ەلىمىزدىڭ وڭتۇستىك بولىگىندە جەر دۇمپۋلەرى جيىلەدى. 23 ناۋرىز تۇندە شىمكەنت، تاراز جانە تۇركىستان وبلىسىنىڭ جەرگىلىكتى تۇرعىندارى جەر سىلكىنىسىن سەزدى. بۇل تۋرالى Stan.kz حابارلادى.

قۇتقارۋشىلاردىڭ جەدەل اقپاراتى بويىنشا، جەر سىلكىنىسى 2-3 باللعا تەڭ. جەر استى دۇمپۋلەرى الماتى ۋاقىتى بويىنشا 02:07-دە تىركەلگەن. زارداپ شەككەندەر مەن قيراندىلار تۋرالى اقپارات بولعان جوق.

"جەر سىلكىنىسىنىڭ ەپيتسەنترى الماتىدان وڭتۇستىك-باتىسقا قاراي 740 شاقىرىم جەردە، تاجىكستان اۋماعىندا ورنالاسقان. ماگنيتۋداسى – 6.5. 101 جانە 112 جەلىلەرىندە زارداپ شەككەندەر مەن قيراتۋلار تۋرالى اقپارات تۇسكەن جوق", - دەپ حابارلادى شىمكەنت تجب.

جەرگىلىكتى تۇرعىندار شىمكەنت قالاسىنىڭ ورتالىعىندا دا، قالا سىرتىندا دا دۇمپۋلەردى سەزىپ، كوپشىلىگى ۇيىنەن شىعىپ كەتكەن.

تاعى ءبىر جەر ءدۇمپۋى تاڭعى 06:27-دە الماتىدان وڭتۇستىك-باتىسقا قاراي 724 كم جەردە ورىن الدى. ونىڭ ماگنيتۋداسى – 4.4.

Abai.kz