الەۋمەتتانۋشى باقىت ءالمۇراتوۆ پارلمەنت ءماجىلىسى جانە ءماسليحات دەپۋتاتتارىن سايلاۋ بارىسى تۋرالى پىكىرىن ءبىلدىردى، دەپ حابارلايدى El.kz اقپاراتتىق اگەنتتىگى.

تاراز قالاسىنداعى №64 سايلاۋ ۋچاسكەسىنە بارىپ داۋىس بەردىم. سونداي-اق №19 سايلاۋ ۋچاسكەسىندە بايقاۋشىلار قاتارىندا وتىردىم. سايلاۋ بارىسىندا ەشقانداي زاڭ بۇزۋشىلىق نەمەسە حالىقتىڭ تاراپىنان نارازىلىق بايقامادىم. داۋىس بەرۋگە كەلگەندەردىڭ بارلىعى ءوز ەركىمەن كەلىپ، ءوزى تاڭداعان ۇمىتكەرگە نەمەسە «بارلىعىنا قارسىمىن» باعانىن تاڭداپ داۋىس بەرۋگە مۇمكىندىگى بولدى.

دەگەنمەن بيىلعى سايلاۋداعى حالىقتىڭ بەلسەندىلىگى الدەقايدا تومەن بولعانىن ءبارىمىز بايقادىق. ءوزىم بايقاۋشى بولىپ وتىرعان  سايلاۋ ۋچاسكەسىندە 2700 سايلاۋشىدان 390 عانا سايلاۋشى كەلىپ داۋىس بەردى. بۇل تىم تومەن كورسەتكىش ەكەنى ايتپاسادا تۇسىنىكتى.

بۇنىڭ ءبىر سەبەبى، سايلاۋعا ءتۇسىپ جاتقان ۇمىتكەرلەر سايلاۋشىلاردىڭ كوڭىلىنەن شىقپاعان. بيلىككە نەعۇرلىم جاڭا ادامدار كوپ كەلسە، سوعۇرلىم جاڭالىق پەن وزگەرىس كوپ بولاتىنىنا سەنەمىن. ال سايلاۋدىڭ ءادىل وتكەن، وتپەگەنىنە بايلانىستى الەۋمەتتىك جەلىدە سىناۋشىلار كوپ. ارينە، ساياسي ناۋقان بولعاندىقتان سىننىڭ بولاتىنى بەلگىلى، - دەدى باقىت ءالمۇراتوۆ.

Abai.kz