بۇگىن قوناەۆ قالاسىندا بالالار جىلىنا ارنالعان «كonaev CUP 2022» حالىقارالىق شاحمات ءتۋرنيرى باستالدى. سپورت دوداسىنىڭ سالتاناتتى اشىلۋ راسىمىنە وبلىس اكىمى مارات سۇلتانعازيەۆ قاتىستى.

جىلدام شاحمات تۋرنيرىنە وزبەكستان، تاجىكستان، ۋكراينا، گرۋزيا، قىرعىزستان، ءازىربايجان، ارمەنيا جانە قازاقستاننان جالپى سانى 300-دەن استام سپورتشىلار قاتىسىپ جاتىر. ونىڭ ىشىندە، 12 گروسسمەيستەر، 30 حالىقارالىق دارەجەدەگى سپورت شەبەرلەرى بار. دودا شۆەيتساريالىق جۇيەگە ساي وتەدى. تۋرنير 9 كەزەڭنەن تۇرادى، 1 كۇن عانا بولادى. ءار سپورتشىعا 10 مينۋت 2 سەكۋند ۋاقىت بەرىلەدى. جالپى جۇلدە قورى – 4 ملن تەڭگە. جارىستا جاسى 4-تەن اسقان شاحماتشىلار باق سىنايدى.

سونىمەن قاتار شارادا قازاقستاندى تورتكۇل دۇنيەگە تانىمال ەتىپ جۇرگەن گروسسمەيستەرلەر بوي كورسەتتى. ولار:
• الماتى وبلىسى شاحمات جانە شاشكا فەدەراتسياسىنىڭ پرەزيدەنتى سايات ەگەنبەرديەۆ;
• ايەلدەر اراسىنداعى حالىقارالىق گروسسمەيستەر، ازيا ۆيتسە-چەمپيونى، جىلدام شاحماتتان ازيا ويىندارىنىڭ جەڭىمپازى، الەمدەگى ەڭ مىقتى وندىق تىزىمىنە ەنگەن دينارا سادۋاقاسوۆا;
• شاحماتتان قر قۇراما كومانداسىنىڭ كاپيتانى، قر جانە ازيانىڭ بىرنەشە دۇركىن چەمپيونى، حالىقارالىق دارەجەدەگى گروسسمەيستەر رينات جۇماباەۆ;
• قر بىرنەشە دۇركىن چەمپيونى، 18 جاسقا دەيىگى جاستار اراسىندا الەم چەمپيونى، حالىقارالىق دارەجەدەگى سپورت شەبەرى قازىبەك نوگەربەك;
• بۇگىنگى ءتۋرنيردىڭ باس تورەشىسى، جانسايا ابدۋمالىكتىڭ اناسى، شاحماتتان قر ەڭبەك سىڭىرگەن جاتتىقتىرۋشىسى الما اشيروۆا;
• وبلىستىق دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزباەۆ.

«سىزدەردى قوناەۆ قالاسىندا كورگەنىمە قۋانىشتىمىن. قوناەۆ قالاسى بۇگىندە سپورتتىق ءىس-شارالاردىڭ ورتالىعىنا اينالدى. بۇقارالىق سپورتتى دامىتۋ – مەملەكەتىمىزدىڭ ستراتەگيالىق دامۋ جوسپارىنىڭ باسىم باعىتتارىنىڭ ءبىرى. وسىنداي ءىرى سپورتتىق شارا بولاشاقتا جوعارى دارەجەلى سپورتشىلاردى دايىنداپ، تاربيەلەۋگە ۇلكەن سەپتىگىن تيگىزەدى دەپ ويلايمىن»، - دەدى قۇتتىقتاۋ ءسوزىن العان وبلىس اكىمى مارات سۇلتانعازيەۆ.

سالتاناتتى شارادا ءوڭىر باسشىسى الماتى وبلىسىنىڭ سپورتىن دامىتۋعا قوسقان ۇلەسى ءۇشىن 4 گروسسمەيستەردى العىس حاتپەن ماراپاتتادى.

«قوناەۆ قالاسىندا العاش رەت بولىپ وتىرمىن. وتە قۋانىشتىمىن، وسىنداي كەرەمەت شارانى وتكىزىپ جاتىر. ارينە، ەڭ الدىمەن الماتى وبلىسى اكىمدىگىنە، شاحمات فەدەراتسياسىنا العىسىمدى بىلدىرەمىن. شاحمات ءتۋرنيرىن وتكىزۋ – بالالاردىڭ، جاسوسپىرىمدەردىڭ شەبەرلىگىن شىڭداۋدا وتە ماڭىزدى ءرول اتقارادى. سەبەبى، بۇل سپورت تۇرىندە جاس ايىرماشىلىعىنا ءمان بەرىلمەيدى. كىشكەنتاي بالاقايلار مىقتى گروسسمەيستەرلەرمەن ويناۋى مۇمكىن. بيىل ءدال وسىنداي فورماتتا اتىراۋ قالاسىندا دا شاحمات فەستيۆالى ءوتتى. كەلەشەكتە سپورت دودالارى مەيلىنشە ءجيى ۇيىمداستىرىلادى دەپ ويلايمىن»، - دەدى تىلشىلەرگە سۇحبات بەرگەن گروسسمەيستەر دينارا سادۋاقاسوۆا.

ال وبلىستىق شاحمات فەدەراتسياسىنىڭ پرەزيدەنتى سايات ەگەنبەرديەۆتىڭ ايتۋىنشا، مۇنداي شارا وڭىردە بۇرىن-سوڭدى بولماعان.

«اشىلۋ سالتاناتىنان سوڭ وبلىس اكىمىمەن سويلەستىك. ول ءبىزدىڭ قاپشاعاي سۋ قويماسىنىڭ جاعالاۋىندا «شاحمات ءۇيىن» سالۋ تۋرالى يدەيامىزدى قولدادى. بۇل جەردە coworking ورتالىعى، الدىڭعى قاتارلى IT تەحنولوگيامەن جابدىقتالعان كابينەتتەر، ويىن الاڭدارى بولادى دەپ جوسپارلاپ وتىرمىز. مۇندا وبلىستاعى مىقتى جاتتىقتىرۋشىلار شاحماتتان ساباق بەرەدى»، - دەدى سايات ەگەنبەرديەۆ.

ءتۋرنيردىڭ العاشقى ويىنى مارات سۇلتانعازيەۆ پەن دينارا سادۋاقاسوۆا اراسىندا ءوتتى.

Abai.kz