استانادا ءوتىپ جاتقان قازاقستانداعى ادام ساۋداسىنا كۇرەس تۋرالى قۇقىقتىق فورۋمدا قر ىشكى ىستەر ءمينيسترى مارات احمەتجانوۆ قازاقستانعا ادام ساۋداسىمەن كۇرەستى رەتتەيتىن ارنايى زاڭنىڭ كەرەكتىگىن ايتتى.

قازاقستاندا 4 ايدا ىشىندە ادام ساۋداسى بويىنشا 30-عا جۋىق دەرەك تىركەلگەن.  ىشكى ىستەر ءمينيسترى مارات احمەتجانوۆتىڭ ايتۋىنشا 3 قىلمىستىق توپ انىقتالعان جانە ەلىمىزدە جىل سايىن 100-دەن استام وسىنداي قىلمىس تىركەلەدى ەكەن.

«بىرىككەن ۇلتتار ۇيىمىنىڭ مالىمەتىنە سايكەس، الەمدەگى ادام ساۋداسى قۇرباندارىنىڭ 70 پايىزى – ايەلدەر مەن جاس قىزدار. ال ءاربىر ءۇشىنشىسى –بالالار. وكىنىشكە قاراي، بۇل پروبلەمانىڭ قازاقستانعا دا قاتىسى بار... قازىر ءىىم بۇل باعىتتاعى جۇمىسىن قايتا قۇرىپ، باعدارلى ءتاسىلدى ەنگىزۋدە.. قوعامدىق ينستيتۋتتارمەن ارىپتەستىك قارىم-قاتىناس ورناتۋ، مەملەكەتتىك ورگاندارمەن جاۋاپكەرشىلىكتى ءبولىسۋ ماسەلەلەرى قايتا قارالۋدا. بۇل قاعيدات ادام ساۋداسىنا قارسى تۇرۋ تاسىلدەرىن ازىرلەۋ كەزىندە قولدانىلۋى كەرەك»، - دەدى مينيستر.

Abai.kz