ءبىلىم سالاسىنداعى جەمقورلىق شىمكەنت قالاسى، شىعىس قازاقستان، تۇركىستان جانە قىزىلوردا وبلىستارىندا ءورشىپ تۇر. بۇل قر وقۋ-اعارتۋ مينيسترلىگى مەن سىبايلاس جەمقورلىققا قارسى ءىس قيمىل اگەنتتىگىنىڭ ەلىمىزدىڭ بارلىق ءبىلىم بەرۋ ۇيىمدارىندا اۋديت جۇرگىزۋى كەزىندە انىقتالعان.

«مينيسترلىكتىڭ باسىم مىندەتتەرىنىڭ ءبىرى - ءبىلىم بەرۋ ۇيىمدارىن جوعارى بىلىكتى كادرلارمەن قامتاماسىز ەتۋ جانە ءبىلىم بەرۋ جۇيەسىندەگى مەنەدجمەنتتى جاقسارتۋ. مىقتى باسشىلاردى ىرىكتەۋ جانە دايارلاۋ باعدارلاماسى ازىرلەنۋدە. بارلىعى اشىق ءارى ايقىن بولۋ ءۇشىن جوعارى بىلىكتى پەداگوگتەر بازاسىن جانە مەكتەپ ديرەكتورلارىنىڭ كادرلىق رەزەرۆىن قۇرۋ جوسپارلانۋدا»، - دەدى عاني بەيسەمباەۆ.

سىبايلاس جەمقورلىق فاكتىلەرىنە جول بەرمەۋ ماقساتىندا مينيسترلىك اۋماقتىق بولىمشەلەر، سىبايلاس جەمقورلىققا قارسى ءىس-قيمىل اگەنتتىگى، اكىمدىكتەر مەن ءماسليحاتتار دەپۋتاتتارى جانە قوعام وكىلدەرىن تارتا وتىرىپ مونيتورينگ توپتارىن قۇرۋدى ۇسىندى.

ايتا كەتۋ كەرەك، سىبايلاس جەمقورلىقتىڭ الدىن الۋ شارالارى ەلىمىزدىڭ بارلىق وڭىرلەرىندە جالعاسادى.

Abai.kz