مۇنداي پىكىردى بەلگىلى كاسىپكەر، مەتسەنات مارات نابيەۆ Qasqa Jol Youtube ارناسىندا جۋرناليست اباي سەيفۋللاعا بەرگەن سۇحباتىندا ايتتى.

«ەرتەدە ءبىزدىڭ اتا-بابالارىمىز ەلىن، جەرىن ساتقان ادامداردىڭ جانازاسىن شىعارماعان. تەك مۇسىلماندىق ەمەس، تاڭىرشىلدىك سەنىمنەن بەرى كەلە جاتقان نارسە. ءتىپتى، زياراتقا جەرلەمەگەن.  ال حالىقتىڭ جاعدايى قيىنداعاندا ەڭ ءبىرىنشى حاندى ولتىرگەن. سوسىن حاندى حالىق سايلاعان. بىزدە باسشىلار ونداي جاۋاپكەرشىلىكتى موينىنا السا، بالكىم، وتىز جىلدا وتىز باس كەتەر مە ەدى، كىم ءبىلسىن؟! ءبىزدى كەلەدى، «جەيدى»، كەتەدى، شىن مانىندە ءار ءىس ءۇشىن اركىم جاۋاپ بەرۋى قاجەت»،- دەيدى ول.

«سوندا قازاقستاندا كىمدەردىڭ جانازاسىن شىعارماۋ كەرەك؟» دەگەن توتە سۇراققا:

«مەن ايتپاسام دا بىلەسىزدەر. كوپ ولار. ماعان رەنجىمەسىن، قازىر وتىرعانداردىڭ كوبى سول قاتاردا. ەڭ بولماسا، قالعان ۋاقىتتارىندا ەل مەن جەر ءۇشىن جۇمىس ىستەسىن. ەندى مۇنىڭ الدىندا باسقاشا بولدى عوي. باسقاشا تاقيامىزدى كيدىك، ەندى باسقاشا كيىپ ءجۇرمىز. كەيىن بالا-شاعاسىنا «مىنە، باسىندا قيىن بولدى، ال ەندى قولىمنان كەلگەنىن قازىر جاساپ كەتتىم» دەپ ايتاتىنداي بولسىن. كەيبىرەۋلەر بار عوي، ءومىر بويى اراق ءىشتى، ءجۇردى، ەندى مەككەگە بارىپ كەلدى، ءپىرادار بولدى، قاجى بولدى، ەندى وزدەرىنشە اقىل ايتادى. وندايلار كوپ، ەڭ بولماسا، سونداي بولسىن. سوسىن كورە جاتارمىز»، - دەپ جاۋاپ بەردى مارات اسكەنۇلى.

Abai.kz