جەكسەنبى, 14 شىلدە 2024
انە، كوردىڭ بە؟ 2510 2 پىكىر 19 قاڭتار, 2023 ساعات 09:54

كيەۆتە قۇلاعان تىكۇشاق تۋرالى نە بەلگىلى؟

18 قاڭتاردا كيەۆ وبلىسى بروۆارى قالاسىنداعى بالاباقشا جانىنا Airbus ن225 Super Puma تىكۇشاعى قۇلادى. تىكۇشاق بورتىندا ۋكراينانىڭ ءىىم ءمينيسترى دەنيس موناستىرسكي، ءمينيستردىڭ ءبىرىنشى ورىنباسارى ەۆگەني ەنين، مەملەكەتتىك حاتشى يۋري لۋبكوۆيچ جانە ءىىم-ءنىڭ 6 قىزمەتكەرى بولعان. ولاردىڭ ءبارى قايعىلى اپاتتان قازا تاپتى. BBC-ءدىڭ حابارلاۋىنشا، الەۋمەتتىك جەلىلەردە تىكۇشاقتىڭ قۇلاۋىنا سىرتقى كۇشتەر اسەر ەتكەن بولۋى مۇمكىن دەگەن پىكىرلەر بار.

ۋكراينانىڭ قاۋىپسىزدىك قىزمەتى اپاتتىڭ 3 نۇسقاسىن ۇسىنادى: ۇشۋ ەرەجەلەرىنىڭ بۇزىلۋى، تەحنيكالىق اقاۋدىڭ شىعۋى نەمەسە كولىك قۇرالىن قاساقانا جويۋ. الايدا، قورىتىندى جاساۋعا ءالى ەرتە. سىرتقى كۇشتەردىڭ قاساقانا ارالاسۋىنان باسقا اۋە اپاتىنا تاعى ەكى سەبەپ بار: تەحنيكالىق اقاۋ نەمەسە ادامي فاكتور.

H225 – Super Puma تىكۇشاقتار توبىنىڭ كەيىنگى جىلدارى شىققان ءونىمى. بۇل تىكۇشاقتاردى العاش رەت 1970 جىلى Aérospatiale دەپ اتالعان كومپانيا قۇراستىرعان. كومپانيا اتاۋى كەيىن ەكى رەت وزگەردى. قازىرگى اتاۋى – Airbus Helicopters.

ءبىر جاعىنان، بۇل تاجىريبەسى مول، الەمدەگى ۇزاق جاساعان كومپانيا بولسا، ەكىنشى جاعىنان ءوندىرىس ورنى ەسكى تىكۇشاقتاردىڭ قوزعالتقىشتارى مەن باسقا دا نەگىزگى كومپونەنتتەرىن اۋىستىرىپ، جاڭا تىكۇشاق رەتىندە شىعارىپ وتىر. بۇل - ءونىمىن مودەرنيزاتسيالاپ، قايتا قۇراستىراتىن ورتا كلاستى مي-8 تىكۇشاقتار توبىنا ۇقسايدى. قازىر ولار جاڭا ونىمدەرىن مي-17 اتاۋىمەن شىعارادى.

بۇعان دەيىن، 2016 جىلى نورۆەگيا جاعالاۋىندا H225LP قۇلاپ، بورتتاعى ەكى ۇشقىش پەن 11 جولاۋشى تۇگەل قايتىس بولعان. تىكۇشاقتىڭ قۇلاۋىنا تەحنيكالىق اقاۋدىڭ سەبەپ بولعانى ايتىلدى. سودان كەيىن ءدال وسى مودەلدىڭ بەدەلى ءتۇستى. تەرگەۋ جۇرگىزىلدى، تىيىم سالىندى – الىندى، تىكۇشاققا وزگەرىستەر ەنگىزىلدى، تەكسەرۋلەر مەن جۇمىس رەجيمدەرىنىڭ جاڭا ستاندارتتارى قابىلداندى، بىراق بىرنەشە ەل بۇل تىكۇشاقتان باس تارتتى.

دەگەنمەن، Super Puma نارىقتان شىعىپ قالمايدى، ويتكەنى وعان باسەكەلەس بولاتىن ورتاشا كوپ ماقساتتى تىكۇشاقتار شىعاراتىن كومپانيالار از. ولاردىڭ ىشىندەگى ەڭ تانىمالى جانە كەڭ تاراعانى، كەڭەس وداعىنان رەسەيگە وتكەن ءوندىرىس ورنى،  مي-8 (مي-17) تىكۇشاقتارى. وعان بالاما نۇسقالار – Sikorsky S-92, AgustaWestland AW101. Super Puma-نى بۇلاردىڭ قاسىندا ساپالى نە ساپاسىز دەپ ايتۋعا كەلمەيدى، بۇل تىكۇشاقتار توبىنا كىرەتىن اسكەري جانە ازاماتتىق تىكۇشاقتار الەمنىڭ ونداعان ەلدەرىندە قولدانىلادى.

Abai.kz

2 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1183
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1844
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1895