ءبىراۋىزدان سايلانعا جاڭا ءمۇفتي جانە ونىڭ ورىنباسارلارى

ءسويتىپ، كەشە حابارلاعانىمىزداي، استانادا قازاقستان مۇسىلماندارى ءدىني باسقارماسىنىڭ كەزەكتەن تىس VII قۇرىلتايى ءوتتى. ءبىز كەشە جاڭادان سايلانعان باس ءمۇفتي نازارىنا الار دەگەن ۇمىتپەن ءدىني ماسەلەلەرگە بايلانىستى بىرقاتار ۇسىنىستاردى جاريا ەتكەن بولاتىنبىز (http://old.abai.kz/content/kmdb-zhana-m-fti-sailanbak).
قۇرىلتايدىڭ باستى جاڭالىعى - باس ءمۇفتي، شەيح ءابساتتار قاجى دەربىسالى قىزمەتىنەن كەتىپ، ورنىنا وسىعان دەيىن قمدب-نىڭ سەمەي وڭىرىندەگى وكىل يمامى بولىپ جۇمىس اتقارعان ەرجان مايامەروۆتى قۇرىلتاي دەلەگاتتارى ءبىراۋىزدان سايلادى.

ەرجان مايامەروۆتىڭ كانديداتۋراسىن قمدب-نىڭ قوستاناي وبلىسىنداعى وكىل يمامى سەرىك وراز باس ءمۇفتي لاۋازىمىنا ۇمىتكەر رەتىندە ۇسىنىپتى. ال، دەلەگاتتار بولسا، سەرىك ورازدىڭ ۇسىنىسىن ءبىراۋىزدان قولداپ، داۋىس بەرگەن.

ال، ەرجان مايامەروۆ ءوزىنىڭ ورىنباسارلارى، ياعني نايب ءمۇفتي لاۋازىمىنا قايرات جولدىبايۇلىن، سەرىك ورازدى ۇسىنىپ، بۇل ۇسىنىستى دا دەلەگاتسيا مۇشەلەرى ءبىراۋىزدان قولداعان.

ءبىراۋىزدان سايلانعا جاڭا ءمۇفتي جانە ونىڭ ورىنباسارلارى

ءسويتىپ، كەشە حابارلاعانىمىزداي، استانادا قازاقستان مۇسىلماندارى ءدىني باسقارماسىنىڭ كەزەكتەن تىس VII قۇرىلتايى ءوتتى. ءبىز كەشە جاڭادان سايلانعان باس ءمۇفتي نازارىنا الار دەگەن ۇمىتپەن ءدىني ماسەلەلەرگە بايلانىستى بىرقاتار ۇسىنىستاردى جاريا ەتكەن بولاتىنبىز (http://old.abai.kz/content/kmdb-zhana-m-fti-sailanbak).
قۇرىلتايدىڭ باستى جاڭالىعى - باس ءمۇفتي، شەيح ءابساتتار قاجى دەربىسالى قىزمەتىنەن كەتىپ، ورنىنا وسىعان دەيىن قمدب-نىڭ سەمەي وڭىرىندەگى وكىل يمامى بولىپ جۇمىس اتقارعان ەرجان مايامەروۆتى قۇرىلتاي دەلەگاتتارى ءبىراۋىزدان سايلادى.

ەرجان مايامەروۆتىڭ كانديداتۋراسىن قمدب-نىڭ قوستاناي وبلىسىنداعى وكىل يمامى سەرىك وراز باس ءمۇفتي لاۋازىمىنا ۇمىتكەر رەتىندە ۇسىنىپتى. ال، دەلەگاتتار بولسا، سەرىك ورازدىڭ ۇسىنىسىن ءبىراۋىزدان قولداپ، داۋىس بەرگەن.

ال، ەرجان مايامەروۆ ءوزىنىڭ ورىنباسارلارى، ياعني نايب ءمۇفتي لاۋازىمىنا قايرات جولدىبايۇلىن، سەرىك ورازدى ۇسىنىپ، بۇل ۇسىنىستى دا دەلەگاتسيا مۇشەلەرى ءبىراۋىزدان قولداعان.

جاڭا باس ءمۇفتيدىڭ قىسقاشا ءومىربايانى مىنانداي: ەرجان مايامەروۆ مالعاجۇلى 1972 جىلى تۋعان. 1991-1993 جىلدارى وتان الدىنداعى اسكەري بورىشىن وتەپ كەلگەن سوڭ، سول جىلى مىسىرداعى ءال-ازھار يسلام ۋنيۆەرسيتەتىنىڭ شاريعات جانە زاڭ فاكۋلتەتىنە وقۋعا قابىلداندى. اتالعان وقۋ ورنىن 2006 جىلى ءتامامدادى. 2006-2008 جىلدار ارالىعىندا مىسىر ءمۇفتياتىنىڭ ءپاتۋا شىعارۋ بولىمىندە ءبىلىمىن جەتىلدىردى. 2011 جىلى 10 قازاندا ءابساتتار قاجى دەربىسالى حازرەتتىڭ ۇيعارىمىمەن، ەرجان مالعاجىۇلى قمدب-نىڭ سەمەي وڭىرىندەگى وكىل يمامى بولىپ تاعايىندالدى. ۇيلەنگەن. 3 بالاسى بار.

عۇلامالار كەڭەسى

سونىمەن، قمدب-سى ءباسپاسوز قىزمەتىنىڭ تاراتقان اقپاراتىنا سۇيەنسەك، قۇرىلتايعا قمدب-نىڭ تورالقا مۇشەلەرى، اپپارات قىزمەتكەرلەرى، وبلىستار مەن وڭىرلەردەگى وكىل يمامدارى، اقىلداستار القاسى، عۇلامالار كەڭەسىءنىڭ مۇشەلەرى، ءدىنتانۋشىلار، زيالى قاۋىم وكىلدەرى، باس-اياعى 170-تەن استام دەلەگات قاتىسىپتى.
ءبىر عانا تۇسىنىكسىزدەۋ تۇس - عۇلامالار كەڭەسى. ول قانداي كەڭەس؟ كەڭەسكە قانداي عۇلامالار مۇشە ەكەنىن الداعى ۋاقىتتا انىقتاپ، جازاتىن بولامىز.

دەربىسالى قاجى: حالىقتىڭ ءدىني ساۋاتى ارتتى

قۇرىلتايعا قايتسا ورالايىق. دەربىسالى قاجى قمدب-نى 13 جىل باسقارعان جىلدارداعى اتقارعان جۇمىستارىنا توقتالا كەلىپ: «وزدەرىڭىزگە بەلگىلى، 13 جىلدا ءدىن سالاسىندا بىرقاتار ىزگى ىستەر جۇزەگە استى. حالىقتىڭ ءدىني ساۋاتى ارتتى. مەشىتتەر ەڭسە كوتەردى. ءدىني وقۋ ورىندارى مەن مەدرەسەلەر اشىلىپ، ەل يگىلىگى جولىندا قىزمەت ەتۋدە. ءدىني باسقارما حالىقتىڭ بىرلىگى مەن ىنتىماعىنىڭ نىعايۋىنا ۇلكەن ۇلەس قوستى. بارشاڭىزعا ءمالىم، قاسيەتتى قۇراننىڭ 719 جەرىندە ءبىلىم-عىلىم جايلى باياندالعان. مەن اۋەلدە باس ءمۇفتي لاۋازىمىنا دەيىن ءال-فارابي اتىنداعى قازاق ۇلتتىق ۋنيۆەرسيتەتىندە قىزمەت ەتتىم. قالعان كۇش-قايراتىمدى ءبىلىم-عىلىم سالاسىنا جۇمساسام دەگەن ويىمدى ەلباسىنا جەتكىزدىم. نۇراعاڭ، نۇرسۇلتان ءابىشۇلى نازارباەۆ بۇل ويىمدى قۇپتاپ، ءدىنباسىنىڭ جانە ءدىني باسقارمانىڭ اتقارعان ءىس-شارالارىنا العىسىن ءبىلدىرىپ، راحمەتىن ايتتى. تاۋەلسىز قازاقستاننىڭ رۋحاني دامۋىنا، حالقىمىزدىڭ بىرلىگى مەن ىنتىماعىنا قىزمەت ەتكەنىم ءۇشىن ءوزىمدى باقىتتى سانايمىن. اللا بارشاڭىزعا رازى بولسىن!» -دەپتى.

قۇرىلتاي قاۋلىسى

جاڭا ءمۇفتي سايلاپ تارقاسقان قۇرىلتاي تومەندەگىدەي قاۋلى قابىلداپتى:
ءى. قازاقستان مۇسىلماندارى ءدىني باسقارماسى» رەسپۋبليكالىق يسلامي ءدىني بىرلەستىگىنىڭ توراعاسى، باس ءمۇفتي شەيح ءابساتتار قاجى دەربىسالىنىڭ 2000-2013 جىلدارى اراسىنداعى اتقارعان جۇمىستارىنىڭ ەسەبى قاناعاتتانارلىق دەپ باعالانىپ، قۇرىلتاي اتىنان العىس جاريالانسىن;
ءىى. «قازاقستان مۇسىلماندارى ءدىني باسقارماسى» رەسپۋبليكالىق يسلامي ءدىني بىرلەستىگىنىڭ توراعاسى، باس ءمۇفتي شەيح ءابساتتار قاجى دەربىسالىنىڭ عىلىمي-پەداگوگيكالىق قىزمەتكە اۋىسۋىنا بايلانىستى باس ءمۇفتي قىزمەتىنەن بوساتۋ تۋرالى ءوتىنىشى قاناعاتتاندىرىلسىن;
ءىىى. قازاقستان مۇسىلماندارى ءدىني باسقارماسى» رەسپۋبليكالىق      يسلامي ءدىني بىرلەستىگىنىڭ توراعاسى، باس ءمۇفتي قىزمەتىنە شىعىس قازاقستان وبلىسى سەمەي ايماعىنىڭ باس يمامى ەرجان مايامەروۆ سايلانسىن;
IV. قازاقستان مۇسىلماندارى ءدىني باسقارماسى» رەسپۋبليكالىق يسلامي ءدىني بىرلەستىگىنىڭ جارعىسىنا سايكەس وزگەرىستەر مەن تولىقتىرۋلار ەنگىزىلىپ، ادىلەت مينيسترلىگىنەن قايتا تىركەۋدەن وتكىزۋ ۇسىنىلسىن.

قۇرىلتايدىڭ قىزىعى

قۇرىلتايدىڭ قىزىعى مىناۋ: «ءابساتتار قاجى دەربىسالىنىڭ ەتكەن ەرەن ەڭبەگىن ەسكەرە كەلە، سىي رەتىندە اۆتوكولىك كىلتىن تابىستاۋعا ءبىراۋىزدان داۋىس بەردى». ءبىز تاعى دا تۇسىنىكسىزدەۋ ءارى بۇلعىڭعىرلاۋ بولىپ قالعان تاعى ءبىر جايت ول - ءابساتتار قاجىنىڭ قانداي «ەرەن» ەڭبەگى ەسكەرىلگەنى، كولىكتىڭ قانداي اقشا الىنعانى جانە قانداي ماركالى اۆتوكولىك ەكەنى بولىپ تۇر.

مولدالار بىرلىگى

قمدب-ى ءباسپاسوز قىزمەتىنىڭ قۇرىلتاي بارىسىنان حابارلاعان اقپاراتىنا قاراپ وتىرىپ، قۇرىلتاي دەلەگاتتارىنىڭ ياعني، يمام-مولدالار مەن ءدىن قىزمكەتكەرىنىڭ بارلىق ۇسىنىسقا ءتىپتى بۇرىنعى مۇفتيگە اۆتوكولىك مىنگىزۋدى دە ءبىر اتانىڭ بالاسىنداي ءبىر اۋىزدان قولداعان بىرلىكتەرى تاڭ قالدىردى. شىركىن-اي وسى بىرلىك قوعامنىڭ ۇرەيىنە اينالعان ءدىني ماسەلەلەردە دە كورىنىس تاپسا عوي دەگەن ويعا قالدىق

اقپاراتتار جانە سۋرەت قمدب-نىڭ رەسمي سايتى muftyat.kz - تەن الىندى
Abai.kz