پروكۋرور حامەنوۆانى 7 جىلعا باس بوستاندىعىنان ايىرۋدى سۇرادى.

“حالىق ءۇنى” سايتىنىڭ حابارلاۋىنشا، اتىراۋدا باقىتگۇل حامەنوۆاعا قاتىستى سوت وتىرىسىندا تاراپتاردىڭ ءجارىسسوزى باستالدى.

مەملەكەتتىك ايىپتاۋشى لاۋرا اسانوۆا باقىتگۇل حامەنوۆا مەن اقىلبەك رىسقاليەۆتى (وبلىستىق مادەنيەت باسقارماسىنىڭ باسشىسى) 7 جىلعا باس بوستاندىعىنان ايىرۋدى سۇرادى.

سونداي-اق حامەنوۆانىڭ 14 جاسقا تولماعان بالاسىنىڭ بار ەكەنىن ەسكەرىپ، جازاسىن ءۇش جىلدان كەيىن وتەۋىن سۇرادى. ول ۋاقىتقا دەيىن پروباتسيالىق باقىلاۋ قويۋدى ۇسىندى.

سوت ۇكىمى زاڭدى كۇشىنە ەنگەنگە دەيىن حامەنوۆانى قاماۋدا ۇستاۋ تۋرالى شەشىمدى وزگەرىسسىز قالدىرۋدى سۇرادى. پروكۋرور سوتتان حامەنوۆاعا ءومىر بويىنا مەملەكەتتىك قىزمەتتى اتقارۋ قۇقىعىنان ايىرۋدى سۇرادى.

Abai.kz