بۇلاي اتاپ وتىرعانىمىز - ادىلەت مينيسترلىگى. سەبەپ وسى مينيسترلىكتىڭ تىكەلەي مىندەتىنىڭ ورىندالۋىنا قاتىستى. سونىڭ ەكەۋىنە عانا توقتالساق.

پرەزيدەنتتىڭ قۇجاتتاندىرۋ (حقكو - دەگەن ءتىل سىناتىن اتاۋ اۋىزىمىزعا كەلمەيدى) ورتالىقتارىن اشتىرعانىنا  ءبىرشاما جىل بولدى. بىراق سولاردىڭ تيىمدىلىگى ءالى تومەن. جۋىردا عانا حابارلاسقان ءبىر كىسى بالاسىنا جاردەماقى الۋعا قاتىستى ۇلىنىڭ وزگەرگەن تەگىنە بولا ءبىر ايلىق جاردەماقىدان قۇر قالاتىنىن ايتتى. بىراق بۇل مەرزىم 2 ايعا دا سوزىلۋى مۇمكىن. ويتكەنى، قۇجاتتاندىرۋ ورتالىعىنىڭ جىبەرگەن سالەمحاتى احات بولىمىنە جەتىپ، ولار كەرىلمەي-سوزىلماي قۇجاتتى مۇراعاتتان قاراپ، ءبىر جاپىراق انىقتامانى پوشتامەن جىبەرگەنشە وتەتىن مەرزىمدى ەشكىم دە ناقتى ايتا المايدى.

ءبىزدىڭ باسىمىزدىڭ جەتپەيتىنى، مەملەكەتتىڭ ءبىر مەكەمەسىنەن ەكىنشىسىنە ءالى كۇنگە ادامداردىڭ قاعاز تاسىپ جۇرگەندىگى. «قاعاز تاسىپ ءسىز ەمەس، ەلەكترون ۇكىمەت جۇگىرسىن!» دەگەن ۇران قايدا قالدى؟ قاراپايىم عانا مەكەن-جايلىق انىقتامانى ورتالىققا بارىپ، وعان تاپسىرعانشا كەرەك ورىن نەگە تىكەلەي الگى ورتالىقتان الا قويمايدى؟ بولماسا، تەگىندەگى ورىستەكتى جۇرناعىنان قۇتىلعان قازاقتار ءۇشىن انىقتامانى الۋ ءۇشىن سوناۋ اۋىلداعى احات بولىمشەسىنە دۇعايلاتپاي-اق، ادىلەت مينيسترلىگىنىڭ بازاسىندا ساقتالعان مالىمەتتى مەملەكەتتىك ۇيىمدار الاتىنداي مۇمكىندىك نەگە جوق؟ ازاماتتار نەگە سول ءۇشىن سابىلىپ، بىرنەشە اي جوعالتۋى كەرەك؟ نە ءۇشىن ەلەكتروندى ۇكىمەت پروگرامماسىنا قىرۋار قارجى ءبولىندى؟

بۇلاي اتاپ وتىرعانىمىز - ادىلەت مينيسترلىگى. سەبەپ وسى مينيسترلىكتىڭ تىكەلەي مىندەتىنىڭ ورىندالۋىنا قاتىستى. سونىڭ ەكەۋىنە عانا توقتالساق.

پرەزيدەنتتىڭ قۇجاتتاندىرۋ (حقكو - دەگەن ءتىل سىناتىن اتاۋ اۋىزىمىزعا كەلمەيدى) ورتالىقتارىن اشتىرعانىنا  ءبىرشاما جىل بولدى. بىراق سولاردىڭ تيىمدىلىگى ءالى تومەن. جۋىردا عانا حابارلاسقان ءبىر كىسى بالاسىنا جاردەماقى الۋعا قاتىستى ۇلىنىڭ وزگەرگەن تەگىنە بولا ءبىر ايلىق جاردەماقىدان قۇر قالاتىنىن ايتتى. بىراق بۇل مەرزىم 2 ايعا دا سوزىلۋى مۇمكىن. ويتكەنى، قۇجاتتاندىرۋ ورتالىعىنىڭ جىبەرگەن سالەمحاتى احات بولىمىنە جەتىپ، ولار كەرىلمەي-سوزىلماي قۇجاتتى مۇراعاتتان قاراپ، ءبىر جاپىراق انىقتامانى پوشتامەن جىبەرگەنشە وتەتىن مەرزىمدى ەشكىم دە ناقتى ايتا المايدى.

ءبىزدىڭ باسىمىزدىڭ جەتپەيتىنى، مەملەكەتتىڭ ءبىر مەكەمەسىنەن ەكىنشىسىنە ءالى كۇنگە ادامداردىڭ قاعاز تاسىپ جۇرگەندىگى. «قاعاز تاسىپ ءسىز ەمەس، ەلەكترون ۇكىمەت جۇگىرسىن!» دەگەن ۇران قايدا قالدى؟ قاراپايىم عانا مەكەن-جايلىق انىقتامانى ورتالىققا بارىپ، وعان تاپسىرعانشا كەرەك ورىن نەگە تىكەلەي الگى ورتالىقتان الا قويمايدى؟ بولماسا، تەگىندەگى ورىستەكتى جۇرناعىنان قۇتىلعان قازاقتار ءۇشىن انىقتامانى الۋ ءۇشىن سوناۋ اۋىلداعى احات بولىمشەسىنە دۇعايلاتپاي-اق، ادىلەت مينيسترلىگىنىڭ بازاسىندا ساقتالعان مالىمەتتى مەملەكەتتىك ۇيىمدار الاتىنداي مۇمكىندىك نەگە جوق؟ ازاماتتار نەگە سول ءۇشىن سابىلىپ، بىرنەشە اي جوعالتۋى كەرەك؟ نە ءۇشىن ەلەكتروندى ۇكىمەت پروگرامماسىنا قىرۋار قارجى ءبولىندى؟

بايقاعانىمىز، شيراتىلعان كەزەكتىڭ ازدىعى بولماسا قىزمەت ەتۋ ۇدەرىسى بۇرىنعى كۇيىندە قالىپ وتىرعانى كورىنىپ تۇر. ونىڭ ۇستىنە كۇنارا الگى ورتالىقتاردىڭ سەرۆەرى قاقالىپ، بىرنەشە ساعاتقا قىزمەت توقتاپ قالادى. نە بولدى دەسەڭ - «سەرۆەر» دەيدى. سوندا ول نەدەن بولعانى: قىرۋار قارجى جيناپ وتىرعان بايلانىس سالاسىنىڭ بىلىعى ما، الدە بىلىكسىز ماماندار وتىرعىزعان ادىلەت مينيسترلىگىنىڭ كىناسى مە؟

ادىلەت مينيسترلىگىنىڭ ناعىز ادىلەتسىزدىگىن كورسەتىپ وتىرعان جايت - قازاقتاردىڭ اتى-ءجونىن قالاي بولسا، سولاي حاتقا ءتۇسىرىپ، بىلىقتىرىپ قويعاندىعى. راس، بودان كەزدە ايۋداي اقىرعاندار ويلارىنا كەلگەنىن ىستەدى، ەندى سونى تۇزەتۋگە بولماس پا؟ ءبىر عانا سىدىقوۆ دەگەن تەكتىڭ ءوزى كەمىندە ون ەكى ءتۇرلى نۇسقامەن جازىلىپ، مازاققا ۇشىراعان ەسىمدەر بار: سدىكوۆ، سىدكوۆ، سيديكوۆ (قازاقشالاساڭىز، تازا ماسقارا شىعادى) ... سوندا قازاقتىڭ اتى-ءجونىن رەسەي مەملەكەت تىلىندە تەرىس تولتىرعان ماسقارا ءومىر بويى قازاقتاردىڭ ماڭدايىنا باسقان تاڭبا بولىپ قالا بەرە مە؟ ونىڭ قاي جەرى ادىلەت؟

ABAI.KZ