ىشكى ىستەر ءمينيسترى مارات احمەتجانوۆ قازاقستانعا كەلىپ جاتقاندارعا قاراعاندا كەتىپ جاتقان رەسەيلىكتەردىڭ كوپ ەكەندىگىن ايتتى.

"ەسكى ءومىر سالتىنا قايتا ورالدىق. بۇگىندە رەسەيدەن كەلىپ، ەلگە ورنالاسىپ جاتقاندارعا قاراعاندا ەل اۋماعىنان تىسقارى كەتىپ جاتقانداردىڭ سانى ارتتى. كۇن سايىن ەلگە 8-9 مىڭ ادام كەلەدى، 10-11 مىڭ ادام ەل اۋماعىنان شىعىپ كەتەدى، - دەپ مالىمدەدى مينيستر.

ال، رەسەيدە ياكۋتيا مەن تۆانىڭ موبيليزاتسياعا ۇرىنعان وتباسىلارىنا اكىمدىك ورامجاپىراق، پياز، ءسابىز، ءتىپتى، قوي بەرىپ، كوڭىلدەرىن كونشىتپەك. بۇل تۋرالى "پوليتيكا سەگودنيا" پورتالى جازدى.

الەۋمەتتىك جەلىدەگى قاۋىمدى دۇرلىكتىرگەن حاباردا قازان سوڭىنا دەيىن تۇرعىندارعا تەگىن كوكونىس تاراتىلاتىنى ايتىلادى. ەرەكشە "سىيلىقتىڭ" ىشىندە ورامجاپىراق، كارتوپ، ءسابىز، قىزىلشا مەن پياز بار ەكەن. اكىمدىك مۇنداي باستامالار ارقىلى ەر ادامدارى موبيليزاتسياعا كەتكەن وتباسىلاردى قولداۋعا تىرىسپاق.

تىۆالىقتار دا موبيليزاتسياعا كەتكەندەردىڭ وتباسىلارىنا كورسەتكەن ەرەكشە قامقورلىعىمەن كوزگە ءتۇستى. ولار ۇن، كومىر، كاپتوپ، ءتىپتى، تۇرعىندارعا قوي بەرگەن. اكىمدىك بۇل ارەكەتكە قاتىستى:

"ۇساق مالعا قاراعان ادام سوعىستا جۇرگەن ەت جاقىنىنا الاڭدامايدى، تۇرمىستىق ماسەلەنىڭ توڭىرەگىنەن شىعا الماي، ويى بولىنەدى", - دەپ انىقتاما بەردى.

ۋكراينا اقپارات قۇرالدارى بۇل جايتتى سىنعا الىپ: "ەندى تەك ولاردىڭ بانكتەگى قارىزدارىن جابۋ ءۇشىن پياز، ءسابىز، كاپتوپ تاسىعانىن كۇتۋ قانا قالدى" دەپ جازۋدا.

Abai.kz