ۇلتتىق مەديا قاۋىمداستىعىنىڭ توراعاسى كەمەلبەك ويشىباەۆ ءباسپاسوز كارتاسىن ەنگىزۋدىڭ قانداي ارتىقشىلىعى بار ەكەنىن ايتتى.

«ماسس-مەديا تۋرالى زاڭ جوباسى قوعامدا قىزۋ تالقىلانىپ جاتىر. الەۋمەتتىك جەلىلەردە كوپتەگەن پىكىر مەن ۇستانىم ايتىلۋدا.

ءباسپاسوز كارتاسىنا قاتىستى ءارتۇرلى تۇسىندىرمەلەر بار. ءباسپاسوز كارتاسى - جۋرناليستەردىڭ مۇددەلەرىن قورعاۋعا ارنالعان. ارينە، پرەسس-كارتانى الۋدىڭ قاجەتى جوق، بىراق كىم پرەسس-كارتاعا يە بولسا، ونىڭ ەرەكشە مارتەبەسى بولماق. بۇل بىرقاتار مۇمكىندىككە جول اشادى، ونىڭ ىشىندە ەلدەگى ۇيىمدار، اسىرەسە، مەملەكەتتىك ۇيىمدار قولجەتىمدى بولادى. بىلايشا ايتقاندا،  جۋرناليستەر ءۇشىن بەلگىلى ءبىر پايداسى بار. بۇل كارتانى بۇكىل جۋرناليستەر مىندەتتى تۇردە الۋدىڭ قاجەتى جوق. ءباسپاسوز كارتاسىن الماق-اق قىزمەتىن وزگەلەرمەن بىرگە  جالعاستىرا الادى. الايدا، ءباسپاسوز كارتاسىن الۋ ارقىلى بەلگىلى ءبىر مۇمكىندىكتەرگە يە بولادى»، - دەدى قاۋىمداستىق توراعاسى.

بۇعان دەيىن  كەمەلبەك ويشىباەۆ اتالعان زاڭ جوباسىنا قاتىستى قىزۋ تالقىعا ءتۇسىپ جاتقان بىرنەشە ماسەلە بارىن اتاپ، زاڭ جوباسىنا ءالى دە تۇزەتۋلەر ەنگىزۋگە بولاتىنىن ايتقان بولاتىن.

Abai.kz