«قازاقستان ازاماتتارى» قوعامدىق بىرلەستىگىنىڭ پرەزيدەنتى دميتري پولتارەنكو ۆارشاۆاداعى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) كونفەرەنتسياسى الاڭىندا تازا قىلمىستىق سيپاتتاعى زاڭعا قايشى ىستەردى ساياساتتاندىرماۋعا شاقىردى.

قوعام بەلسەندىسى سانجار بوقاەۆقا قاتىستى قىلمىستىق ىسكە بايلانىستى پىكىر ءبىلدىردى. ونىڭ ايتۋىنشا، تەرگەۋ ەكى ەپيزودتى قامتيدى: اقشا قاراجاتىن يەمدەنۋگە بايلانىستى بولۋى مۇمكىن الاياقتىق جانە ورماندى زاڭسىز كەسۋ.

پولتارەنكو بۇل جەردە ازاماتتىق بەلسەندىلىك ءۇشىن قۋدالاۋ ەمەس، قىلمىستىق سيپاتتا تاعىلعان بىرنەشە ايىپ تۋرالى ءسوز بولىپ وتىرعانىن اتاپ ءوتتى. ونىڭ ايتۋىنشا، بۇعان دەيىن س.بوقاەۆ قوعامدىق قىزمەتپەن، سونىڭ ىشىندە ەكولوگيا ماسەلەلەرىن ەش كەدەرگىسىز كوتەرىپ تە، اينالىسىپ تا كەلگەن جانە وعان بۇل جۇمىستى جۇرگىزۋگە ەشقانداي شەكتەۋ قويىلماعان. قوعام بەلسەندىسى بوقاەۆتىڭ ايتقان سوزدەرى مەن ناقتى ارەكەتتەرى ءبىر-بىرىنە مۇلدە قاراما-قايشى كەلەتىنىنە ەرەكشە نازار اۋداردى.

«ءوزى ەكولوگيا ماسەلەسىن كوتەرەدى، بىراق اعاشتاردى كەسەدى. ءبىر نارسە ۇيلەسپەي تۇرعان سياقتى ما؟» – دەدى پولتارەنكو.

ونىڭ پىكىرىنشە، زاڭ الدىندا ءبارى تەڭ، ال قوعامدىق قىزمەت زاڭنان بيىك ەمەس جانە ارتىق قۇقىق بەرمەيدى. وسى تۇرعىدان العاندا، قۇقىق قورعاۋشىلار تازا قىلمىستىق سيپاتتاعى ىستەردى ساياسي ارناعا بۇرماۋى ءتيىس.

ەسكە سالا كەتەيىك، سانجار بوقاەۆ ۇلتتىق كومپانيادا جۇمىس ىستەگەن كەزەڭىندە اسا ءىرى مولشەردە الاياقتىق جاسادى دەپ كۇدىكتەلىپ وتىر. سونىمەن قاتار وعان اعاشتاردى.

Abai.kz