كەشە ماسكەۋدە «جەڭىس پارادى» ءوتىپ، وعان بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، ارمەنيا پرەمەر-ءمينيسترى نيكول پاشينيان، تاجىكستان پرەزيدەنتى ەمومالي راحمون، وزبەكستان پرەزيدەنتى شاۆكات ميرزيەەۆ جانە تۇرىكمەنستان پرەزيدەنتى سەردار بەردىمۇحامەدوۆ جانە قازاقستان پرەزيدەنتى قاسىم-جومارت توقاەۆ قاتىسقان.

بۇعان قاتىستى پىكىر بىلدىرگەن  ۋكراينا سىرتقى ىستەر مينيسترلىگى تمد ليدەرلەرىنىڭ ماسكەۋدەگى پارادقا بارۋىن «ءومىرى مەن تاۋەلسىزدىگى ءۇشىن كۇرەسىپ جاتقان ۋكراين حالقىنا قارسى دۇشپاندىق قادام» دەپ ايىپتادى.

ۋكراينا ءسىم-ءىنىڭ ايتۋىنشا، پاراد كەزىندە ۋكرايناعا قارسى سوعىسقا قاتىسىپ جاتقان رەسەيلىك اسكەري تەحنيكا كورسەتىلگەن.

سونداي-اق، مالىمدەمەدە  رەسەي پرەزيدەنتىنىڭ «ۋكراين ازاماتتارىن ءولتىرۋدى، ۋكراينانىڭ قالالارى مەن اۋىلدارىن تالقانداۋدى، بالا ۇرلاۋ مەن وككۋپاتسيالانعان ۋكراين ايماقتارىنىڭ تۇرعىندارىنا قارسى رەپرەسسيانى اقتاعانى» جازىلعان.

مالىمدەمەدە: «ءىس-شارانىڭ الدىندا رەسەي ۋكراينانى ودان سايىن قيراتۋ ءۇشىن 25 قاناتتى زىمىرانىن ۇشىردى»، - دەلىنگەن.

«ورتالىق ازيا جانە كاۆكاز حالقى 78 جىل بۇرىن ءناتسيزمدى جەڭۋگە ولشەۋسىز ۇلەس قوستى. ال وسى ەلدەردىڭ باسشىلارىنىڭ پارادقا قاتىسۋى ازاتتىعى ءۇشىن كۇرەسى جاتقان ۋكراين حالقىنا قارسى دۇشپاندىق قادام»، - دەيدى مالىمدەمە اۆتورلارى.

Abai.kz