تۇرمىسى ورتاشا قازاقستاندىق ءوزىنىڭ ايلىق جالاقىسىنا 793 ليتر بەنزين ساتىپ الا الادى. ال كاتار مەملەكەتىندەگى ورتاشا تۇرمىسى بار ادام ءبىر ايلىعىنا جانارمايدى قازاقستاندىقتان سەگىز ەسەگە، جاپوندىق - ەكى ەسەگە، رەسەيلىك - ءبىر جارىم ەسەگە ارتىق ساتىپ الۋ مۇمكىنشىلىگىنە يە. «رەيتينگ.kz» زەرتتەۋ اگەنتتىگى مەن «قازتۇتىنۋباقىلاۋ» قوعامدىق بىرلەستىگىنىڭ الەمدەگى بەنزيننىڭ قولجەتىمدىلىك باعاسى بويىنشا ساراپتاماسىنىڭ ناتيجەلەرى وسىنى كورسەتتى.

رەيتينگتىڭ ءبىرىنشى ورنىن كاتار مەملەكەتى يەلەندى. اتالعان ەلدىڭ ورتاشا ستاتيستيكالىق تۇرعىنى ءوزىنىڭ جالاقىسىنا 6500 ليترگە جۋىق بەنزين ساتىپ الادى ەكەن. مەملەكەتتەگى بەنزيننىڭ ەڭ تومەنگى قۇنى ءبىر ليتر ءۇشىن 0,26$, ال كاتاردا ورتاشا جالاقى - 1700$. بەنزيننىڭ ەڭ جوعارعى قۇنىنا قاراماستان ء(بىر ليتر ءۇشىن 0,91$) ەكىنشى ورىنعا ءبىر ايلىق جالاقىسىنا 3586 ل الۋعا مۇمكىنشىلىگى بار اقش ورنالاستى. بەنزيننىڭ قولجەتىمدىلىگى بويىنشا ۇشتىكتى باحرەين مەملەكەتى تۇيىندەدى (3275 ل، 0,28$,).

تۇرمىسى ورتاشا قازاقستاندىق ءوزىنىڭ ايلىق جالاقىسىنا 793 ليتر بەنزين ساتىپ الا الادى. ال كاتار مەملەكەتىندەگى ورتاشا تۇرمىسى بار ادام ءبىر ايلىعىنا جانارمايدى قازاقستاندىقتان سەگىز ەسەگە، جاپوندىق - ەكى ەسەگە، رەسەيلىك - ءبىر جارىم ەسەگە ارتىق ساتىپ الۋ مۇمكىنشىلىگىنە يە. «رەيتينگ.kz» زەرتتەۋ اگەنتتىگى مەن «قازتۇتىنۋباقىلاۋ» قوعامدىق بىرلەستىگىنىڭ الەمدەگى بەنزيننىڭ قولجەتىمدىلىك باعاسى بويىنشا ساراپتاماسىنىڭ ناتيجەلەرى وسىنى كورسەتتى.

رەيتينگتىڭ ءبىرىنشى ورنىن كاتار مەملەكەتى يەلەندى. اتالعان ەلدىڭ ورتاشا ستاتيستيكالىق تۇرعىنى ءوزىنىڭ جالاقىسىنا 6500 ليترگە جۋىق بەنزين ساتىپ الادى ەكەن. مەملەكەتتەگى بەنزيننىڭ ەڭ تومەنگى قۇنى ءبىر ليتر ءۇشىن 0,26$, ال كاتاردا ورتاشا جالاقى - 1700$. بەنزيننىڭ ەڭ جوعارعى قۇنىنا قاراماستان ء(بىر ليتر ءۇشىن 0,91$) ەكىنشى ورىنعا ءبىر ايلىق جالاقىسىنا 3586 ل الۋعا مۇمكىنشىلىگى بار اقش ورنالاستى. بەنزيننىڭ قولجەتىمدىلىگى بويىنشا ۇشتىكتى باحرەين مەملەكەتى تۇيىندەدى (3275 ل، 0,28$,).

توپ-5 رەيتينگىسىنىڭ قاتارىنا ليۋكسەمبۋرگ (2310 ل) پەن كانادا (1960 ل) ەلدەرى تۇراقتادى. ايتا كەتەتىن ءجايت، ليۋكسەمبۋرگتە اعىمداعى جىلدىڭ قاڭتار ايىندا بەنزين باعاسى  1,77$ قۇراعانىمەن، اتالمىش مەملەكەت ءومىر ءسۇرۋ ساپاسىنىڭ جوعارى دەڭگەيىمەن جانە الەمدەگى ورتاشا ايلىعىنىڭ جوعارىلىلىعىمەن ەرەكشەلەنەدى. سوندىقتان دا بۇل مەملەكەت تۇرعىندارى ءۇشىن وسى ءونىم قولجەتىمدى.

بەنزيننىڭ قولجەتىمدىلىك رەيتينگىسىن اۆستريا (ورتاشا ايلىققا 1828 ل), اۆستراليا               (1728 ل) جانە نورۆەگيا (1572 ل) مەملەكەتتەرى جالعاستىرادى. مۇناي وندىرەتىن نورۆەگيا ەلىندە جاعارمايدىڭ باعاسى الەمدەگى ەڭ جوعارى ورىندا ء(بىر ليتر ءۇشىن 2,34$) ەكەن. اي-95 ماركىلى بەنزين باعاسىنىڭ قىمباتتىلىعى تۇركيا، نيدەرلاند، يتاليا مەن پورتۋگاليا ەلدەرىندە انىقتالدى. دەيتۇرعانمەن، نورۆەگيا مەملەكەتىندە ورتاشا ايلىق جالاقى وتە جوعارى (ليۋكسەمبۋرگتەن كەيىن ەكىنشى ورىندا). توعىزىنشى جانە ونىنشى ورىندارعا وڭتۇستىك كورەيا (1504 ل) مەن جاپونيا (1492 ل) جايعاستى.

بەنزيننىڭ قولجەتىمدىلىك رەيتينگىسىندە قازاقستان 36 ورىنعا تۇراقتادى. ءوز كەزەگىندە، رەسەي مەملەكەتى 24 ورىندى يەلەندى. ەسكە تۇسىرەتىن بولساق، مۇناي جانە گاز مينيسترىلىگى قازاقستان مەن رەسەيدەگى بەنزين قۇنىن تەڭەستىرۋ تۋرالى ۇسىنىس جاساعان ەدى. بىراق تا قۇزىرلى ورگان بەنزيننىڭ قولجەتىمدىلىك باعاسى فاكتورىن ەسكەرمەدى. اتالمىش رەيتينگ وسىنداي قارىم-قاتىناستى كورسەتىپ وتىر. ورتاشا ستاتيستيكالىق رەسەي تۇرعىنى     اي-95 ماركىلى بەنزيننىڭ 1168 ءليترىن ساتىپ الۋعا جاعدايى كەلسە، قازاقستاندا ورتاشا جالاقىعا تەك 793 ليتر ساتىپ الۋعا بولادى. وعان قوسا، رەسپۋبليكاداعى ورتاشا جالاقى حالىقتىڭ باسىم كوپشىلىگىنىڭ ءومىر ءسۇرۋ كورسەتكىشىنەن ايىرماشىلىعى بار.

بەنزيننىڭ قولجەتىمدىلىگى بويىنشا رەيتينگتە كورسەتىلگەن مۇناي ەكسپورتتاۋشى مەملەكەتتەر ىشىندە قازاقستاننىڭ پوزيتسياسى وتە تومەن.  سيريا مەن كولۋمبيا دا جالاقىنىڭ تومەندىگى مەن بەنزين باعاسىنىڭ جوعارىلىلىعىمەن ەرەكشەلەنەدى. ال پوستكەڭەستىك كەڭىستىكتە بەنزيننىڭ قولجەتىمدىلىگى بويىنشا رەسەيدەن كەيىن ەكىنشى ورىنعا قازاقستان ورنالاستى. ستاتيستيكالىق مالىمەتتەردىڭ جوقتىعىنا بايلانىستى تمد ەلدەرىنە كىرەتىن مۇناي ءوندىرۋشى ەلدەر ء(ازىربايجان مەن تۇركمەنىستان) رەيتينگكە قوسىلمادى.

بەنزينگە ەڭ قولجەتىمسىز مەملەكەت بولىپ تاجىكستان انىقتالدى. اتالمىش مەملەكەتتە ورتاشا جالاقىنىڭ تومەنگى دەڭگەيى 227$ جۋىق بولسا، بەنزين باعاسىنىڭ ءبىر ءليترى 1,35$ ەكەنى انىقتالدى. ءسويتىپ، وسى ەلدىڭ تۇرعىنى ورتاشا ستاتيسكالىق جالاقىسىنا تەك 168 ليتر بەنزين ساتىپ الۋ مۇمكىنشىلىگى بار. فيليپپين پەن ينديا ەلدەرىندەگى جاعداي  الدەقايدا جاقسى (201 جانە 232 ليتر سايكەسىنشە). اۋتسايدەرلەردىڭ وندىعىنا پاكىستان (236 ل), مولدوۆا (272 ل), موڭعوليا (282 ل), سيريا (284 ل), قىرعىزستان (295 ل), تايلاند (306 ل) پەن ارمەنيا (329 ل) مەملەكەتتەرى ەندى.

انىقتاما

بەنزيننىڭ قولجەتىمدىلىك دەڭگەيىن ساراپتاۋ ءۇشىن مىنا سايتتىڭ مالىمەتتەرى (2013 جىلدىڭ قاڭتار ايى) http://www.mytravelcost.com/petrol-prices/ نەگىزگە الىندى. بەنزيننىڭ قولجەتىمدىلىك ينديكاتورى رەتىندە الەمدىك ەڭبەك ۇيىمىنىڭ مالىمەتى بويىنشا ءتۇرلى ەلدەردەگى ورتاشا جالاقى كورسەتكىشى بولىپ تابىلادى. ساراپتاۋعا الىنعان كەيبىر مالىمەتتەردە اۋىتقۋلار بولسا دا، سونعى ناتيجەگە قاتتى اسەر ەتپەدى.

الەم مەملەكەتتەرىنىڭ باسىم كوپشىلىگىندە اي-95 ماركىلى بەنزينى ەڭ جوعارى سۇرانىسقا يە. سوندىقتان دا بۇل بەنزين ءتۇرى ساراپتاۋعا الىندى. زەرتتەۋ بارىسىندا اي-92 ماركىلى بەنزينى بويىنشا تولىق اقپاراتتىڭ جوقتىعىنان ساراپتاۋعا الىنبادى. ادەتتە، وسى بەنزين ءتۇرى الەمنىڭ ءۇشىنشى مەملەكەتتەرىندە پايدالىنادى.

قازىرگى تاڭدا قازاقستاندا اي-92 مەن اي-95 ماركىلى بەنزيندەرىنىڭ باعا ايىرماشىلىعى 35 تەڭگەگە جۋىق. ال رەسەيدەگى بۇل كورسەتكىش 10 تەڭگەنى قۇرايدى. ەگەر دە اي-92 ماركىلى بەنزينگە رەيتينگ جاسالاتىن بولسا، وندا قازاقستان وسى بەنزيننىڭ قولجەتىمدىلىك باعاسى بويىنشا جوعارى ورىندارعا يە بولار ەدى.

Abai.kz