جۇما, 29 ناۋرىز 2024
46 - ءسوز 1599 6 پىكىر 17 قاراشا, 2022 ساعات 15:01

بىزگە جەڭىل كولىك ەمەس، اۋىل شارۋاشىلىق تەحنيكالارى كەرەك

الماتىدا جەڭىل كولىك وندىرەتىن (قىسقاسى قۇراستىراتىن) قىتايلىق زاۋىت پرەزيدەنت توقاەۆتىڭ لەنتاسىن قيۋمەن ءوز جۇمىسىن بۇگىن باستاپتى. اقپاراتقا سەنسەك، قىتايلىق كولىكتەر ءوندىرىلىپ نارىققا شىققاننان كەيىن كولىك ارزانداي باستايدى ەكەن. ءبىزدىڭ حالىقتىڭ كوبى شەتەلدەن كەلەتىن جاڭاسى مەن ەسكىسىن شاما-شارقىلارىنا قاراي ساتىپ الىپ ءمىنىپ ءجۇر. سوڭعى جىلدارى كولىكتىڭ قىمباتتاعانى راس، جالعىز كولىك قىمباتتاعان جوق، قۇرىلىس ماتەريالدارى، كيىم-كەشەك، ازىق-تۇلىك ءبارى، ءبارى قىمباتتاپ كەتتى...

قازىر ءبىزدىڭ ەلدە ەڭ قاجەتتى، جەتىسپەيتىن قانداي تەحنيكا؟ بىردەن ايتايىن ول – اۋىل شارۋاشىلىق تەحنيكالارى. ءبىزدىڭ ەلگە شەتەلدەن كەلىپ جاتقان اۋىل شارۋاشىلىق تەحنيكالارى بار، وكىنىشكە وراي وتە قىمبات. قولجەتىمسىز، ونى قاراپايىم شارۋالار ساتىپ الا المايدى. بانكتەن نەسيە الىپ ساتىپ الماقشى بولىپ قۇجات جيناپ ارى-بەرى جۇگىردى. بىراق بانك وڭاي-وسپاق قارجى بەرە سالمايدى. بىرنەشە شارتتى الدىڭا جايىپ سالادى، كەپىلدىك سۇرايدى. بانكتىڭ تالابىن ورىنداۋ قاراپايىم شارۋالارعا جەڭىل تۇسپەيدى. سودان امالسىز كۇدەر ءۇزىپ اۋىلىنا قايتادى.

مەنىڭ ايتايىن دەگەنىم، جەڭىل كولىك وندىرگەنشە اۋىل شارۋاشىلىعىنا قاجەتتى تەحنيكالاردى شىعارسا ءتيىمدى بولار ما ەدى؟ ءبىزدىڭ ۇكىمەت اۋىل شارۋاشىلىعىن دامىتۋ ءۇشىن ارنايى باعدارلامالار جاساپ، ساياسات جۇرگىزىپ وتىرعانى راس. وعان كوز جۇما المايمىز. قارجى دا ءبولىپ جاتىر، بىراق ءىرى فەرمەرلەر بولماسا، ورتا، شاعىن شارۋا قوجالىقتارى ونداي كومەكتەن تىسقارى قالىپ جاتاتىنى بار. شەتەلدىڭ تەحنيكالارىنىڭ كوبى ءىرى فەرمەرلەرگە ارنالعان، ۇساق شارۋالارعا قولايسىز ءارى قىمبات. قىتايدا شاعىن شارۋالارعا ارنالعان  تەحنيكالار كوپ وندىرىلەدى. ەگەر بىزدە دە شاعىن اۋىل شارۋاشىلىق تەحنيكالارىن كوپتەپ ءوندىرىپ، ارزان باعادا ساتىلاتىن بولسا جاقسى بولار ەدى. ونىڭ ۇستىنە شارۋالاردىڭ بانكتەردەن تومەن پايىزدا نەسيە الۋىنا جەڭىلدىكتەر بەرسە اۋىل شارۋاشىلىعىنا قان جۇگىرىپ، ديحاندار مەن مالشىلار شارۋاشىلىعىن شالقىتىپ، بايۋدىڭ جولىن تاپقان بولار ەدى.

ايتۋ بىزدەن، اتقارۋ، ونى ىسكە اسىراۋ سىزدەن ۇكىمەت!

 

ءالىمجان ءاشىمۇلى

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3595