قازاقستاننىڭ باقۋاتتى ازاماتى ءبىر جىلدا كەدەي تۇرعىنعا قاراعاندا ءۇش ەسە كوپ ەت جەيدى. بۇل تۋرالى LS باسىلىمى جازىپتى.

ۇلتتىق ستاتيستيكا بيۋروسىنىڭ مالىمەتى بويىنشا، ەڭ اۋقاتتى حالىقتىڭ 10 پايىزىنىڭ ءبىر ادامى جىلىنا 162,7 كەلى نان مەن جارما جەيدى. ال ءال-اۋقاتى تومەن توپتىڭ 10% تۇرعىنى – 106,3 كگ نان مەن جارما ءونىمىن تۇتىنادى.

قالتالى قازاقستاندىقتار جىلىنا 135,6 كەلى ەت جەسە، تۇرمىسى تومەن كىسىلەر 42,9 كەلى ەتتى قاناعات تۇتادى ەكەن. سونىمەن قاتار، ءبىر باي جىلىنا 125,5 كگ كوكونىس (كارتوپتى قوسپاعاندا) پەن 326 دانا جۇمىرتقانى ازىق قىلسا، ءبىر كەدەي 50,8 كگ كوكونىس (كارتوپتى قوسپاعاندا) پەن 107,8 جۇمىرتقا تۇتىنادى.

ايتا كەتۋ كەرەك، جالپى جۇرت بىلتىر 2021 جىلمەن سالىستىرعاندا جۇمىرتقادان باسقا ءونىم تۇرلەرىن تۇتىنۋدى ازايتقان.

Abai.kz