ «زەردە» رەسپۋبليكالىق بايقاۋى، الماتى قالاسىنداعى پىكىرسايىس قوزعالىسى بويىنشا ايماقتىق ليگا، 11-12 سىنىپ وقۋشىلارى اراسىنداعى پرەزيدەنتتىك وليمپيادا، 3-10 سىنىپ سىنىپ وقۋشىلارى اراسىنداعى «الماتى – اسەم قالا» اتتى ەسسە بايقاۋى، «ۇلى ونەرتاپقىشتىققا العاشقى قادام» يننوۆاتسيالىق يدەيالاردىڭ رەسپۋبليكالىق بايقاۋى تاعى سول سياقتى كوپتەگەن جاس جەتكىنشەكتەردى دامىتۋعا، تاربيەلەۋگە ارنالعا جارىستار تولاسسىز وتكىزىلەدى.

ادام بويىندا ادامگەرشىلىك قۇندىلىقتار بولماسا، ولاردىڭ ورنىن ەشقانداي تەرەڭ ءبىلىم تولتىرا المايتىنىن ءومىردىڭ ءوزى دالەلدەۋدە. بالالار مەن جاستار تاربيەسىنىڭ بولاشاعى – ولاردى ادامگەرشىلىك – رۋحاني جاعىنان ناعىز ادام ەتىپ قالىپتاستىرۋ كەرەك. سوندا عانا ناعىز تولىققاندى تۇلعاعا اينالادى.تاربيەدەگى باستى ماسەلە – بالالاردىڭ تۇلعا ارالىق قاتىناسىن دارىپتەۋ،  وز قۇربى – قۇرداستارىمەن، وتباسى مۇشەلەرىمەن قارىم – قاتىناسىن جاساي ءبىلۋ، ول ءۇشىن وزگە ادامداردى ءتۇسىنۋى، قابىلداۋى، ءار ادامنىڭ دارالىق ەرەكشەلىگىن جاسىنا، ۇلتىنا قاراماستان سانالى  تۇسىنە ءبىلۋى، وزىنە سىن كوزبەن قاراپ، ءوزىنىڭ كوڭىل – كۇيىن، اتقارعان ءىس - ارەكەتىنىڭ ەسەبىن ءتۇسىنىپ، ىستەگەن ءىسىنىڭ ناتيجەسىنە وزىندىك باعا بەرە العاندا ونىڭ بولاشاعى بيىكتە بولارى ءسوزسىز.بۇگىنگى بالا تەك مۇعالىم بەرگەن ءبىلىمدى يگەرىپ قانا قويماي، ونى ءارى قاراي ءوزىنىڭ بەلسەندى، نىسانالى، زەردەلى ، دارىندىلىق ءىس - ارەكەتىمەن ساباقتاستىرا بىلگەندە بولاشاعى كەمەل بولارى ءسوزسىز.

وسىعان وراي بالالارعا ارنالعان قازىرگى ۋاقىتقا ساي زاماناۋي ورتالىقتار الماتى قالاسىندا جۇمىس ىستەپ تۇر. سونىڭ ءبىرى ەكى جىل بۇرىن ءوز قىزمەتىن باستاعان – Alatau Creative Hub ورتالىعى. ول "الماتى-2050" ۇزاق مەرزىمدى دامۋ ستراتەگياسىندا كورسەتىلگەن باسىم باعىتتاردىڭ ءبىرى كرەاتيۆتى يندۋستريالاردى دامىتۋ بويىنشا اشىلعان. ورتالىق مەكتەپ وقۋشىلارى مەن ەرەسەكتەر كەلىپ شىعارماشىلىقپەن اينالىسۋعا تاپتىرماس ورىن. شىعارماشىلىق تالانتتاردى دامىتۋ ءۇشىن جاڭارتىلعان كىتاپحانا، كوۆوركينگ-كەڭىستىك، بالالارعا ارنالعان 25 تەگىن شىعارماشىلىق ۇيىرمە، شەبەرلىك سىنىپتارى مەن پرەزەنتاتسيالار الاڭى، مەدياتەكا اشىلعان. ۇيىرمەلەر اراسىندا مۇرات مۇتىرعانوۆتىڭ "سەن جۇلدىزسىڭ" تسيرك ونەرى مەكتەبى، د. شاراپوۆانىڭ ۆوكال مەكتەبى بار. سونداي-اق ورتالىقتا بولاشاق IT ماماندارىن دايىندايتىن جاسوسپىرىمدەرگە ارنالعان IT زەرتحاناسى، ستارتاپ كەڭىستىگى جانە Most IT ينكۋباتورى، سونداي-اق باعدارلامالاۋ جانە روبوتوتەحنيكا مەكتەپتەرى قۇرىلعان.

مەكتەپتە وقيتىن بالالارىن ورتالىققا الىپ كەلىپ جۇرگەن الماتىلىق اتا-انالاردىڭ ءبىرى دانا راحىموۆا، مۇنداعى جاعدايعا كوڭىلى تولاتىنىن جەتكىزدى.

«مەن كوپ بالالى انامىن، 4 بالام بار. بالالارىمدى وسىندا الىپ كەلىپ ءجۇرمىن. كەرەمەت ورتالىق. بارىنە كوڭىلىم تولادى»،-دەيدى.

" Alatau Creative Hub قازاقستانداعى ەرەكشە جوبا. سەبەبى، مۇنداي انالوگتار ءالى جاسالماعان. بۇل مۋلتيمەديالىق كەڭىستىك. ياعني، مۇندا ءبارى digital-ونەرمەن، وسى سالاداعى بىلىممەن بايلانىستى بولىپ كەلەدى. مۇندا قازىر ۆيرتۋالدى كەڭىستىكتەگى بارلىق نارسە – انيماتسيا، بەينە-ارت، 3D-پروەكتسيالار، VR-تەحنولوگيالار بار", - دەپ اتاپ ءوتتى "ەۋرازيالىق مادەني اليانس" قوعامدىق ۇيىمىنىڭ باسشىسى يگور سلۋتسكي.

الماتى مەگاپوليسى حالقىنا، اسەرسە جاس ۇرپاقتىڭ بولاشاعىنا ارنالعان كەرەمەت مۇمكىندىكتەر بەرۋدەن شارشاماق ەمەس.

پرەزيدەنت قاسىم-جومارت توقاەۆتىڭ حالىققا ارناعان جولداۋىندا باسەكەگە توتەپ بەرە الاتىن ەل بولامىز دەسەك، قازاقستانداعى ءبىلىمدى، عىلىمدى جەتىلدىرۋ كەرەكتىگى تۋرالى باسا ايتىلعان. جولداۋدا كورسەتىلگەن ەل ەكونوميكاسىن جانە ەل باسقارۋدى تۇبەگەيلى وزگەرتۋدىڭ قاجەتتىلىگىن ءومىردىڭ ءوزى تالاپ ەتكەندىگىن ايتا كەلە، پرەزيدەنت ءبىزدىڭ بولاشاق دامۋىمىز جان -جاقتى ساراپتالعان وزگەرىستەر جاساۋعا بايلانىستى دەپ كورسەتتى. سوڭعى جارتى جىلداعى الەمدەگى ىندەت، داعدارىس ءبىزدىڭ ءالسىز جاقتارىمىزدى اشىق كورسەتتى. جولداۋدا سونىڭ ورنىن تولىقتىرۋدى ۇسىنا وتىرىپ، جاس ۇرپاقتىڭ وقۋىنا، ۇزدىكسىز ءبىلىم الۋ جانە عىلىم سالاسىندا جەتىستىكتەرگە جەتۋىنە بارلىق جاعدايدى جاساۋدىڭ ماڭىزدىلىعىنا ەرەكشە توقتالعان بولاتىن.

الماتى قالاسى پرەزيدەنتتىڭ تاپسىرماسىن بۇگىندە مۇلتىكسىز ورىنداپ كەلەدى دەپ سەنىممەن ايتا الامىز.

Abai.kz