جۇما, 29 ناۋرىز 2024
جاڭالىقتار 3345 0 پىكىر 26 ءساۋىر, 2013 ساعات 08:00

جانبولات ماماي. ارانداتۋدان اۋلاق بولىڭىزدار!

ۇقق توراعاسى نۇرتاي ابىقاەۆقا
قر ىشكى ىستەر ءمينيسترى قالمۇحانبەت قاسىموۆقا
باس پروكۋرور اسحات داۋىلباەۆقا

مالىمدەمە

ۇقق توراعاسى نۇرتاي ابىقاەۆقا
قر ىشكى ىستەر ءمينيسترى قالمۇحانبەت قاسىموۆقا
باس پروكۋرور اسحات داۋىلباەۆقا

مالىمدەمە

وسىمەن ءۇشىنشى كۇن قاتارىنان مەنىڭ الماتىداعى ءۇيىمدى پوليتسيا قىزمەتكەرلەرى مەن ازاماتتىق كيىمدەگى بەلگىسىز ادامدار بەلسەندى تۇردە تورۋىلداۋدا. ولار تاڭەرتەڭ دە، كەشكە دە ەش ءۇزىلىسسىز، ءوزارا اۋىسىممەن ءۇيدىڭ ماڭىن كۇزەتۋدى جالعاستىرىپ كەلەدى. سوڭعى اپتانىڭ ىشىندە ۇيىمە بىردە تۇرعىنداردى ەسەپكە الۋ سىلتاۋىمەن، بىردە بەلگىسىز قىلمىسكەرلەردى ىزدەۋ سىلتاۋىمەن بىرنەشە مارتە پوليتسيا قىزمەتكەرلەرى كەلىپ كەتتى. ال وتكەن دەمالىستا اۋەزوۆ اۋدانىنىڭ قىلمىستىق ىزدەۋ ءبولىمى قىزمەتكەرلەرى ەسىكتى قاعىپ، ءبىزدىڭ پاتەر «تونالعانى» جونىندە ارىز جازعانىمىزدى مالىمدەدى.
باسقا دا دەرەككوزدەردەن ماعان قارسى ۇيىمداستىرىلۋى مۇمكىن ارانداتۋشىلىق تۋرالى ەسكەرتۋلەر تۇسۋدە. قۇقىققورعاۋ ورگاندارىنىڭ قىزمەتكەرلەرى مەنىڭ تانىستارىم مەن اتا-انامنىڭ دوستارىنىڭ ۇيىنە بارىپ، ولارعا مەنىڭ قىزمەتىم تۋرالى اقپارات بەرىپ، قورقىتىپ ۇركىتۋدە. مەنىڭ جۋرناليستيكا مەن ساياساتتاعى بولاشاق جوسپارلارىمدى، «اشىق الاڭ» (تريبۋنا) گازەتىنىڭ قايدان قارجىلاناتىنىن انىقتاپ بەرۋدى تالاپ ەتكەن. مەن بۇل ءىستى ماعان جانە مەنىڭ قارت جاستاعى اتا-اناما كورسەتىلگەن قىسىم رەتىندە قابىلدايمىن. وسىعان وراي اشىق مالىمدەمە جاساۋدى ءجون كوردىم: ءبىزدىڭ «اشىق الاڭ» (تريبۋنا) گازەتىن ەشكىم دە سىرتتان قارجىلاندىرمايدى. گازەت وقىرمان كوڭىلىنەن شىعىپ، گازەت نارىعىندا ءوز ورنىن تاۋىپ، ءوزىن-ءوزى اقتايتىن دەڭگەيگە شىقتى. ال سىزدەردىڭ قىزمەتكەرلەرىڭىزدىڭ مەنىڭ تانىستارىم مەن دوستارىمنىڭ ۇيلەرى مەن پاتەرلەرىنە كەلۋىن ادامگەرشىلىكتەن جۇرداي حايۋاندىق ارەكەت رەتىندە باعالايمىن. بۇل ىستەرىڭىز ستالين رەپرەسسياسى كەزىندەگى «حالىق جاۋلارىنىڭ» تانىستارى مەن تۋىستارىن قۋدالاۋدى ەسكە سالادى.

وسىعان دەيىن پوليتسيا قىزمەتكەرلەرى مەن بەلگىسىز ادامداردىڭ وپپوزيتسيا بەلسەندىلەرىنە قاتىستى ءتۇرلى ارانداتۋلارىن ەسكەرە وتىرىپ، ءوزىمنىڭ قىلمىستىق ارەكەتتەرگە قاتىسىم جوقتىعىن، ناشا ساتۋمەن جانە ونى تاراتۋمەن اينالىسپايتىنىمدى، ال ءدال قازىر ءتىپتى كولىكتى دە جۇرگىزبەيتىنىمدى مالىمدەگىم كەلەدى. سوندىقتان، جاقىن كۇندەرى ماعان قاتىستى قانداي دا ارانداتۋشىلىق ورىن السا، ونى مەنىڭ پىكىرىم مەن ۇستانىمىما قارسى جوعارعى بيلىكتىڭ ءىسى نەمەسە «اشىق الاڭ» (تريبۋنا) گازەتىندە جاريالانعان «قاھارمانداردىڭ» ءبىرىنىڭ ءوش الۋى رەتىندە باعالايمىن. مەن سىزدەردى ارانداتۋشىلاردىڭ جەتەگىنە ەرىپ، ءسوز بوستاندىعىن شەكتەپ، تاۋەلسىز جۋرناليستەر مەن قوعام قايراتكەرلەرى جانە ساياساتكەرلەردى قۋدالاماۋعا شاقىرامىن.

جانبولات ماماي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594