ناتو باس حاتشىسى يەنس ستولتەنبەرگ ۋكراينانىڭ سولتۇستىك اتلانتيكالىق اليانستاعى وداقتاستارى مەن سەرىكتەستەرى كيەۆكە ۋادە ەتىلگەن اسكەري تەحنيكانىڭ بارلىعىن دەرلىك – 1550 بتر مەن 230 تانكتى، سونداي-اق «ۇلكەن كولەمدەگى وق-دارىلەردى» تاپسىرعانىن ايتتى.

«ۋكرايناعا ۋادە ەتىلگەن جاۋىنگەرلىك كولىكتەردىڭ 98%-دان استامى قازىردىڭ وزىندە (ۋكراينا قولباسشىلىعىنا) بەرىلدى»، – دەدى ستولتەنبەرگ بەيسەنبى كۇنى ليۋكسەمبۋرگ پرەمەر-ءمينيسترى كساۆە بەتتەلمەن بىرلەسكەن بريفينگتە.

باس حاتشىنىڭ ايتۋىنشا، ۋكراينا قارۋلى كۇشتەرىنىڭ قاجەتتىلىكتەرى ءۇشىن جىبەرىلگەن تەحنيكا مەن جەتكىزىلگەن سناريادتاردى ەسكەرە وتىرىپ، قازىر ۋكراينا ارمياسىنىڭ رەسەي اسكەرلەرى باسىپ العان ەل اۋماقتارىن ازات ەتۋ ءۇشىن قاجەتتى تەحنيكالىق مۇمكىندىكتەرى بار.

ستولتەنبەرگ ۋكراينا پرەزيدەنتى ۆلاديمير زەلەنسكي مەن قىتاي باسشىسى سي ءتسزينپيننىڭ ءبىر كۇن بۇرىن تەلەفون ارقىلى سويلەسكەنىن دە مالىمدەدى.

باس حاتشىنىڭ سوزىنشە، ناتو ەكى كوشباسشىنىڭ تولىق اۋقىمدى سوعىس باستالعاننان بەرى ءبىر جىلدان استام ۋاقىت ىشىندە العاش رەت سويلەسكەنىنە توقتالىپ، بىراق قىتاي ءالى كۇنگە دەيىن ورىس باسقىنشىلىعىن اشىق تۇردە ايىپتاماعانىن اتاپ ءوتتى.

Abai.kz