استانا قالالىق ءماسليحاتىنىڭ دەپۋتاتتىعىنا «AMANAT»-تىڭ پارتيالىق ءتىزىمى بويىنشا ۇسىنىلعان كەندەباي ادامبەكوۆ جانە باحارگۇل تولەگەن «قازاق يندۋستريا جانە ەكسپورت ورتالىعى» اق قىزمەتكەرلەرىمەن كەزدەسىپ، سايلاۋالدى باعدارلامانى تانىستىردى.

«ادەمى-اي» ۇلتتىق كادەسىي ورتالىعى ديرەكتورى باحارگۇل تولەگەن جەرگىلىكتى ءماسليحاتتا ۇلتتىق قۇندىلىقتاردى ناسيحاتتاۋعا، قازاقى رۋحانياتتى دامىتۋعا باسا كوڭىل اۋداراتىنىن جەتكىزدى. سونىمەن بىرگە ەلدىڭ الەۋمەتتىك احۋالىن كوتەرۋگە كۇش سالاتىنىن ايتتى.

– ەسىلدىڭ وڭ جاعالاۋى مەن سول جاعالاۋى – ەكى الەم. سول جاعالاۋدىڭ جولدارى تاقتايداي، جارىعى جارقىراپ تۇرسا، وڭ جاعاداعى حالىقتىڭ تۇرمىسى باسقا. اسىرەسە يلينكا اۋىلىنىڭ جاعدايى ادام توزگىسىز. سۋ، جارىق تۇراقتى ەمەس. جول جوق. مەكتەپ، بالاباقشا جەتىسپەيدى، ايتا بەرسەڭ پروبلەما كوپ، – دەدى ۇمىتكەر.

استانا قالاسى اكىمىنىڭ كەڭەسشىسى، گەنەرال-مايور كەندەباي ادامبەكوۆ «AMANAT» پارتياسىنىڭ ايەلدەر قاۋىمىنا دەگەن قۇرمەتى ەرەكشە ەكەنىن جەتكىزدى. سونداي-اق ۇيىم مۇشەلەرىنىڭ 65%-ى نازىك جاندىلاردان تۇراتىنىن، ەندى پارتيا باسشىسىنىڭ ءبىر ورىنباسارى مىندەتتى تۇردە ايەلدەر ساناتىنان سايلاناتىنىن ايتتى.

– وزدەرىڭىز كورىپ جۇرسىزدەر، قوعام وزگەرىستى تالاپ ەتەدى. ءبىزدىڭ پارتيا سۇرانىسقا قاراي جاڭعىرىپ، جەتىلە تۇسەدى. سوندىقتان «AMANAT» پارتياسىنىڭ سايلاۋالدى باعدارلاماسى 200 مىڭنان اسا ادامنىڭ تالاپ-تىلەكتەرى، ءوتىنىش-ۇسىنىستارىنىڭ ساراپتالۋىنان قۇرالدى. ءبىز سايلاۋعا شىن مانىندە حالىقتىڭ اماناتىن ارقالاپ بارامىز، – دەدى كەندەباي ادامبەكوۆ.

سونداي-اق ۇمىتكەر ءماسليحات دەپۋتاتى بولىپ سايلانسا، ەلوردا تۇرعىندارى الاڭسىز جۇمىسىنا بارىپ، باقىتتى ءومىر سۇرۋىنە جايلى بولۋى ءۇشىن قاۋىپسىز قالاعا اينالۋىنا ۇلەس قوساتىنىن ەستىرتتى.

استانا قالاسى ءماسليحاتىنىڭ دەپۋتاتتارىن سايلاۋدا پارتيالىق ءتىزىمدى ۇسىنعان «AMANAT» پارتياسىنىڭ سايلاۋ قورىنىڭ قاراجاتىنان تولەندى.

Abai.kz