جۇما, 29 ناۋرىز 2024
جاڭالىقتار 3441 0 پىكىر 19 ءساۋىر, 2013 ساعات 09:10

ءورت سوندىرۋشىلەر: «جەمقورلار – ۇرىلار، ال ءبىز – ەڭبەكەرلەرمىز!»

استانالىق جۇمىسسىز قالعان   ورتكە قارسى 66 مامانعا قاتىستى داۋ تولاستار ەمەس. بالا-شاعا ءۇشىن ءارى قىلمىسكەر ءارى جۇمىسسىز بولعان ولار بۇگىن پيكەتكە شىعىپ بوي كورسەتتى. ولار: «جەمقورلار - ۇرىلار، ال ءبىز - ەڭبەكەرلەرمىز!» دەگەن ۇرانمەن وزدەرىنەن ەڭ بولماسا قىلمىستىق باپتى الدىرىپ تاستاۋدى تالاپ ەتۋدە. ءورت سوندىرۋشىلەر بۇرىنعى قىزمەتتەرىنە قىزىعىپ تا وتىرعان جوق، سەبەبى، وندا قىزىعاتىنداي نارسە شامالى. جۋىردا عانا زەينەتكە شىققان ءبىر ءورت ءسوندىرۋشى ءوزىنىڭ زەينەتاقىسى 30 مىڭعا جەتپەيتىنىن ايتادى. ال، ماماندانعان ءورت سوندىرۋشىلەر بىلتىر وسى قىزمەت ءۇشىن اتتەستاتسيادان ەبىل-سەبىل بولىپ وتكەنى بار، ەندى بيىل ايلىعى شايلىققا جەتپەگەندىكتەن قوسالقى جۇمىس ىستەۋگە ءماجبۇر بولىپ، اقىرى سول جۇمىستان ايىرىلىپ قالدى.

استانالىق جۇمىسسىز قالعان   ورتكە قارسى 66 مامانعا قاتىستى داۋ تولاستار ەمەس. بالا-شاعا ءۇشىن ءارى قىلمىسكەر ءارى جۇمىسسىز بولعان ولار بۇگىن پيكەتكە شىعىپ بوي كورسەتتى. ولار: «جەمقورلار - ۇرىلار، ال ءبىز - ەڭبەكەرلەرمىز!» دەگەن ۇرانمەن وزدەرىنەن ەڭ بولماسا قىلمىستىق باپتى الدىرىپ تاستاۋدى تالاپ ەتۋدە. ءورت سوندىرۋشىلەر بۇرىنعى قىزمەتتەرىنە قىزىعىپ تا وتىرعان جوق، سەبەبى، وندا قىزىعاتىنداي نارسە شامالى. جۋىردا عانا زەينەتكە شىققان ءبىر ءورت ءسوندىرۋشى ءوزىنىڭ زەينەتاقىسى 30 مىڭعا جەتپەيتىنىن ايتادى. ال، ماماندانعان ءورت سوندىرۋشىلەر بىلتىر وسى قىزمەت ءۇشىن اتتەستاتسيادان ەبىل-سەبىل بولىپ وتكەنى بار، ەندى بيىل ايلىعى شايلىققا جەتپەگەندىكتەن قوسالقى جۇمىس ىستەۋگە ءماجبۇر بولىپ، اقىرى سول جۇمىستان ايىرىلىپ قالدى.

بۇل جاعداي قارجى پوليتسياسى استانا قالاسىنىڭ ورتكە قارسى قىزمەت بولىمشەلەرىن تەكسەرۋدەن كەيىن ورىن الدى. زاڭ بويىنشا ءورت سوندىرۋشىلەر مەملەكەتتىك قىزمەتكە جاتادى دا ولار ەكىنشى جۇمىس ىستەۋگە قۇقىلارى جوق. ال، بىراق مەمقىزمەتكە ءتان بۇلار ونىڭ راحاتى مەن قۇقىعىن كورۋ جازباعان - توتەنشە جاعدايلار سالاسى الەۋمەتتىك جاعىنان قۇقىق قورعاۋ قىزمەتىنىڭ سالاسىنا جاتقىزىلىپتى. مەرەكە سايىن، دەمالىس كۇندەرى كۇشەيتۋ دەگەن كۇشەنۋ رەجيمىمەن جۇمىسقا شاقىراتىنى بار، ءتىپتى، بۇلار قۇقىقورعاۋ قىزمەتىنە دە اتسالىسىپ، ەرەۋىلدەردى باسىپ-جانشۋ بولىمشەسىنىڭ دە ءرولىن اتقاراتىندىعى قاراستىرىلعانى جاسىرىن ەمەس. ەندىگى جاعدايلارى مىناۋ. ءسويتىپ، مىندەتى مەملەكەتتىك، ال جاعدايى جايسىز اسكەري قىزمەتكە تاتيتىن بۇل سالا ماماندارى جاپا شەگىپ، ەندى مەملەكەتتىك قىزمەتكە دە الىنبايتىن باپپەن جۇمىستان قۋىلىپ وتىر.

قايرات تۇراشەۆ ەسىمدى ءورت ءسوندىرۋشى  ءوزىنىڭ  بۇدان باسقا قىزمەتكە ماماندانباعانىن، مەملەكەتتىك قىزمەت بابىمەن مانساپ ويلاستىرىپ جوسپارلاعانىن، اقىرى مىنانداي جاعدايعا تاپ بولعانىن ايتتى. سوندا زاڭدا ناعىز جەمقور مەن الەۋمەتتىك از قامتىلعان قىزمەتكەردىڭ ارا-جىگى اجىراتىلماي بىردەي ساناتتا قىلمىسكەر بولىپ تانىلاتىنى، سول زاڭدى قابىلداعان  بىردە ءبىر دەپۋتاتتىڭ ءۇن قاتار جايى بايقالمايدى.

مەملەكەتتىك قىزمەت اگەنتتىگىنىڭ توراعاسى ءا.بايمەنوۆ: «مەن تانىسۋ ءۇشىن بارلىق ماتەريالدى سۇراتىپ وتىرمىن، بىراق بىلۋىمشە، بۇلار مەملەكەتتىك قىزمەتكەرگە قاتىستى شەكتەمەلەردى ورىنداماعاندىقتان وسىعان ۇشىراۋدا. الايدا، بۇل قىزمەت تىكەلەي ءبىزدىڭ اگەنتتىككە قاتىستى ەمەس، قۇقىق قورعاۋ جۇيەسىنە جاتادى» - دەپ ماسەلەدەن جىلىستاعانىن اڭعارتىپتى.

استانا

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594