بۇل تۋرالى قر توتەنشە جاعدايلار ءمينيسترى يۋري يلين ءمالىم ەتتى، دەپ حابارلايدى Ulysmedia.kz.

«ەكولوگيا جانە تابيعي رەسۋرستار مينيسترلىگىنە گيدروتەحنيكالىق قۇرىلىستاردىڭ سۋ تاسقىنىنا ازىرلىگىن باعالاۋ ولاردىڭ جىل سايىنعى كوبەيۋىنە بايلانىستى دا قيىنعا سوعۋدا. 2022 جىلدىڭ باسىندا 1 823 گيدروتەحنيكالىق قۇرىلىس بولسا، ونىڭ 537-ءسى جوندەۋدى قاجەت ەتسە، بيىل ولاردىڭ سانى 1 806-عا جەتتى، 534-ءى جوندەۋدى قاجەت ەتەدى»، –  دەدى مينيستر ۇكىمەتتىڭ  وتىرىسىندا.

ءيليننىڭ سوزىنشە، ولاردىڭ كوبىسىنىڭ تەحنيكالىق جاي-كۇيى تالاپقا ساي ەمەس.

«ەلدەگى سۋ شارۋاشىلىعى وبەكتىلەرىنىڭ ناقتى توزۋى 60%-دان استامدى قۇرايدى، وسىعان بايلانىستى ولاردىڭ سەنىمدىلىگى مەن قاۋىپسىزدىگى تومەندەگەن. وتكەن عاسىردا سالىنعان گيدروتەحنيكالىق قۇرىلىستار عانا ەمەس، جاڭا گتق دا الاڭداۋشىلىق تۋعىزادى. 2021 جىلى الماتى وبلىسىندا كوممۋنالدىق مەنشىكتەگى سۋ قويمالارىن پايدالانۋ قاعيدالارىن بۇزۋدىڭ 3 فاكتىسى تىركەلدى، وندا گتق-دان تومەن ورنالاسقان ەلدى مەكەندەردى سۋ باسۋ قاۋپى تۋىندادى»، - دەدى تج ءمينيسترى.

Abai.kz